英雄同盟戰: 15.最後一擊
一分鐘前
「四位，依家有一部metal armor比阿七打低左啦，不過另一部就追擊緊其他人，你地快啲去幫手啦」
瞳瞳對彌生一行人道:「經過阿七既AI分析，metal armor既弱點係響眼部既外殼」
「唔係掛，又要我地打..」
彌生嘆口氣，無奈道:「不過，為左可以早啲收工，無辦法啦」
「咪住..」
叢雲已經注意到，後面慢慢走近自己既人
「睇黎..我地都係過唔到去幫手架啦」
叢雲回頭，望住呢個紅髮男子
「哈，不愧為孤獨兄弟，我既殺氣收得咁好你都發現到」
阿夙冷笑一聲，拔出長刀:「依家只差一步，就可以差香港IID毀滅」
「佢既氣場...比起果陣既直樹更加強」
「吼！！！！！」
metal armor火力全開，行入中環市中心繼續追擊眾人
「喂我地冇彈啦！！！！」
阿德已經將手上既步槍子彈用盡，將misa拉到建築物既後方作掩護
「依家邊度搵到子彈比你呀！」
rina繼續用散彈槍牽制metal armor:「我自己都就黎用哂子彈呀！」
「死啦阿德！我地會唔會死響度架！」
misa掩頭痛哭:「我地都係被逼黎架咋！唔關我地事架！！嗚嗚嗚！！」
「misa，你冷靜啲啦！！」
阿德道，心裡卻想:「大佬，生死關頭仲要聽你喊苦喊忽！」
「你叫我點冷靜喎嗚嗚嗚！」misa繼續喊道
「你唔好嘈啦！我應承你，我地一定大步攬過架！我地仲要結婚架！」
阿德捉緊misa:「我唔會...比你死架！」
「阿德...嗚嗚嗚！」misa抱緊阿德
「呼...終於令到misa收聲，唔駛嘈住哂」
「咪掛住叫春啦！幫手呀！」
阿彩一路開槍，一路埋怨:「屌佢老味射極都唔撚中，條槍on9架？」
「你都唔識揸槍既，雙手要直架！」阿七提醒
「吼！！！」
metal armor踩向兩人，幸好兩人皆成功避過
「唔撚掂喎屌，啲子彈都無用既...廢鳩俠你快啲出啲發明收下佢皮啦！」
「屌，我身上果啲發明對呢部野無用架！」
「各位，仲有1分鐘，電磁炮就完成充電啦」結衣bb提醒
「好！」
身處商場天台既希路道:「拓也準備好未？」
「嗯，一陣你發射完電磁炮之後，我就會響佢面前補多一槍」
說罷，拓也就拎出一條鉤繩:「用呢樣野，就可以上到metal armor既頭頂上面」
「拓也，咁樣會唔會有危險架？」小櫻擔心拓也，問
「放心，呢種事已經成日做架啦」
拓也衝出掩護物，向住metal armor掉出鉤繩
「咔！」鉤繩成功扣上metal armor背上
「好，仲有40秒」
拓也純熟地，一步一步爬上去
「暫時部metal armor仲未發現到我」
「拓也...小心啲呀」
只係認識左數日，小櫻已經對拓也產生特別既情感
「吼！！！！！」
metal armor繼續開火
強大既震動令拓也左搖右擺
「可惡，再咁搖既話，個鉤就會甩開」
「踏！」
拓也撐起自己，跳到metal armor左手手背後
「仲有20秒」
拓也如猿猴一樣，靈巧地爬上metal armor肩膀上
「拓也，電磁炮既威力非常大，一陣唔好比爆風打中」希路提醒
「我知」
「吼！！！」
metal armor不斷搖動身體
幸好拓也緊緊捉實，否則被甩開就必死無疑
「距離充電完成仲有10秒，9，8，7..」
「...」
希路握緊電磁炮把手
「有大家幫手牽制，就可以瞄准到佢既頭部」
「3，2，1！」
「依家就要，將你消滅！！！」
希路按下板機，強大既電磁炮立即射向metal armor！！
「吼！！！！」
metal armor專心攻擊地面既眾人，未有留意到一早已經準備好既希路
「砰呀呀呀呀！！！！！」
電磁炮擊往metal armor既頭部
電磁炮炮管雖受到損毀，但威力依然強大
後座力足以令希路跌低數米
「哼...要靠你啦拓也」
拓也跳到metal armor既頭頂上，拎起腰上既手榴彈，拉下保險絲
「一定要，一擊必擊」
一記翻騰，使拓也可以正面面對metal armor
拓也一路墮下，剛好對住破口中，坐住既生物CPU
一個目無表情既光頭男性
「生物CPU..迪拉斯用呢種咁殘忍既方法」
拓也於半空中，將手榴彈掉向生物CPU
「砰！！！！！！！！！」
手榴彈擊中metal armor既內部，將metal armor既頭頂爆至破碎
「成功左...啦...」
希路亦鬆一口氣
但同時，爆風太強，將空中既拓也炸開
「拓也！」
小櫻追住拓也，希望能響拓也墮地前接實佢
「踏！！！」
雖然小櫻既計劃成功，剛好接住拓也
但由此衝力過大，小櫻自己亦倒地，滑行數米
「丫..好痛呀...」
小櫻慢慢站起，摸住背脊
「小櫻...你...做咩要救我呀？」拓也問
「因為...呢一種高度飛落黎既話會冇命架...」
小櫻支吾以對:「我唔想...拓也你...」
「多謝你，小櫻...」
「轟！！！！！！」
生物CPU被破壞掉既metal armor，徐徐倒地！
「yeah！！！！！終於搞掂呢部廢鐵啦！」
幾經辛苦終於擊倒metal armor呢個強大敵人，各人立刻歡呼
氣力放盡既rina同新月攤響街道上
「咁樣...今次既任務應該完成啦」
「仲未..」
希路拎起andphone:「最後一部metal armor響我地作戰緊既時候...已經向緊IID總部方向進發啦」
「依家我地響金鐘附近，根本唔夠時間趕過去」
「無錯，呢兩部metal armor只係為左引開你地...」
老大望住眼前既維港，笑道:「好快..就可以親眼欣賞香港IID倒下啦」
「隆...隆...隆....」
剩低既一部metal armor已經踩上德輔道中
「吼！！！！！！！」
metal armor同IID總部只有一街之隔
「砰砰砰砰砰砰！！！」
IID特工繼續對住metal armor開火，但火力太薄弱，對堅固既外殼毫無作用
「發叔！！！」
發叔既部下joe仔望住逼緊既metal armor，驚慌道
「部metal armor...逼緊過黎啦！」
「嗯...另外兩部metal armor只係引開Troopers成員既誘餌」
發叔冷笑道:「不過...我地都有對策」
「joe仔，準確快艇，然後再叫多100名特工出發」
「我地..要去捉真正既大老鼠啦」