吓！同我青梅竹馬嘅人原來係........: 初見

光陰似箭，白石今年己經六歲，而今日係佢第一日番小學嘅日子.......


「記得聽老師講書。」「記得要專心上堂！」「識多幾個朋友仔呀！」喺白石嘅媽媽送佢番學嘅時候不停咁叮囑白石。


白石一臉無奈，因為佢根本對讀書番學一啲興趣都冇。佢只會對音樂同打交感興趣。


你冇聽錯，我亦冇講錯，係打交呀。白石喺公園玩嘅時候，有時會比一啲身型比佢高大嘅小學雞挑引，但係白石驚都冇驚過，佢一次又一次咁用拳頭解決問題，久而久之，宜家都冇人會再搞白石。






順帶一提，年紀輕輕嘅白石已經考獲鋼琴八級同小提琴六級，佢老師係邊個？咪就係佢老豆囉！


白石跟住媽媽落到樓下等校巴黎接佢地。就喺佢地等緊校巴嘅時候，白石聞到一陣好香嘅士多啤梨糖味，佢下意識拎轉頭一望........


「好靚......」白石細細聲咁講






雖然白石已經講得好細聲，但係留住馬尾嘅小女孩都隱約聽到佢講啲咩。小女孩塊面好紅，佢好怕羞。


之後女孩嘅媽媽喺佢耳邊講咗啲嘢，女孩嘅面比剛才更紅，但係佢一步一步嘅行去白石度。


「你...你你...好....我叫林芷晴...媽媽話....我.....我地讀同一間小學....我....我.....我」芷晴塊面越講越紅，非常可愛






「我叫白石啊！可唔可以同你做朋友？」白石鼓起勇氣向芷晴講


「嗯！」芷晴嘅面開始冇咁紅，仲好開心咁答應咗白石