當孤寂的我遇上了你們: 第五章

正當我咬着漢堡包時 我看到阿晴拿出另一部手機
我隱約看見Whatsapp的面版 看她摩打般的速度打了幾隻字
我看不到她打了什麼字 打完後她很快地就把手機收好
​
「係喎,你做緊咩工?」阿晴主動打開了話題
「乜我似好大個咩?」我無奈地搖頭
「咁你個look睇落去又唔似中學生...你真係中學生?」
「我唔係讀緊中學,不過都唔係做緊野」
「姐係日日摺埋係屋企打機果啲廢青?」
「估岩一半啦。我讀緊啲唔知乜鬼課程,都算學校既,但唔係中學,不過摺埋打機就岩既。」




「哦?你唔出去溝下女咁?」
「因為我係基囉。」
「咁你唔出去溝仔???」阿晴忍着笑說
「屌同你講多都哂氣。」

然後阿晴默不作聲地咬着手上的豬柳蛋漢堡

「何家晴!!!你做咩同第二個男人一齊!!!」一把洪亮的聲音響起
「果然Mina冇吹水,佢話見到你同緊第二個男仔出街,原來係真既!!!」
我恍然大悟 原來所謂Mina就是阿晴自己 哈哈 這個女人果然不單純




「關你咩事,你又唔係我邊個。」
這是我第一次看見阿晴的冷漠
「我...你明知我中意左你好耐,你之前仲要同我曖昧,你係咪玩鳩我!!??」
「不過我唔中意你喎,你自己自作多情姐。」阿晴看着他冷冷的說
然後她過來挽着我的手
「我中意既係佢喎,佢係我男朋友。」
「哦姐係我做左你隻兵啦。」說完這句他狠狠地看到我一眼就氣沖沖地走了

「你係咪覺得我好衰,好似借你過橋咁~不過佢真係好鬼死煩,係學校成隻吊靴鬼咁...哈哈」
「無所謂啦,又影響唔到我,話時話,你肯放開隻手未?」




「sorry阿~」
「咁一陣去邊?」
「我想去機鋪打機~」阿晴雀躍地說

然後我們便來到德福的遊戲機中心




最有效磨練自己的方法
就是經過無數次的失敗