【最好的結局】那年那天那個大過我的少女。: 熱戀

經過琴日既擁抱，小玲每一句既說話中， 
我清楚地知道了小玲已經真真正正接受我，亦都知道小玲喜歡我。 
我地每日都會不停地傳發短訊，根本不會有任何時間係放低手機。 
亦會盡量每日抽時間相約，為的就是見上那幾個鐘都無既面。 
為的就是可以和心愛的人聊上幾句， 
拖拖手， 
見見面， 
談談心。 
當然，約會的地點還是在那個屬於我和她的小天地…藍田公園。 
那個地方充滿我和她的回憶， 


第一次，因為我忘記覆小玲的短訊，她帶了我來這，我在這謝罪。 
第二次，我和她約在這…我更和她發了脾氣。 
但每在這一次後， 
我和小玲的關係更勝從前， 
慢慢地走得更埋。 

無論甚麼話題， 
我和她都可以談論一番。 
無論，生活…朋友…事業…食物…等等 
每和她談論完一個話題， 


我都覺到自已更了解小玲。 

小玲不再是那個只可以遠觀的對像。 
小玲已經是我的女朋友。

無論，我點相信小玲已經是我的女朋友， 
但我都會去擔心一個那麼美麗的女朋友明天會突然消失於我眼前，擔 
心自已會唔見左佢。 
因為，我只是一個普通人，但，小玲不是一個普通人，而是一個女神。 
但我只是剛好有運， 


可以帶這個跌落凡間的女神回家，負責照顧她， 
但同樣我知道我的運氣並不會長久，終會有日花光。 
可能有日女神會俾天神召回上天間，亦有可能有其他魔鬼會捉走女神… 

在有生的瞬間能遇到你　竟花光所有運氣。 

或許，小玲清楚了解我的內心。 
清楚知道我會怕我會失去她， 
知道我在擔心自已是否襯得起她， 
明白我的不安。 

小玲從昨天開始， 
她會更主動，更在意，更著緊我。 
她會害怕我擔心，會主動和我報告行蹤。 
她會擔心我亂想，會主動不理彩其他男生。



她很為我。 
她很照顧我。 
她很緊張我的感受。 

她那句， 
「傻瓜，我都好愛你！」 
我想真的是她的真心話。 
因為， 
她真的講得出做得到。 

而我地既日常對話亦稱滿幸福， 

「傻佬！」 
「做咩呀傻婆」 


無錯，我地個稱呼已經由傻仔進化到去傻佬傻婆！ 
「我好想你呀！」 
「返工都咁掛住我？」 
「哼！係唔係要我掛第個？」 
「唔係唔係！」 
「我好掛住你嘻嘻！」 

「今晚食咩好呀傻佬？」 
「食…食左妳！」 
「魚…正經d啦，我好肚餓呀！」 
「妳想食咩呀？」 
「你煮既野！」

「返返下工，突然好想抱實你呀！」 
「我都係喎傻婆！」 


「抱抱！傻佬」 

小玲就係咁可愛… 

「傻佬呀！」 
「做咩呀？」 
「你有幾愛我呀？」 
「唔…我無限愛妳！」 
「邊有得無限！要諗過。」 
「好愛妳！」 
「好愛炸？」 
「超愛妳！」 
「超愛炸？」 
「好超愛你！」 
「咩來架嘻嘻！」 


「我同妳獨有既詞語！」 
「有咩意思先？」 
「永遠愛妳一個。」 
「魚…好肉麻呀你！」 

「傻佬呀！我放工啦！」 
「傻婆今日咁遲既？」 
「有野做麻！」 
「傻婆洗唔洗我接妳呀？」 
「唔得！傻佬返學已經夠曬累！」 
「傻婆最重要喎！」 
「無呀！」 
「但我想見妳喎！」 
「我都好想見你呀！」 
「咁點好？」 
「我來搵你嘻嘻！」 
「好呀！」 
「開門啦！」 
「下？」 
「我係你門口啦！」

「傻佬，我訓唔著呀點算？」 
「做咩事訓唔著先！」 
「因為呢…有個人呢…係我個腦到呀！」 
「邊個咁大膽阻住小玲大人訓！我幫你妳趕走佢。」 
「唔趕得架！」 
「點解呀！」 
「因為個個人係你囉！」 
「好肉麻呀小玲！」 
「講真架，一閉起眼就想起你嘻嘻」 
「哇，我有咁重要咩？」 
「有呀！你是我最重要的人。」 
「真嗎？」 
「真。」 
「傻婆！咁你趕我都唔走！」 
「你唔準偷偷地走就真！」 
「好呀！」 

「傻佬！」 
「做咩呀傻婆！」 
「我見到件衫好岩你呀！」 
「有幾岩先！」 
「唔知啦，我就買左啦！」 
「咁快！」 
「女朋友眼光好準架！」 
「睇你簡我就知啦！」 
「唔知醜嘻嘻」 

當我和小玲在一起， 
甜和蜜，我也有。 
和她在，總有驚喜， 
她那大姐姐的性格， 
說真的，很會照顧我。 
很多人以為，男人總喜歡大男人， 
要一個小鳥依人的女生， 
但是，男人都有軟弱的時候， 
都會想有人可以依靠。 
所以亦有人說過，大姐姐是男人的秘密！ 

而， 
小玲就是我的秘密。