英雄同盟戰: 7.皇牌

「噹！噹！噹！」


五個迪拉斯人員馬上散開，從全方位進攻

面對圍攻，拓也同花仔榮只好背對背，各自守住兩方

以警棍格下攻勢







「係呢度！」

拓也先引一人越攻越近，再乘機用重拳將佢打至退後


拓也乘勝追擊，左腳起跳，用警棍砍向此人既頭頂，打至流血昏迷


同時，響拓也吸引下，花仔榮既壓力亦得以減輕





佢俯低身子，用警棍從下一掃，將其餘迪拉斯成員逼至退後



2打4，依然不利



「呼...仲有冇貨呀？」





「緊係有啦！」


此次輪到兩人主動出擊，以警棍擊向迪拉斯人員既下軸

佢地充分利用警棍既長度，為自己拉開距離攻擊

迪拉斯人員只能防守，未有機會反擊



拓也一瞬間擊中兩名人員既腰側，接住將警棍架於一人前，將佢推到牆上

「砰砰砰砰砰！！！！！」拓也不停用拳擊向人員，將佢擊倒






「去死啦！！」身後既一名人員卻以小刀偷襲


「噹！」

拓也馬上反手持棍，擋下小刀刺擊

「颯！」警棍轉守為攻，即時擊中人員虎口，小刀亦隨此鬆開


「砰砰砰砰砰砰」

拓也襯住對手失勢，馬上用棍打往頭顱，重創迪拉斯人員








「喂！！幫下手啦拓也！！！！」

花仔榮被兩位人員圍攻，陷入苦戰


「哼..」

拓也持棍重擊後頸，將一人直接打倒


剩下一人，拓也雙手持棍，勒住最後一個迪拉斯人員，將佢拉到地上







「花仔榮，你唔太掂喎」

拓也氣也不喘，冷冷道


「嘻嘻，太耐冇打交姐...」

花仔榮蹲下，笑道:「咁，依家就係審犯時間啦」


花仔榮打開電話既錄音機，開始盤問








「你地幾個迪拉斯人員點解要黎呢一度？」


「...」人員一語不發，怒視花仔榮


拓也只好勒得更緊，痛得令迪拉斯人員大叫

「呀呀呀呀呀呀！！！！！」


「講得未呀？如果你講既話，我地仲會放你一條生路」



「.....」

人員自知無路可逃，開始動搖，面容亦漸漸放鬆



花仔榮道:「唔想受咁多苦就好快d講啦」


「我係屬於...迪拉斯既亞洲戰略軍團」

「今次..既目的...係...」

人員呼一口氣:「將香港IID消滅」



「！！！」

呢一句話，將拓也同花仔榮嚇倒

「...係咩原因？」


「呢個我地都唔知..」



「香港IID係亞洲最大既分部，如果冇左香港分部，迪拉斯響亞洲勢力必定可以大大擴張」

拓也講出自己既睇法:「不過，IID分部響中環，而且呢度既特工人數眾多，要攻陷佢似乎都唔係一件易事」

「你地既計劃係點？」


「我地既計劃，就係要...利用....」




「吱！」

話未說完，一顆子彈就將一樓既窗口射穿

擊中迪拉斯人員既額頭


「係sniper！！」

拓也同花仔榮馬上閃開躲避，生怕被擊中


「吱！吱！吱！吱！」

其後子彈亦擊中倒地既四名迪拉斯人員




響攻擊完結後，兩人衝到窗口前，搜索狙擊手

「仆街，係邊度！！」


「對方係響遠處睇到迪拉斯人員開口先至出手...」

花仔榮心想:「呢個人連自己組織既人都可以殺，真係唔簡單」


「咁..睇黎依家都冇任何野做到架啦」

拓也收起警棍:「返去啦，今次已經有唔少既收獲啦」


=============

「哼...」


遠方既某座大廈天台上，一名紅髮男子放下狙擊槍，輕鬆離開





紅髮男子落到大街，拎起nokia3310手機


「喂，老大，係我」


「係你呀阿夙，今次探路行動成功嗎？」


「算成功，至少佢地六個已經搵到十八區既各個變電站」

「不過，佢地最後都比IID果班人捉住左，好彩我及時響遠方用sniper殺死左佢地，應該冇透露到任何風聲」


「做得好..我地既部隊、包括3部metal armor都已經向緊香港進發」

「聽日，7月8日，就係香港IID分部」


「滅亡之日！」



「嗯，放心啦老大」

紅髮男子雙眼閃出紅光:「我，一定會將所有IID既人碎撕萬段」



============

響人工島上，眾女亦開始自己既戰鬥


「食！混一色對對糊！！！」

misa興奮地翻開自己既牌


「又食，有冇咁勁呀你....」

rina、薰姐姐同新月不情願地拎出銀包


「嘻嘻，我今日著左紅底架！快啲磅水！」

misa飲住啤酒，問:「阿白呀，你打唔打呀？」


「唔啦，我都唔識打既...」阿白微笑道


「係喎阿白你自細都響日本度住，又係有錢人家...」

新月問:「咁..你同叢雲係點識架？」



「果陣我同佢係大學同學黎，叢雲佢就係過黎日本讀書」

「我同叢雲第一次講野，就已經覺得佢...係我命中注定既人」

「之後我跟住佢一齊去便利店打工，而且每年都送生日禮物比佢」

阿白將自己同叢雲既所有事都講出黎，越講越臉紅


「不過叢雲都係幾個月之前，先同我表白咋..」




「哇~~~~~~」眾女都馬上歡呼:「好浪漫呀！！」


「阿白你同叢雲咁都撞得返，證明你地兩個之間真係有紅線扯住啦！」




「不過...我就覺得叢雲佢好似...浪費左你四年囉！」

阿彩有點鬱悶:「你做到咁明顯，佢點會唔知呀！」


「唔係呀..叢雲佢份人真係咁架...」

阿白為叢雲解話:「好在依家叢雲都有返啲性趣啦，有時都話想同我做..『果啲野』」



「唉你就好啦...果個死人彌生日日都話要做果啲野呀」

小優抱怨道:「佢呀..簡直就係精蟲上腦，一日到黑都係諗邪野！」


「丫真係估唔到，佢地兩兄弟性格會差咁遠喎..」rina道



「哈哈！話起呢啲野，我又諗起我同阿德...哈哈哈...」

misa突然失控爆笑:「哈哈哈...響九州個溫泉旅館度...屹屹屹屹....」

「響果..個..溫泉入面....屹屹屹...扑野呀！」


「真係架！？」

「有冇咁癲呀！」


「咁果晚我同阿德都飲左酒嘛！屹屹屹...咪大家都痴左線囉！」

明顯，依家既misa亦都係醉了


「話事話，小櫻呀，你覺唔覺得果個拓也呢...」

阿彩問:「好似takuya呀？」


「...嗯，我都有同拓也先生講過..」

小櫻扁起嘴:「不過，佢好似好cool咁呀..」


此時阿咲亦搭嘴:「你係鐘意人既話就要大膽啲架！依家啲男仔個個懶cool咁！」

「素素...你都係呀！」


素素低住頭，尷尬道:「但係...」

「光晨先生..好似鐘意薰姐姐....」


「吓...」

薰姐姐一面惘然:「係...係咩....不過依家我都係當佢係朋友咋喎..」

「放心丫素素，光晨唔係我鐘意果type黎架」



「真係..？太好啦」

素素猶如放下心頭大石