英雄同盟戰: 1.招賢納士1
2018年7月1日
阿拉伯海，PAZ基地
「嗶嗶嗶嗶嗶！！！！！」
「Archangel...有反應啦」
瞳瞳放低咖啡，專心望住電腦
「嘿，睇黎迪拉斯終於出手啦」花仔榮笑道
「地點係....」
希路道:「......香港」
「咁...呢樣野就派上用場啦！」
阿孝將一個文件夾拎起
「只係靠香港IID班廢柴係冇用架，要靠...」
「就靠呢份名單裏面既人」
「希路、瞳瞳、花仔榮、拓也、奈央，呢幾日你地返香港搵齊呢個名單既人啦」
「咁...果兩個吸血鬼...」
阿孝呼一口氣:「就交比我同發叔啦」
1.招賢納士1
2018年7月某日凌晨
「呃呃呃呃！！！！！！」
一架坐滿5人既私家車，高速衝入彌敦道近匯豐位置，向住尖沙嘴方向前進
「哈哈哈哈！！！！大佬今次發達啦！！！！」
「嘿，爆銀行格，輕輕鬆鬆又拎到五千萬啦！！」
「嗚嗚嗚嗚嗚....」
三架警車從唔同路口出現，追截劫匪
「大佬！有皇氣呀！」
「即刻拎架生射撚死佢地啦！」
車中四名劫匪探出半身出車窗，對住後面既警車開火
「砰砰砰砰砰！！！！！！」
賊人所持既AK47火力強大，瞬間就將警車射到失控翻側、甚至撞上行人路
「哈哈，差佬去仆街啦！！！！」
「颯！！！！！」
一架黑色林寶堅尼，從新之城轉入彌敦道
而呢架車，卻同正常既林寶有些少分別
「目標車輛依家正響現時點前十字路口，正以時速一百公里行使」
「唔該哂你呀結衣bb」
駕住車既阿七禮貌回應
「唔駛多謝！」
響上次歐陽振西一役後，阿七同阿彩兩位superhero繼續拍檔，撲滅罪惡
經過一年半後，兩人既實力都有不少成長
已經換上黑色緊身衣，頭髮亦長左唔少既阿彩響旁邊不滿道:「你係咪on9架？叫個AI做結衣bb？」
「咁呢個我同阿昇發明既AI結衣bb，產品編號192，我特登將佢把聲set到同新垣結衣一樣架」
「你個毒撚真係好撚嘔心呀，都唔知整個AI出黎有乜用！」
阿彩大聲叫道:「喂死AI,你講得出對面有幾多人，有咩武器我就話你好野啦！」
「回阿彩，目標人員總共有5個人，每人配上一支AK47同glock17手槍」結衣bb回答
「丫又幾撚勁架喎，你點知架？」
結衣bb繼續用機械聲回答:「我係利用阿昇建立既數據系統，收集全港所有天眼既影像再分析，跟住再....」
「得啦得啦，至撚勁係你啦！」
阿彩見遲遲未追到目標，怒道
「屌你揸快啲啦，無食飯呀？」
「唉得啦得啦，趕住去死咩....」
阿七一邊加速，一邊按下車內既幾個按鈕:「結衣bb，幫我準備產品編號213」
「收到！」
林寶既車頭伸出一支機關槍狀既武器
兩人開始接近目標
「產品編號213，bb彈機關槍，啟動！」
「砰砰砰砰砰！！！！！！」
數之不盡既bb彈射向目標車輛，瞬間就將後車窗射爆，更將後座三人射暈
「大佬，做咩事呀！！！」
「邊..個！！！」
車內既劫匪一片混亂
「臭西彩，準備啦」
「屌，得啦柒頭」
林寶駛近私家車，阿彩就從左側車窗跳入私家車
「你..係邊個呀！」老大驚道
「罪惡剋星，rainbow woman！」
阿彩先用手鎚打向老大，正中老大既鼻上
「仆街！！！」
老大拔出手槍，射向阿彩
「！！！！」
子彈竟被阿彩神速避過
「嘩屌！！！！」
「射鳩我，你老幾呀！！！」
阿彩用右腿將老大伸開，再跳上前座，一拳將佢擊倒，再用掙擊打昏司機
「仆街！！！！停車呀！！！！！！」
阿彩用力踩實煞車掣，成功將車停於中字路口前
阿彩打開車門
「呼，輕輕鬆鬆！」
林寶停於阿彩旁邊
「嗱！無左我發明既產品編號234，女搜查官緊身衣EX加強你既反應，你死左啦」
「收皮啦你，就算無你件野，我都避到啦」
阿彩望住自己既上身:「不過點解次次d衫都咁撚緊既呢？你知唔知道好唔舒服架？」
「唔好話你自己肥！」
「你講乜呀！」
「嗚！！！！」
結衣bb:「響後面八百米已經有三架警車追上黎，兩個要快啲走啦」
「上車啦臭西彩，一陣啲差佬當埋你係賊呀！」
「仆街，做superhero做到好似賊咁，真係折墮！」阿彩坐上林寶，兩人馬上逃離現場
翌日，淺水灣道某大宅地下室
「警方於凌晨兩點三十分，響彌敦道拘捕五名男子...」
「哈哈，阿彩你地都幾夠吉士架喎，響彌敦道當眾捉賊！」
阿昇睇住電視，笑道
「咁果陣凌晨之嘛，我先夠膽直接跳過去收佢地皮！」
自從阿七同阿昇合作發明各種產品之後，兩人亦間中會到阿昇同新月既大宅中居住
除左方便研發之外，亦方便返到港大上堂
「話事話，個AI勁唔勁先！我同阿七合力整左半年架啦」阿昇自豪道
「我仲偷偷地連接左去IID既天眼系統度，所以頭先就可以睇到對面既劫匪有咩武器」
「係就係幾好用既，不過...」
阿彩埋怨道:「阿昇你可唔可以將個AI把聲改過佢呀，把聲好撚煩呀！」
結衣bb:「對唔住呀阿彩，把聲係阿七整架，要改就搵佢改啦！」
兩人研發既AI「結衣bb」響出動用既車輛及基地等唔同媒介都能通用
「屌，又係你！」
阿彩呼喝阿七:「喂！死柒頭，改左佢呀！」
「嘻嘻....」
阿七笑意淫淫，玩住手機
「阿七...星期六，我想去中央圖書館搵書呀...你可唔可以..陪我呀？」
手機傳出阿七既女神，露露既錄音
「嘻嘻！露露bb又約我去街啦！」
「屌，醒下啦你！溝女溝左兩年都未得米，明顯係個西女人當你係兵啦！」
阿彩大力指責阿七
「露露bb呀~~~！！！！」阿七彷如發姣一樣，響梳化上翻滾
「結衣bb，幫我查下，香港中央圖書館附近有咩野食，啱我同露露bb夜晚食丫」
結衣bb:「回阿七，附近有一間高級意大利餐廳，應該啱露露小姐既口味！地址已經傳送左去你部手機度啦」
「嘿，咁就啱啦！」
「係喎，新月bb，幾時輪到我同你去街街呀？」阿昇對住坐響一旁既新月道
「你好煩呀」新月無理阿昇，繼續睇住小說
「係喎，你三年前明明應承左我，要同我一齊出去拍拖架喎，你唔係想唔認數下話？」阿昇奸笑起黎
「...冇..冇講過喎」
「叮！」
結衣bb忽然出聲:「各位，睇黎有人黎搵你地呀」
「邊鬼個呀...結衣bb開個cam黎睇下」
「收到！」
畫面顯示一架honda type r正停響大閘前面
一名銀髮男子正從車中走出黎，亦對住鏡頭拎出一張證件
「乜鳩黎架呢張？」阿彩飲住汽水問
「唔係掛...」
阿昇同新月驚呆:「係IID特工...既證件」
「IID？！咪姐係....你地兩個以前既組織？」
阿昇將大閘打開，讓此人可以進來
「無啦啦黎搵我地...睇黎真係有大件事發生...」新月唸道
阿彩卻異想興奮
「大件事啱我呀，唔駛下下都打啲垃圾！」
「咔！」
一打開宅門，銀髮男子就已經響外面等候
「四位，你地好，我係IID秘密軍隊，PAZ既成員，希路」
===============================================
同日，安美大廈3樓，無敵私家偵探社
「呀.....好悶呀！！！」
依舊坐響龍椅上既光晨對住天花板大叫
「光晨，你得閒就幫下我地手啦」
阿咲一直埋頭苦幹，抱怨道:「呢幾日冇左阿南幫手，我同素素忙到踢哂腳呀！」
「喂，我又比屋你地住，又包埋伙食，仲要我幫你地手！依家啲90後真係唔捱得呀」
光晨飲住黑啤:「唉，阿南同阿紫就爽啦，去左東歐玩，賴低我地三個響香港做狗！」
「你做老闆就好心搞下員工旅行比我地啦，係咪呀素素？」
「嗯！」素素點一點頭，笑道:「可以既話，我都想同光晨先生一齊去旅行呀....」
自從Cobra事件後，成功報仇既光晨繼續同阿咲以及素素一齊經營呢一間無敵私家偵探社
而阿南亦成功追求到暗戀多年既阿紫
「得....長洲囉！」
「咁姑寒架你！起碼都台灣啦！」
「你估我好多錢呀？」光晨叫道:「今個月得三單case要跟咋，再係咁我地執得粒啦！」
「嗱，咁一係再有生意既話，你就帶我同素素去旅行啦」
「唉...去澳門啦好未？」
「好呀！」素素笑得開懷:「我好想食豬扒包呀...」
「得啦，如果單生意好pay既去日本都得呀！」
「好野！！」阿咲搖動手上既手機:「我錄左音啦，唔好反口呀！」
「叮噹！」
「呵呵即刻有生意啦！光晨你買定機票啦」
「咔」
門外既係一個妙齡少女，身穿黑色OL服
「你係...」
「你好呀，李千咲小姐，我叫凌愛瞳呀，係IID秘密軍隊，PAZ既成員」
瞳瞳故意望住屋內既光晨:「我係專誠..黎搵你地架」
「嘩，對腳正到痴線丫，起碼有A級！！！！！」
光晨既目光已經完全投放到瞳瞳既美腿上
「凌小姐下話....入黎丫」
瞳瞳坐到梳化上
「今次我黎...係有生意想搵你既」
「生意....？」