[新手上路] 真係做得出刀劍神域入面果種VR?: 16. 我變到好靚仔~hehe

嘩...好黑呀呢度...邊度黎? 我係咪飛緊? 去緊邊? 前面有一點光...係咩黎? 愈黎愈大既...

好大風呀呀呀呀呀呀呀呀呀呀~~~~~~~~~~~~~

點光愈黎愈大, 原來我跌緊落去呀呀呀呀呀呀呀呀呀呀~~~~~~~~~~~~~

去到點光放到最大既時候...我諗呢一跌都應該幾痛, 我合埋對眼由佢跌啦

過左一陣...我擘大眼, 四周圍都好白, 可以話係咩都無, 係我周圍望緊既時候...





「Welcome to Kasa, 我係你既新手指導精靈小思~」一隻手掌咁大既小精靈係我身邊飛黎飛去

「係進入Kasa之前,會有一個全身既素描, 之後你既體材同外表都會有所改變, 而決定你既外型, 係由你腦電波發出既信息而作改變, 成為你最想變成既外表」

話畢, 突然憑空出現好多識飛既球體, 啲波圍住我發射好多一條條既綠色光, 不停咁上下掃黎掃去

唔夠10秒, 我開始意識模糊...我...       砰!

「...呢度咩地方?」到我有意識既時候, 我發現我訓左係張床





我落左床企起身...O! M! G!

點解我會高左咁既...wowowowowowowowow, 難掩心中既興奮

我記得有意識既時候, 有隻精靈好似叫...小思? 佢話我外型會變成我諗咁既樣...? 即係話, 我會好靚仔? hehe

我急不及待跑去鏡前面...O! M! G!  呢條友係乜水黎? 點解會有如此完美既男人出現

「好靚仔呀~好大隻呀~ 你睇下我隻手臂...嗚呀!! 你睇下我果六舊腹肌...嗚呀!!」





係我沉醉緊係自己body既時候, 有人敲門「kwok, kwok, kwok~」

「係? 邊個?」我行去開門

一打開門, 我見到個外表好普通既女仔...唔談得上醜, 但亦唔稱得上靚, 身材都係好普通

「hey~劍仔醒左啦喎... 嘩...你變到咁高大靚仔既~哈哈, 曳曳呀你, 成日諗住自己變靚仔呢?」呢位女仔一路篤我一路笑住咁講

「哦...哈哈...係呀...想做靚仔好耐嫁啦~ 不過呢...請問你係?」老實講, 叫我得劍仔都係得果幾個女仔姐

「Alice呀! 咁都唔認得?」Alice半嬲半笑咁打左我兩拳

「......................................」「你係Alice? 你真係Alice?」我真係唔覺得佢同Alice係有關係

「係呀傻佬!」Alice啪一啪我個頭就行入我間房





我呆一呆, 再諗返精靈小思講過既野, 呢個世界既外表係跟據自己心目中既外表而定...但係點解Alice要諗到自己咁呢?

我正想問佢既時候, 佢已經開口話「你係咪好想知點解我同現實個樣有咁大出入呢?」

比佢講中左

「其實我幾唔鐘意現實自己個樣...痴埋我身邊既男仔全部都係為左我外表, 無個係真心留意我性格同內心, 依家咁樣幾好呀! 唔洗成為焦點, 哈哈!」皮笑肉不笑

佢突然咁講...我一時三刻都諗唔到啲咩安慰說話

「唔係呀, 你都幾好呀, 又健談又細心, 又識關心人, 剩係睇外表果啲男人走晒寶啦!」

Alice心頭一暖...





「多謝你呀~ 不過今次黎唔係同你講呢啲嫁~hehe」

「黎! 我帶你周圍行下先, 介紹下呢個世界比你識」