[新手上路] 真係做得出刀劍神域入面果種VR?: 10. Koey對Steve的獨白

「Steve係天才, 呢度無一個人係唔會否認, 佢既能力有幾大? 大到你唔會想像得到. 只要佢堅持, 無問題係佢解決唔到!」

呢幾句說話都係研發部成員內心對Steve永恆既睇法

講返起件事, 大約都三年前, Apple宣佈左一樣新技術

Steve睇中左呢點就加入Apple, 將佢地既技術改良再研究, 點樣可以做到唔洗好似VRM咁, 一路使用一路消耗體能

果一年, 佢基本上年日都係訓得一兩個鐘, 甚至有時幾日唔訓, 就係為左用每分每秒去研究依家既VRT





最後佢成功做左個初型出黎, 仲痴線到自己去試

當然唔會咁成功比佢一次就搞掂啦, 佢第一次入去, 差啲出唔返黎!

個傻佬傻到自己一個寫左隻game去test VRT...仲自己入去試下有咩bug

又唔話我地知...你知唔知佢入左去幾耐? 係三日! 佢三日無出過黎!

VRT唔可以就咁中斷連線, 咁樣會對人腦出現錯亂既資訊, 分唔開虛擬定現實





所以我地成team人只好等...一直咁等, 由發現佢入左去第一日就等

直到佢出返黎, 佢好虛弱, 但佢唔理我地勸佢休息, 佢就繼續修改隻game, 不斷咁去kill bugs

到佢改到應為已經無咩漏洞既時候, 佢先肯彩我地, 同返我地講野

你知唔知佢第一句講咩? 「原來呢個世界上, 你點努力都好, 都係唔可以令佢變完美」

講完之後佢就回復正常, 無再沉迷落去, 過返正常生活, 我有問佢咩事...佢話我地唔會明白佢做緊咩...





而呢個project我地都慢慢做, 開始建立自己既server, 造自己既網絡, 正式搵一班人返黎做測試員

直到有一日, 佢見到Sword你果篇論文, 令佢覺得自己唔係一個, 佢果團火又再次燃燒

呢個就係個原因, 點解佢要搵你返黎