【最好的結局】那年那天那個大過我的少女。: 曖昧

踏入五月， 
其實都開始多野做， 
又要考試，又要返兼職。 
其實真係好忙好忙。 

同時小玲工作亦好忙， 
我忙時，她亦忙， 
說不出的合拍。 



而我同小玲亦都愈來愈曖昧， 
好似， 
佢會係唔洗返工既日子， 
去接我放學… 

你會話， 
男人老狗仲洗乜野接放學… 
講真， 
俾一個女仔接放學其實係一件好幸福既事， 


知道有人等緊你麻， 
但俾一個大過自已既女人接放學就唔係咁講… 


簡單舉過例， 
你細細個個時… 
你都唔鍾意俾阿媽接放學啦， 
佢接你放學你都可能會行快d啦， 
你都想同d同學大搖大擺咁行係條街到， 
係唔係先？ 




但… 
其實我好鍾意佢接我放學， 
無他，因為佢睇落唔算太大…哈哈 
更何況， 
呢d係情趣… 


情趣呢家野，你識條撚咩。


當然， 
我地大家都會盡量抽時間星期日一齊出去， 
每次出去，我都會大膽咁拖佢隻手， 


就算身邊既眼光有幾咁不肖， 
幾咁想食左我… 
幾咁想打我… 
我都覺得特別開心， 
無他，因為我拖住自已喜歡既人。 

其實，有時真係可以係人地隻眼到睇到佢講d咩… 
每次，我拖住小玲個時， 
我都可以見到d人… 

「一支鮮花插在牛糞上…」 
「死好命。」 
「條仔就爽啦，晚晚有靚女屌！」 
「條女好正，我都想要呀」 
「睇下條仔幾時滿足唔到條女」哇…屌你呀 



係喇…差唔多係咁樣， 
問心個句…拖住小玲行街又真係幾爽既… 
成班仔睇到出晒水… 
而我又特別自豪！ 


我同小玲既對話亦愈來愈入肉… 
好似有時我講到入去咸濕野小玲都唔會抗拒… 
亦都有時候會俾反應我。 
「咸濕仔！」 
「你再嘈呀，下次愈摸愈上！」 
「你做到未做囉，睇下點」 

喇…呢個係一個好例子！ 



「上次呢…」 
「咩呀！」 
「好似摸得唔係幾夠…應該要加深認識，小玲妳點睇？」 
「…」 
「加深認識好事呀！」 
「睇你個死人頭呀，成日都咸濕上腦…」 

喇…呢個係一個失敗既倒子！ 

不過點都好… 
呢d都係情趣， 
有情趣係一一件好事。 

而我不知道…眼前的好事， 


只是暴風雨來臨前的安靜。