英雄同盟戰: 5.消滅任務
「唔係掛，要我呢個老人家做briefing」
發叔站起，操控平板電腦，將一張圖片展示於眾人前
三部大型既機械人，以及一個大型基地，正站立於海中心上
「呢啲係...咩黎架？」小櫻問
「係...機械人？！」阿七睇得目定口呆
「無錯，呢張相係響十日前，由衛星響太平洋影到既，佢地正向住香港既方向移動，依家已經距離香港有1000公里」
「而經過我地PAZ既查證，佢地的確係屬於迪拉斯」
「咁...同我地有咩關係呀？」阿德問
「超級電腦Archangel響之前預測左，迪拉斯下一個攻擊既目標就係香港」
「所以我地先要建立Troopers呢一個部隊，預備應付今次既攻擊」
「點解唔搵返你地IID既人？」光晨皺眉問
「依家既香港IID分部已經比迪拉斯渗透，根本唔可信」
發叔道:「所以我先同阿孝秘密建立PAZ，以防迪拉斯襲擊」
「而你地都係由PAZ精心挑選既人，絕對有能力解決今次既危機」
「佢地既目的係咩？點解會以香港為目標？」叢雲唔太明白
「呢層都係未知之數」發叔道:「不過呢層你地放心，我地PAZ已經落手查緊架啦，唔駛勞煩你地」
「呢段時間你地好好響度準備下啦」
發叔帶住Troopers既眾人，上到建築物既頂樓
此處就如酒店既大堂般，更有一張大圓枱，及開放式廚房
「呢一度就係你地既休息既地方，我已經根據你地各個單位黎分房」
「樓下果層係研發用既實驗室，果度應有盡有，我諗阿昇你地三個會啱用架啦」
「再下一層就係訓練場，想練槍、練格鬥術就去果度啦」
「係咁多，我地幾個就走先啦，晚飯我地會安排比大家架啦」
發叔將一堆鎖匙放到桌上:「鎖匙響呢度，各位自便啦」
「呼，終於有得返訓下啦」
彌生馬上取起鎖匙，打開寫上自己同小優名字既房門
各人既房間極盡豪華，就如酒店既總統套房一樣
「嘩正呀！！！！」
彌生同小優馬上跳上睡床上，呼呼大睡
「咕...咕...咕.....」
兩人既行為睇得眾人都呆著
「唔好意思，我細佬係咁冇禮貌架」
叢雲關下彌生兩人既房門:「而且佢地啱啱響賭城賭輸錢，比人追斬完，比佢地休息下啦」
「話事話，頭先聽班友講，你同你呢個細佬好似都係猛人黎架喎」阿昇對住叢雲道
「唔算..我地只係識少少武術姐」
叢雲取起鎖匙:「我同阿白坐左好耐飛機，要休息下，一陣食飯再見」
叢雲頭也不回走入房間
阿白就對住眾人點個頭，笑道:「咁各位..一陣見啦」
「咔！」
「叢雲，做乜唔同佢地傾下計先呀？」阿白問
「我係被逼黎架，冇乜興趣同佢地交流，做完任務拿拿聲返去」
叢雲打開旅行袋，取出行李
「唔好咁啦叢雲，你地就黎要合作，要好好同隊友溝通架」
阿白攬住叢雲，仰頭對視
「...咁好啦.....」叢雲拎起衣物:「我沖涼先」
「叢雲！」阿白尷尬笑道:「我都想沖涼呀..」
「不如...我地一齊沖丫」
「......好丫...咁，我抱你入去丫」
叢雲用公主抱抱起阿白:「不過阿白你..好似重左..」
「叢雲！你好衰架！」阿白調皮地拍打叢雲
「好幸福呀佢地，如果阿德你有人地咁體貼就好啦」misa扁住嘴道
「咪係囉，智也你學下人啦！成個大男人咁！」rina亦出聲抱怨
兩大極品港女當眾批評自己身邊既男人，非常殘忍
「咦，hello！你就係小櫻個堂阿哥光晨啦？」
薰姐姐竟自動搭話:「你好呀，你叫我阿薰得啦！」
「係呀，你好」光晨笑道:「估唔到你呢啲靚女都咁好打喎」
「哈哈..都唔係好犀利姐」
「你同小櫻係點識架？」光晨主動問
「小櫻佢幫我養隻流浪貓，所以我地就做左朋友啦，之後我地就為左」
「之後我地為左捉班虐待動物既衰人，就一齊做左super hero啦」
薰姐姐笑得甜美，回答光晨
「嘩，你地真係有愛心啦」
「光晨先生...」素素望住光晨笑得開懷地與薰姐姐聊天，心裡苦澀
阿彩環顧四周閒聊既同伴
「成班都好似hea下hea下咁，都唔知係咪真係有料既..」
「放心啦阿彩」
新月道:「當年我同過rina做過一次任務，佢的確係幾醒目既」
「至此其他人，我感受到佢地既氣場」
「當中以姓望月既果兩個人最強，其次就係阿七既堂大佬同果個叫阿薰既女人」
「係喎，頭先佢話下面有個實驗室喎，落去睇下丫」阿昇拉住阿七道
「哦...好呀，順便睇下可唔可以裝結衣bb個AI入去」
「智也...你都一齊落去丫！」
「嗯..好呀」
智也被rina「修正」後，已經木無表情
眾人落到下層既實驗室
出乎意料，原來整層都係屬於實驗室既範圍
「嘩！大到成個ironman基地咁喎！」
阿昇拎起實驗室中既器材:「啲equipment仲要係最靚架喎」
「咁..我裝左個AI先啦」
阿七將USB記憶棒插進電腦中
「hello阿七阿昇，我係結衣bb呀」
新垣結衣溫柔既聲音馬上響起:「呢度係...邊度呀？」
「呢度係Troopers既總部，以後你既活動範圍將會包括埋呢一度啦，黎緊就幫我、阿昇同埋呢位智也先生發明新武器啦」
「明白啦，智也先生你好呀」即使係AI，結衣bb依然非常有人性
「個AI係你地整架？好犀利喎..」智也作為一個科研人員，對兩人既傑作感到敬佩
「嗯，我地兩個用左半年黎整架」
「咦..新月阿昇你地啲新拍擋都幾犀利喎」
rina問:「不過..明明你地都收左山，點解仲會參加今次任務既？」
「唉..都係因為阿七同阿彩兩個囉」
新月無奈道:「出去做super hero就成日撞壞啲交通燈，佢地就用呢點黎要脅我地，唔係就告我地刑毀，拉去坐監喎...」
「仲好講，你個柒頭手車好啲就唔駛咁啦！」阿彩痛罵阿七
「唔係你響度嘈住哂又搖鳩我，我駛炒？！」
「...rina你知唔知點解..瞳瞳會響PAZ入面？」新月問
「我記得千柔好似講過，有日瞳瞳問佢拎boss既電話」
rina臉色沉重:「可能，佢就係想入去IID做特工」
傍晚，發叔已經命人送上晚飯
一人一個西式牛扒套餐
「我唔客氣啦！」
剛剛睡醒既彌生豪快地吞下牛扒:「丫又幾好食架喎！」
「我地成日冇食過野，咩都好食架啦！」小優扁嘴道
「哈哈..又係喎！」
「叢雲，好唔好食呀？」阿白將牛扒餵到叢雲口中
「嗯...不過冇你煮果啲咁好食」
「嘩..點解阿白同叢雲你地兩個可以咁sweet架？」misa似乎非常羨慕
阿白摸住自己既臉蛋，道:「嘻嘻，都係叢雲對我好姐..」
「你地之前係住響美國架？」misa問
「嗯，我地都幾個月前先搬過去咋」
經過一餐晚飯，眾人亦熟悉起來
「我平時呢，響偵探社都成日有啲騎騎呢呢既案架，上次先有個客話拜神唔見左隻雞，要我地搵返喎」
「哈哈哈，又幾得意喎..」
睇住光晨同薰姐姐，素素內心又酸又苦
「係喎，智也個死佬咁耐都未上返黎既！」rina怒道
「睇死佢地三個都係掛住整啲機械野架啦！」阿彩笑道
「咁我落去叫佢地上黎丫...」
小櫻放下餐具，落到樓下既實驗室
「咸濕阿哥！食得飯啦！！」
「哦知啦！！！」話雖如此，三人卻繼續埋頭苦幹
「哼...成班都唔聽人講既！」
「踏..踏...」
此時，拓也剛好上到實驗室
「ta..takuya bb...」
小櫻既反應如當初見到拓也既第一眼一樣
「嗯？做咩事呀慕容小姐？」拓也冷冷問一句
「無..無野...」
小櫻低起頭來:「只係..你好似...一個人...」
「邊個？」
「係一隊樂隊..既主音黎架..」
小櫻打開手機，將takuya既相片展示
拓也望左幾眼
「又的確係幾似既，佢就係你口中既takuya啦？」
「嗯...」
小櫻點一點頭，心想:「原來呢個世界..真係有人會咁似樣...」
「你好鐘意呢個人？」拓也問
「呃..少少啦....」
「喂淫櫻行得啦！！」
阿七放低手上既工作，走過黎
「咩...咩淫櫻呀！死人咸濕阿哥！！」
阿七留意到拓也
「咦...佢咪係...淫櫻你好鐘意果個....」
「唔係呀，拓也先生佢只係同takuya似樣咋...」
「我唔阻你地啦」
拓也回頭離開:「不過我諗慕容小姐你..都係唔好當我係佢啦」
「ta...拓也先生....」