【最好的結局】那年那天那個大過我的少女。: 軍糧

失去她的消息整整一星期了， 
由初其忐忑不安，日日夜夜都在想念， 
開始慢慢變得唔著緊。 
當然，間中深夜亦會想起那個微笑… 
這是一個不會忘記的回憶吧… 

原本平靜既日子， 
再次因為一個短訊變得混亂了… 

「有空嗎？」 


簡單的三個字，令到我內心交戰… 
我恨她…一句說話都沒有消失了，剩下我一個… 
同樣地…我開心，因為她再次找回我。 
對我就是犯賤。 
我是賤人。 


誰又沒試過為心愛的人犯賤？那怕你只是後備。 

當然我也不例外。



「當然有。」 

「星期日陪我好不好？」對，又是星期日… 


「為甚麼終是星期日？」 

「我有空麻。」 



「那去邊？」 

「唱k好嗎，好想聽你個傻仔歌聲…」對，就是我傻才會為你傷心擔心 

「我先唔傻，咁妳一定係走音個種人。」 

「你就走音呀。」 

「我有香港歌王之稱…」 

「收皮啦小弟弟。」 

「妖妳，幾點呀咁？」 

「唱k lunch啦。」 



「咁去邊唱先得架。」 

「你成個阿叔咁煩呀，到時電聯囉」 

「我訓啦，你早d訓呀。」 



其實我真係好不喜歡你那句小弟弟，你懂嗎？ 


當然， 
過了今晚， 
我地又好似之前咁日傾夜傾… 


只係唔知幾時佢又會消失於我的人生中…


星期日晨咁早就起身， 
無他架， 
要汁靚仔自已麻， 

首先由個頭著手 
洗頭先，， 
洗完又要吹， 
吹完又要整d泥係上上面， 
再整亂佢… 
其實成個個程都唔知為乜… 
一直都諗唔明點解唔一開始就整d泥上去，你都係為亂姐… 
其實我都係跟規矩做事… 


d人點做我就點做… 
都係做下羊仔咁姐。 

跟住就係襯衫… 
經過上次教訓， 
今次我醒… 
我緊係著返件裇衫， 
話曬男人著裇衫會有陣男人味， 
我當然要係心儀女生面前展現男人一面。 

動物溝女都要打餐死， 
但係香港係唔需要架。 
你汁得自已好好睇睇， 
官仔骨骨， 
銀包滿滿載載咁就一定殺得死女… 


所以， 
今次我都帶多d錢， 
汁靚仔d。 

看我點樣抱得美人歸， 
仲抱…上次先衰完…唉屌

未夠12點就係九龍灣到等啦， 
佢又係搭正先慢慢行過來… 
佢衣著真係十分時尚， 
身穿格仔短身衣， 
下身穿著高登仔最愛既摟屌裙， 
仲要帶住副淫賤教師個眼鏡…… 
佢究竟有無諗過佢呢身裝束對我有幾大殺傷力， 
佢有無諗過佢呢成造型對於一個無論生理同心理都成熟曬既男人來講係會令到個男人失去控制能力… 
對於一個成年男人， 
長年接受日本愛情動作電影既磨練， 
小玪呢一套裝， 
根本就係av入面d家庭教師， 
你唔好以為我睇你唔出呀。 
簡直係對我既性暗示 
根本爭在就係未開口叫我屌佢… 
還是她在等我主動， 


噢，叔叔真的不行了！ 
來吧來吧！ 



難道， 
這些機會…是… 
我…的…？


諗到咁撚美滿做乜春， 
你都係無得上架啦。 

屌，好心啦都廿幾歲人啦仲咁多ff.jpg 



如果唔係性暗示… 
咁反方向諗一諗… 

姐係其實佢根本無當過我係一個正常男人 
係佢眼中，我係扯唔起呢 



一句講曬，佢覺得我係人畜無害… 

無論點都好， 
佢覺得我係狗又好， 
貓又好， 
馬又好， 
熊貓都好， 
只要有得係佢身邊就最撚好！ 

今日既小玲…… 
真係好撚正。 

有佢係我身邊真係好幸福。 

望咗小玪咁耐， 
都係時候去唱k， 
巡例問下今朝食咗d咩呀咁…… 

咁我地就快快手手上去ceo 
你知啦， 
紅日好多人去唱k麻， 
不過出奇地， 
今日竟然無乜人去唱k， 
真係同親佢去邊到都唔洗點等， 
我同小玲唔洗等太耐就可以入到房。

兩個人， 
佢地就俾左一間細房我地兩個。 
真係唔洗佢講，我一眼都睇得出係細房！ 
入到去，身都唔洗點轉… 
不過都好， 
可以借機抽下水。 


同時，間房好黑， 
就好似係到喑示緊我… 
上佢啦， 
上佢啦， 
上佢啦。 

但係我無帶套喎… 
屌，我都無得上， 
都唔知我諗有無帶套做乜… 



哇…… 

正所謂， 
孤男寡女共處一室，一定有一個有損失。 



但睇來… 
我呢個人畜無害都唔會有咩著數好佔到… 

俾人睇做完全無殺傷力， 
唔好以為好爽… 
慢慢你會連身為男人係乜都唔知， 
所以其實係真係幾陰公。 
係真係幾失敗既。

「 喂喂，，你快d開冷氣啦」 

「 係係，遵命大人。」 

「 喂喂，你快d叫野飲啦」 

「 係係，請問妳要飲d咩呢？」 

「 凍啡呀唔該。」 

「 飲得多凍啡，對皮膚唔好呀。」 

「 咁你有咩好介紹呀？」 

「 識飲就一定係飲雜果賓治。」 

「 細路仔野飲。」 

「 挑，妳唔識飲。」 

「 好，我就要杯雜果賓治試下。」 

「妳試過就一試難忘。」 

「睇下點！」 

「妳覺得好飲咁點先？」 

「無點喎嘻嘻」佢真係好可愛，真係好難將佢同二十六歲扯上任何關係。 

「你快d點歌啦！我要聽歌呀」 

「咁妳要點咩歌呀？」 

「事但啦，終之唔準咁靜呀。」 

經過今次， 
我明白到小玲不喜歡安靜。 
與我相反… 
我很愛安靜。

野飲到咗之後， 
我同佢都係無人唱歌， 
完完全全係到聽歌… 
就好似敵不動，我不動咁 
好似邊個拎起支咪先， 
佢就輸了。 
所以， 
佢有佢玩電話，我有我禁電話。 
佢有佢玩電話，我有我望住佢。 
佢有佢玩電話，我有我係到ff。 

無錯，佢全程都係到用電話， 
無論係 candy crush， 
whatsapp， 
wechat， 
新聞， 
我都見佢有用同玩過曬。 
究竟， 
有無咁多人同佢傾呀… 
有無咁受歡迎呀… 
有無咁撚多狗公呀… 
anyway…可能我係佢眼中都係其中一隻狗公 

愈諗就愈煩… 
但我又會去諗喎。 

個情況就係身為魚拉特fans望住佢咁樣輸波法，會好唔開心。 
但係，我又會忍唔住繼續睇佢輸波，慢慢跌出頭四，再慢慢跌出頭八， 
再慢慢俾人抽水。 
無他架， 

人都係鍾意受虐。 
有小許喜歡被虐傾向， 
而我都不例外

「係幾好飲喎。」 

「超，唔係細路仔飲品咩？」 

「就係細路仔飲品先好飲麻。」 

「 扮。」 

「 你快d唱歌啦，等我聽下香港歌王把聲係點嘻嘻。」 

個微微向上既上唇，再配合那又微微向上既下唇…笑得真甜。 

「 我怕你會迷上我喎。」你迷上我就好了。 

「 我大姐姐邊會咁得閒迷上你呢個小弟弟個哈」……… 

你叫我點接落去？明唔明你呢句看似無心既一句有幾傷害我呀？ 

知道啦， 
收到啦， 
明白啦， 
我知你唔會鍾意我啦， 
但係你都唔洗講咁多次小弟弟麻… 
我弟弟都唔細，屌你試過就知。 
唉屌。 


就算幾灰， 
歌都係要再唱既。 
呢種算唔算係兵既悲哀… 

「 咁妳想聽咩歌先得架。」 

「 我要好sweet既歌，既係要聽咗好冧既。」 

「 哇，大小姐你都幾高要求喎。」 

「 係架，咁你唱唔唱？」 

「唱，我唱。」

「妳在我眼中是最美　每一個微笑都讓我沈醉…妳的壞…妳的好…妳發脾氣時噘起的嘴…喔...妳在我心中是最美…只有相愛的人最能體會…妳明瞭…我明瞭…這種美妙的滋味…」 


「好好聽呀…」 

「洗你講咩。」 

「真係人不可以貌相喎哈哈哈哈哈」 

又笑…你知唔知頭先首歌我係為你唱架… 
你明唔明入面d歌詞真係同你好相似呀… 
你每笑一次，就拉走我一次… 
就算你點唔理我，我都會因為你已唔開心，會因為你已煩惱。 
你主動搵我約我，令我幾有勇氣，令我開心。 
雖然我未見過你發脾氣，但係我認為你係最可愛。 
係呀。吳小玲…你係我入面係最美個個。 
沒有之一，係唯一。 
你究竟明唔明呀吳小玲？ 
你究竟明唔明呀你對我有幾重要呀？ 


當然， 
你唔會明白… 
因為我不懂主動… 



而不敢跨過這條介線… 
最大原因係因為我害怕，連這種和你相處的機會亦被你抹殺。 
你根本不會懂。

當然， 
我唔會俾你發現到我的失落… 

「到妳唱啦！！」 

「唔係掛…我無你唱得咁好聽喎」 

「我唔理呀，妳唱」 

細路仔真係細路仔…如果我無逼佢唱你話有多好呢，我就唔需要聽到我唔想聽到既詞。 

「好啦好啦，我要點吳雨霏」又笑笑口… 

「點邊首呀？」 

「你聽下未知囉。」 


「還未戒掉 他留下給我 那動魄驚心… 
「還未成熟得當有過便無憾…」 
「寧為他跌進紅塵 做個有痛覺的人…」 
「………」 
「還未放下 只能拾起 領教我的貪癡…」 
「還未麻木得 吃夠了便無事…明白醒覺有定時…但放肆夠也不遲…在我升仙得救前…糊塗一次…」 
「心灰了還未碎 心死了還在醉」 



哇…我屌咩 
呢首真係聾既都聽得出你仲未忘記到你條ex啦… 
真係唔聽好過聽呀… 
洗唔洗又心死又心灰呀， 
=16px唱首喜氣洋洋仲好啦…=16px 
你仲要係我面前唱呢d野… 
你當我係咩呀… 


呀…係喎 
我真係唔算係你d咩。


嗯。我真係唔算係你d咩。 
唔知點解， 
聽完首歌，真係好sad。 
可能因為我係男人， 
聽住自已心儀女生當住自已面， 
係到唱到咁sad… 
點忍先…？ 
忍唔到都要忍，因為我唔係佢邊個。 

佢唱頭幾句個時我已經無心再聽落去， 
所以，到佢完個時我都唔知， 
剩係係到自已諗野… 
我諗佢都見到我係到呆左 
佢就行去我面前… 

「做咩呀？我都話我唱歌唔好聽架啦…」 

「唔係呀，幾好聽呀！」 

「好聽你又會咁既樣…」 

「你放唔低你ex？」 

「邊係呢…你又知姐姐有拍過拖既！」] 
佢縮了…憑我爺爺之名發誓，佢講大話。佢第一下係好明顯向後退了。 



嗯…她想念她的Ex