【最好的結局】那年那天那個大過我的少女。: 相見

我叫李偉傑，完完全全係一個非常普通平凡人， 
即係個種係街行過都俾招牌壓死幾個都冇人發覺個種。 

無他，因為我係公屋仔又唔會有大脾食，讀mk都唔會讀既i大， 
出到尼打份牛工死做爛做都係揾到個兩餐。 
望住自己既人生，我都覺自己已經輸左一半…… 
無女無錢仲有咩用？ 

但故事唔係著重現在的我，而是兩年前的我。



兩年前，我二十一歲，岩岩三月中，俾朋友拉咗去長洲玩返三五七日。 
對於長洲，所以男性生物都只會諗起一樣野……爆房……扑野……中出……嗯， 
長洲真係後生仔爆房聖地， 
你諗下一對正值青春期既男女朋友， 
屋企又長期有人咁點會有幾會發生天人合一 互相加深認識既活動先。 

正所謂阻人扑野燒春袋但身為一個考子， 
點可以燒自己老豆春袋先， 
更何況如果係老媽子走入尼你又點燒佢春袋先， 
所以後生仔女多數為咗屋企人著想就會入去長洲。 



無他， 
又有得玩又有得食又有得Hi最重要同屋企人講入長洲幾咁正氣先， 
係屋企人都唔會阻你去追逐青春啦！

講了咁多， 
其實我地今次係全男班入長洲的…… 
this… 
is… 
你喜歡用great又好gay又好， 


呢樣野係睇你點睇。 

入去長洲其實真係無乜野做， 
唔通真係成班仔係間房到玩hehehehe咩… 
所以我地去左踩單車， 
可能你會話我地弱智單車係邊踩都得啦， 
洗唔洗山長水遠入到去長洲踩先。 
那… 
你這個想法真係大錯特錯了， 
正因為我地無女， 
所以我地踩住單車展現雄性風範， 
吸引異性垂青， 
當然， 
邊有女仔會因為你踩下單車就愛上你對你有興趣先， 
就算有都係雞係公廁… 


呢種做法就好似成班mk圍圍喂咁， 
自我感覺良好。 
當然現在睇返真係好鬼嗶！

長洲其實唔算好大， 
我地踩了去長洲西堤道， 
沿途風景不錯， 
又可以享受海風。 
建議拍拖朋友可以去參觀下。 

係西堤道上， 
好多一對對既情侶， 
真係看者傷心聽者流淚… 
每當身旁情侶大晒恩愛時， 
我地都唔「汁輸」， 


我地都gay情四射… 
正當我地四個麻甩佬感受海風之際， 
準備之自已既不羈感到自豪之時， 
身旁竟傳來女生嘻嘻笑笑。 

唔望由此可，一望就停唔到。 
旁邊竟然坐著了四個女生！！！！ 
全都是美女。

係我地身邊竟然有四個美女， 
係美女呀，係美女呀… 
但唯獨一個束了短頭髮的女生吸引了我的眼球， 
水汪汪的眼睛， 
高高的鼻子， 
瓜子臉， 


開朗的笑容， 
有句說話 「靚女唔一定有氣質，但有氣質一定係靚女」 
我想我現在明白了。 

正當我沉醉在短髮美女的身上時， 
完全忘記了我還有一班老死， 
他們看我看得那麼入神， 
推一推我… 
而我將所有注意力全集中在女神身上， 
又點會有力去穩住平衡， 
我愈急穩住平衡， 
卻愈跌愈快… 
我已在美女面前仆 街了…