【最好的結局】那年那天那個大過我的少女。: 短訊

「今日點呀？」 
「無呀，妳呢？」 
「又係返工偷下懶咁哈哈哈」 
「你真係仲過份過我，我最多都係上堂小睡！」 


「我又諗返起你上次跌倒個情景」 
「唔好再諗啦，好樣衰呀」 
「好傻呀你個時個樣」 
「妳依家傻笑都好傻呀」 




「你估下我今日lunch食咩？」 
「飯囉。」 
「錯，係蛋包飯」 
「姐係飯姐。」 
「係蛋包飯呀。」 
「係係，妳食蛋包飯，肥死你」 
「哼，你咁衰」 




「你有無睇電視呀？」 
「無呀。」 
「d狗仔好可愛呀，快d開電視呀」 
「但我打緊機喎」 
「唔理你你陪我睇。」 

「我病左呀…」 
「妳有無事呀？」 
「肚痛，都唔知會唔會係食錯野」 


「你咁為食…」 
「你好黑人憎呀小弟弟」 
「每次 殺不死妳 殺不死妳 也醫好妳」 
「咩意思呀？」 
「醫好你囉」 
「……」 
「好爛呀你哈哈哈哈哈」 


「係喎點解妳叫小玲」 
「咩點解呀？」 
「妳都唔細啦仲叫小玲哈哈哈」 
「妖！我全名叫吳小玲呀」 
「……原來係咁」 
「小弟弟你全名又叫咩」 


「李偉傑。」 
「好怪呀你個名；哈哈哈」 



無錯， 
係個日之後我地一直有keep信whatsapp， 
內容都係圍繞住生活， 
佢會講下今日發生咩事， 
我又會講下今日發生咩事… 
又會互相交換下今日食d咩… 
當然， 
我亦都係呢段時間對佢有更深入了解。