Rubbishptgf 賤男週記: 誤解

唔經唔覺已經嘈左大半個月。話咁快已經12月19號。重有4日就會去我地既北海道之旅。呢日我地去左銅鑼灣諗住睇星戰。睇戲之前我地去左皇室堡食飯。
 
芷純：「我book左聽日睇醫生呀。」
 
因為識佢果時同佢講過佢下面有d味，而佢自己都知，可能係尿道炎之類果d啦。所以我一直就叫佢去睇醫生check下咩事。
 
我：「洗唔洗我陪您去呀:O ？」
芷純：「果到係婦產科，男人去埋好似唔係咁好:-] 。」
我：「哦，咁好啦。」
芷純：「唉，你真係唔會陪我去。」


我：「咩呀，您自己話唔想我陪既#ng# 。」
芷純：「咁您又問？」
我：「下，係您話男人去好似唔係幾好我先話唔陪姐:-( 。」
芷純：「咁我仲需要個男朋友黎做咩？我話你去唔係幾好，但係您可以係車等我架。算啦，我自己去。」
我：「咁我係車到等您啦:-( 。」
芷純：「唔洗啦，太遲。有d野唔係睇您想唔想，係睇您有冇心。」
我：「我又做錯d咩:-( 。」
 
食緊飯果時佢玩下咁用隻手吉左我塊面一下，咁我之後就用手指彈返佢條骨啦，唔知係咪太大力，佢即刻面都黑埋。
 


芷純：「好痛呀。洗唔洗咁大力呀。點解你成日都鍾意報仇架姐。」
我：「咩報仇xx( 。情侶之間玩下好正常姐#ng# 。」
 
之後成餐飯佢都嬲左我。食完之後佢一路係街到行，我一直跟住係後面。果陣覺得好冇面，心諗，條街d人一定知我條女嬲左我啦，嬲爆爆咁。
 
佢行行下行左入forever 21入面睇衫。我就冇野好做一路跟住佢鳩fing fing。等左大半個鐘，望望下人都唔見埋，都唔知係咪走左。我就行左出街去左戲院到睇下佢係咪到。
 
直到差唔多開場果時，佢終於都打比我：「係邊？」
我：「戲院門口。」
芷純：「仲睇唔睇？」


我：「睇呀。」
 
直到睇完套戲送左佢返屋企之後，佢都好似仲嬲緊。
 
返到屋企之後佢msg左我：
 
「今晚我係4ever21由8 點等到9點，唔係我硬頸唔搵你。係我想睇下你對呢段愛情幾重視。等左一個鐘你都唔會send一句msg 或者黎搵我。就算一句已經足夠。其實我真係好易氹。 我真係好失望😞
 
前幾日 我地差唔多日日嘈。訓教個陣我攬住🐻喊左好多晚。果晚同你去aia我玩轉轉機動遊戲其實會頭暈，不詔我都照陪你玩。因為我知你想玩。
 
我話過星期日睇star wars。我就算無做曬功課我都陪你睇。因為我驚你唔開心同埋我應承左你。呢d我全部都無話你知。其實有d detail位我都願意為左你去做。我講呢d唔係為左咩都唔好誤解我🙏🏻
 
我希望我付出既少少野你會睇到。我同你講我睇醫生係我想你陪我，真既!!! 因為我驚😔但你竟然話ok，😔因為我驚有d咩事轉介去邊度睇我又唔夠錢😔我真係好需要一個take care到我，陪我既男朋友😔不過我無嬲你，因為我知你個❤️已經tum左我 就算你唔講出口 I luv u and gd nite dear💓😘」
 
 


 
我：「我自問一路以黎都好take care您😔，我唔知您心目中既take care 係點樣，可能您要好似您ex 咁個個月比錢您洗先叫take care 您。如果係咁既，我真係做唔到。一路以黎您做d咩去返學考試上堂我都陪住您。作為一個返緊工既人我覺得我已經做到加零一。去睇醫生我真係以為您唔想我陪我先話唔陪您去，我亦我冇諗過您冇錢睇😔。」
 
 
芷純：「我講既take care唔係講錢。不過我冇錢既時侯同你講，你幫唔到我。唯有自己諗方法。因為我都要生活。」
 
我：「您幾時有同我講過您冇錢？我之前都講過話您冇錢記住同我講架啦。」
 
芷純：「我約您兩次剩係拎左你一萬蚊，交學校d錢都冇左二千幾，三個月用8000蚊。您覺得仲有幾多剩😔。而且係你岩岩話你唔會好似我ex咁個個月比錢我，你話你做唔到。」
 
我：「您係想我好似佢咁？一開始係您話唔想我地既關係建基係金錢上架麻。所以我先冇比您咋。」
 
芷純：「我到而家都係唔想同你講錢，我真係冇錢唔同您講可以點。我都唔想問您拎，雖然我都冇expect您會唔比。邊個唔想屋企有錢唔洗靠人姐。您都講左話唔幫啦。我明架啦。」
 
我：「我話唔想好似您ex咁，只係話唔想好似包您咁姐。我冇話唔幫您喎。」


 
芷純：「如果您真係唔幫既話，咁冇計，唯有分手去約人搵錢。」
 
果一刻，我個心好似比人插左一刀咁。唔比錢就要去做ptgf？我地唔係情侶黎架咩？點解而家會變成咁？到底呢幾個月我地係咪拍緊拖？
 
無數既問題係我腦海中出現，我一直以後我同佢既關係都係好深。點解會為左錢去分手做ptgf？
 
我：「冇錢就要去做雞？您冇野下話？點解您d價值觀可以錯成咁？」
 
芷純：「您覺得我仲有咩方法搵到錢呀。我讀緊書，屋企從來都唔比錢。我平時都要食飯架。我以為呢個世界真係會有人唔計較，以為有人真係會愛埋我呢d，原來係我諗得太簡單。」
 
我：「我同您計較？同您一齊咁耐，出街所有野都係我比。電話銀包都買晒比您，去旅行都幾萬啦。點解您會覺得我同您計較？不如您話我知您一個月要幾錢，我比您啦。我唔知您幾多先夠。」
 
 
 


 
 
 
芷純：「你約阿lam果陣，人地話冇錢你就狗沖出去比幾千蚊人。而家女朋友冇錢，你就覺得比錢係唔正常。」
 
我：「我冇覺得比錢係唔正常，我係覺得唔比錢您您就要去做ptgf呢樣先唔正常呀。」
 
芷純：「呢幾個月我同您一齊係真心鍾意您。如果我係為左錢我洗咩同您拍拖姐。我約一個人都5000蚊啦。」
 
我：「咁您要幾錢一個月？您講，我真係唔知您要洗幾多。」
 
芷純：「唔洗，我唔洗你同情我。我最憎既係d 雞話冇錢您就飛車出去幫人，我就搞到。」
 
我：「我一路都唔知您用晒果一萬蚊，唔好誤解我好唔好:-( 。」
 


芷純：「我真係覺得好柒，講錢傷感情原來係真。邊個唔想同鍾意既人拍拖。如果您比我既話，我一定唔會去約人。有錢又點會揀約人？我話做ptgf 係當您話唔幫我果時先會去做。我都唔怕講埋您知，都係因為呢個原因我先會同我ex一齊住。」
 
我：「我比您啦，唔好約人。」
 
果陣我知道，其實再嘈落去都冇意思。講真，拍拖洗既錢其實比約人仲多。我又點會唔捨得比錢佢。只係聽到佢話冇錢就會約人，有d心灰。我以為情侶係可以共患難。
 
我：「咁講姐係您ex包您？。」
 
芷純：「唔係，拍拖比錢對方唔等如包囉。係因為佢有比錢我洗，我屋企人就從來都唔會，所以我覺得佢地唔岩。」
 
我：「唔知您記唔記得，您以前話過就算唔同我一齊都唔會再約人。我好清楚知道ptgf可以好易搵到好多錢，而且又冇咩後果。但係呢樣野真係一d都唔岩。呢個世界總會有方法去解決，做ptgf唔係唯一既方法囉。您可唔可以好好珍惜自己，唔好令愛您既人心痛:~( 。」
 
芷純：「我要返學架，邊有時間做part time。點樣都好我對得住自己就得，起碼做ptgf唔洗問人拎錢咁樣衰。」
 
我：「無論一個幾有錢既人都會想個女朋友唔同佢講錢。當話您話唔會係男友窮果時走左去，會陪人捱。岩岩您話唔比錢您就會為生活去做雞。。您知唔知呢句野有幾hurt人同幾令人心寒。為左生活而飛左個男朋友做雞。我知您條件好好，大把人要您，您可能永遠都唔會明做ptgf有幾錯。但呢d價值觀我真係接受唔到。」
 
芷純：「我搵男朋友從來都唔睇佢有冇錢。因為我知就算佢有10000蚊佢1蚊都唔比您都唔係愛您。相反一個得100蚊你既人會比10蚊你都可以好愛您。我如果出黎做野搵到錢，我又點會問您拎呢。如果我男朋友好窮，我一定會陪佢挨。我不嬲都知道做ptgf係錯架。」
 
唔知幾時開始，愛已經同金錢掛勾。估唔到呢種價值觀，直到我離開左個tag之後，都仲影響緊我。
 
我：「您唔好以為我好多錢先得架。係，我屋企係好有錢。但係我返緊份hea工架咋。我搵到幾多，多數都洗晒係您身上。早兩年炒股票仲差落銀行一大筆，我冇講您知唔想您擔心咋。」
 
芷純：「點解您唔一早同我講？咁我地一係唔好去日本住啦:-( 。我地下次先再去啦好冇:-( 。」
 
我：「錢我仲有，我唔係有10000蚊都唔比1蚊您既人。我係有100蚊比左80蚊您既人。」
 
芷純：「聽我講一次啦，下年先去啦好冇:-( ？點解唔一早講我知，一早講我實唔會去:~( 。」
 
我：「我係唔想您冇錢就要去做ptgf姐。」
 
芷純：「因為您對隻雞好過對我。您約左我兩次之後您都冇比過錢我。冇錯，您係買左好多野比我。但我而家冇錢同您講您仲話我。我覺得我冇佢咁重要。」
 
芷純：「成日係我面前話佢點正，咩15，16歲好正。對d雞你就咁順攤。」
 
我：「次次聊我講ptgf既野果個都係您，我答完您d野您又要嬲，咁我可以點。作為男人，只係想聽到自己條女講，就算點都唔會離開佢，唔會去約人。就算您唔係真係咁諗，個心聽到都好安落。一個冇錢就要去做ptgf既女人，我相信冇男人可以接受囉。」
 
芷純：「如果我聽到個男人講以後唔好約人，唔夠錢叫我拎，做女人既聽落有安全感好多囉。」
 
其實嘈左咁耐，只係角度唔同既問題。
係佢眼中，我係一個情願要佢做雞都唔肯比錢佢既男人。
係我眼中，佢係一個情願要做ptgf都唔肯陪男人挨既女人。
 
如果比我揀多次，我會直接比錢，可能會簡單d，價值觀既野，邊到可以三言兩語改變到。
 
我：「我冇講過叫您冇錢話我知咩，點解您地d女仔覺得洗男朋友錢係應份？」
芷純：「唔係應份架，係睇個男仔夠唔夠錫條女架姐。」
我：「總之您要錢我比您。您如果覺得我咁都係唔錫您既話我冇說話好講。」
 
芷純：「我唔鍾意您讚果個阿lam。15，16歲咁又點姐？我屌你，佢將來唔會18歲架咩？您未玩夠就唔撚好拍拖啦，去屌佢啦。您成日講呢條女我已經好嬲，您從來就唔覺得我靚。我都唔知點解您要對佢咁好。唔緊要架，我以後都可以好好地生活。」
 
我：「自從您上次嬲完我已經冇再提過。係我眼中佢只係一隻死臭雞，我亦都唔會鍾意佢。我話15，16歲正係講緊您。我想得15，16歲既您好正。我平時影埋您咁多相，收埋您咁多自拍就係因為覺得您最靚。我唔講出黎只係唔想太狗公姐，唔好誤解我ok？」
 
我諗我真係唔係好識點去氹女人。。。
 
從來未察覺我每個動作沒有聲都有愛你的鐵證
https://www.youtube.com/watch?v=1WLFhjQ0cDc
 
 
 
 
 
芷純：「溝到就唔會珍惜架啦。得不到永遠都係最好。」
 
我：「果條女做乜都唔關我事，我話知佢去做雞又去咩都好。我係唔想您去約人。」
 
芷純：「又係你自己話咩都同你講，我話冇錢，您簡單d話比咪得囉，講咁多做乜鳩。分手之後我做乜春都唔關你事啦。」
 
識左佢幾個月，從來未見過佢咁惡，講咁多粗口。或者可能係因為我之前講粗口話過佢所以令到佢咁。
 
芷純：「佢唔係你條女你都比，我身為你條女你唔可以直接比既，係都要屌我。講乜撚野男朋友養女朋友唔係應份。我而家係學生先叫你拎咋。你簡單d比咪得囉，搞咁撚多野。話陪我去睇醫生，我請埋假係屋企等你陪我去睇。你而家就係到屌。」
 
我：「你唔約時間又唔話我知請左假，我點知道你幾時睇呢。」
 
芷純：「我尋日已經講過聽日會睇，你冇心就算啦。」
 
我：「咁我而家黎陪您睇醫生同埋拎錢比您好冇？」
 
芷純：「總之你唔鍾意我既，覺得我貪錢既，你拎返我d野比我就ok。口口聲聲話陪我。」
 
我：「我係諗住陪，但您一路係到屌我可以點。」
 
芷純：「分手之後我做唔做雞唔關你事。你讚條女就係唔岩。而家你錯我屌你幾句你發我脾氣？你要人信你係咪要做d野？」
 
我諗我做左咁多年人，比人屌得最甘既就係今晚。
 
我：「我返緊工，您講我知幾點我先請到假架麻。您當我返緊學咩。」
 
芷純：「你份工一向都可以隨時走架啦。算啦，你想點就點。」
 
我：「其實您想我點姐，果次您問起我先話過佢一次以前靚d。咁唔講都講左啦，之後我都冇再提過佢。」
 
芷純：「總之我信多你一次，我以後都唔要聽到呢條八婆既野。唔好再講隻雞有幾正。」
 
我：「多謝您信我。」
 
其實呢個所謂阿lam，冇錯我第一次約佢果時係沉左船。不過係約第二個ptgf之前已經一早放低左。如果可以既，我真係情願從來冇約過佢。
 
其實果晚仲有繼續嘈落去，不過講黎講去其實都係果d野。佢話我唔比錢，我話佢要約人。講極都講唔完。
 
芷純：「我daddy打我，我而家執野走。」
我：「搞咩丫又:-( 。我黎搵您啦。」
芷純：「我等您。」
 
我即刻飛車去左佢屋企附近接佢。
 
我：「佢做咩打您呀:-( 。」
芷純：「佢話我沖涼沖太耐:~( 。佢成日都係咁。佢話間屋係佢。」
我：「咁點丫您，您唔返去拿？」
芷純：「唔返，我打死都唔會再返去。」
我：「咁去到我訓啦今晚。」
 
我將我銀包剩返既3000蚊放左落佢銀包。
 
其實今晚冇發生呢件事，冇左阿lam既呢個誤會，我地應該仲會過得好好。
 
芷純：「辛苦您啦今日，又要陪我睇醫生:-( 。」
我：「醫生話咩事:O ？」
芷純：「佢話小小普通既菌係下面，用藥水洗下就冇事，佢話好普遍:D 。」
我：「洗完就即刻冇晒味架拿:O ？」
芷純：「唔知喎，到時你聞下:D  。」
芷純：「我媽頭先打左黎話佢話左我老豆啦，我媽話間公屋唔係佢一個，係我地四個都有份:D 。」
我：「咁咪好囉，快d返屋企啦:D 。快d執行李啦，我地就去旅行架啦。」
 
期待左好耐既旅行，終於都到左。我都好希望呢次既旅行可以修補返大家既關係。不過天有不測之風雲。
 
坐左差唔多5個鐘飛機，終於去到札幌上空。不過就因為暴風醒既關係而降落唔到被迫轉飛東京。
 
當時國泰比左兩個選擇我地，一係就係東京落機，一係就原機返香港當你張機票冇用過。當時我地諗住暴風醒應該好快過，所以決定原機返去香港諗住遲一日去都冇咩所謂。只不過原來23號去變成24號、24號既delay到25號、25號delay到27號。
 
就係咁我地原來既白色聖誕就冇左。其實真係好唔開心，唔開心係因為令芷純失望。其實我咁大個人，好多地方都去過，但係一個細路女，第一次滿心期待去既旅行，咁就冇左幾日。
 
唔知係咪去唔成，搞到大家心情好差。係香港果幾日我都又成日嘈交。
 
芷純：「都唔知你做咩，訓教又唔比人攬，又唔錫人。都唔知呢排發生咩事。我過黎就係想攬住您。但你就好嫌棄我:-( 。又話我隻腳好重，阻住您訓。點解兩個人一齊要冷漠到咁。我過黎訓都係想痴住您姐，您咁反感咁唔鍾意我下次唔黎啦。」
 
我：「我病左先唔錫咋:-( 。之前成日都錫您。」
 
芷純：「之前病左都會照錫架啦。你係咪唔鍾意我姐。」
 
我：「我真係冇心情同您嘈交。隨您點諗。。。」
 
果一排，我的確係對芷純冷淡左好多。可能係因為佢話要分手做ptgf件事，令我對呢段感情有d動搖。又或者果一排真係嘈得太多交，唔識點去應對。
 
聖誕節果晚我去左同屋企人食聖誕晚飯，留低左佢一個人係屋企。
 
芷純：「點解要掉低我一個自己食:-( 。」
 
我：「又係您自己叫我去既。。。」
 
芷純：「我講姐，我想您陪我架。我唔想拍拖拍到咁。」
 
我：「我唔想三日唔埋就嘈一次。」
 
芷純：「你好似一開始咁對我，我都唔會唔開心啦。」
 
我：「您一開始夠唔會發脾氣囉。」
 
當時既佢，曾經有好努力咁維系呢段關係，可惜當時既我冇為意到。
 
到左27號，我地終於都決定唔再等，直飛東京再去北海道。
 
原來10日既trip，只係剩返6日。
 
 
 
 
搞左咁多日，終於可以降落東京。我終於都可以幫芷純完成佢既願望，帶左佢去第一次旅行。由於我地既目的地係北海道，所以我地會係東京留一晚第二朝再飛北海道。
 

 
其實我知道芷純鍾意東京多好多既，始終女仔都係鍾意shopping多。不過一日遊東京真係冇咩可能行得晒。
 

東京d地鐵真係睇到眼都花埋。仲要拖住條女，都係飛的去酒店簡單d。仲記得個司機個名叫做管野 好七，好搞笑。
 
其實坐凌晨機真係好拿辛苦，如果唔係想追返d時間，我打死都唔會做凌晨機。我地兩個其實都好攰，不過係東京只有一日，一定把握時間。
 

 
日頭我地去左秋葉原，之後就梗係去左女仔最鍾意既原宿啦。聽芷純講果到有個專賣女仔野既商場。最後都冇乜買到野，剩係買左d con。
 
原本我地仲諗住一齊去東京鐵塔呢個咁浪漫既地方。不過佢話好攰所以最後都係冇去，我地仲講好左下次一定要去返。估唔到呢個願望已經冇機會實現。
 
第二朝一早起身我地就準備去機場。不過上次飛的其實有d貴，所以今次想慳返d，諗住坐火車去機場。
 
芷純：「點解唔坐的士姐xx( ？」
我：「火車唔會塞車丫麻。」
 
行行下有隻白鴿行過。芷純係一個好驚白鴿既人。
 
芷純：「呀！！白鴿呀！！」
 
成街既人都望住佢叫。
 
我：「驚咩姐，白鴿姐麻，咁都好驚。」
 
芷純：「咁我係驚呀麻，點解咁都唔比人驚姐？」
 
就係咁，我地又嘈左交。成程火車佢都冇彩我係到訓覺。直到上左機之後佢先同我講返野。
 
幾經辛苦，cancel左幾多班機，終於，比我地去到札幌。
 
芷純亦都見到佢人生第一次既雪。可能因為見到雪，大家既心情都好左好多。
 
對上一次我黎北海道就冇渣到車既，因為個個都話落雪渣車好危險。不過我一支公就話冇咩所謂，拖住條女，都係租返架車好d。不過係雪地渣車真係好好feel，睇住d雪境聽住d歌，真係幾開心。
 

 
因為冇左頭幾日，我地就直接渣車入去二世古到滑雪。
 
https://youtu.be/zwDvrIH95KU
渣緊車既時侯。車上面播住王苑芝既好時辰，唔知點解對呢個moment好深刻。仲記得佢同我講過，遇到我既時侯，timing 岩岩好。
 
https://www.youtube.com/watch?v=p4JMsbyljjc
 
在昨天裡 幾多人 新歡變做前度
未結識你 只懂茫然消耗
幾多次告段落 走的幾多冤枉路
彷彿忠告對下一位 請更好
其時如若一早 碰著你
談情或聚散也 草草
 
遇上你 太感恩 不遲亦不早
等我笨夠了 傻得多 方前來抱抱
 
其實要係岩既時侯遇到岩既人，真係一件好難既事。見過好多人，最後同佢一齊果位，都唔係佢地最愛果個。有時我地做人就為左完成結婚呢個人生任務而去特登搵一個自己唔鍾意既人一齊。
 
不過我覺得，一對真心相愛既戀人，唔係要係岩既timing遇到對方。而係即使係唔岩既時侯遇到，都要堅持落去。
 
做左廿幾年人，我知道，要搵一個自己鍾意既人，係有幾難。
 
係雪地到渣車，聽住千與千尋既音樂。慢慢駛入深山，果種感覺真係會令你咩煩惱都冇晒。
 
https://www.youtube.com/watch?v=LjaLR0KNKTk&feature=youtu.be
 
由天光渣到天黑，終於去到間酒店。

 
其實二世古呢個地方，除左滑雪同浸溫泉之外就冇咩好做。
 
第二朝起身，我地就準備去滑雪。因為芷純未滑過雪，所以頭果一日我就陪住佢係d 細路仔場到玩。
 

 
呢個豬扒飯係我成世人食過最好食既豬扒飯。我同佢都一人食左兩個。
 
到左第二日姐係我係二世古既最後一日。因為芷純已經滑熟左細路仔場，所以我就諗住帶佢上去難d既地方。
 
不過滑d難d既地方，唔係一時三刻就滑到。可能因為太斜，佢跌左好多次都滑唔到。
 
我：「您要s 型咁滑丫，唔好直沖落去呀#oh# 。」
芷純：「點滑姐係咁跌。呢到咁斜，著又著唔返d雪具。一著完又跌。我唔滑啦。」
我：「您係到發脾氣做咩姐，您著返佢慢慢s型咁滑落去啦 。」
芷純：「都話滑唔到囉。」
我：「咁一係您除晒佢，行返落去冇咁斜既地方再滑啦 。」
芷純：「我唔識呀，咁鬼難架。」佢嬲到係咁打d雪具。
唔知點解我都燥燥地：「咁您想點呀，叫您行又唔行，滑又唔滑。成日係到發脾氣有咩用姐。諗方法解決佢丫麻。」
芷純：「我幾時有發你脾氣？我自己係到屌姐。」
我：「唉，我唔理您啦。」
 
之後佢慢慢拎住d雪具行落d 再滑。而我就一路係後面跟住佢。直到滑完之後check out埋酒店我地都冇講過野。
 
係架車到佢一路係到訓覺，我就係到渣車，準備去小樽。
 
 
 
 
 
 
其實成個trip都不停為左d小事黎嘈，好似有次去左睇白之戀人既博物館。我諗住慢慢睇下野。
 
芷純：「睇咩姐，呢Ｄ無聊野都好睇？行啦#ng# 。」
我：「咁黎博物館唔睇野黎做咩呀？」
 
就係一Ｄ咁簡單既地話，就可以搞到我地唔彩對方成個鐘。當然大男人既我好要面，成日都唔會主動去講返野，次次開聲講返野既都係佢。
 
其實成個trip我地都冇搞過野，一來佢m到，二來又成日嘈，可能大家都冇mood。去到札幌JR酒店既時候，可能間酒店靚好多，大家心情都放鬆左。我都覺得冇理由第一次去旅行唔扑野架。
 
芷純：「我想咩呀:D 。」
我：「咩呀:O ？」
芷純：「我想咩咩呀:D 。呢樣野要兩個人做架。」
我：「姐係咩:-] ？」我心諗，仲唔係扑野。其實同佢一齊咁耐，佢極少會主動聊我扑野。所以佢開到聲，我都整裝待發準備黎料。
芷純：「唔係你諗果Ｄ呀;-) 。我想結婚呀。」
 
其實一路以黎佢都話過想結婚。佢之前都講過話22歲前要生仔想做靚媽。仲記得岩岩識佢果時佢話過：
 
「以前細個我有返過pt，不過個老細好衰，鬧到我喊又減我人工。之後我ex同我講話佢養我，叫我唔好做。果刻我真係好感動，我覺得一個男仔話我養你好man。一定要好愛呢個女仔先講得出。」
 
我當時就話：「大把有錢佬都講得出呢句說話啦，話養您唔等如愛您架喎#oh# 。」
 
芷純：「我覺得呢句說話仲好聽過我愛你。」
 
我唔知道係咪因為佢係窮既家庭長大，所以先令佢有呢種諗法。至少我覺得我愛您既意義大好多。
 
雖然話就話成日嘈交。不過我地話晒都仲係熱戀緊。你問我當時想唔想同佢結婚，梗係想架。不過冇錢又點結？雖然我唔係窮，但係我屋企都係比較傳統，唔會好似大陸Ｄ有錢仔咁，比無限錢你去玩。至少我冇好似佢ex咁，廿幾歲就有間屋住，可以同佢同居先。
 
我：「您想結婚好易姐，是但搵個人結都得架:D 。」
芷純：「咁都要我鍾意果個人先得架。我唔會隨便搵人結架。」
 
除夕果晚，我地去左北海道神宮許願。我地一人買左塊許願既木板。不過當時我諗唔到寫咩，所以最後我咩都冇寫到。
 
芷純：「都唔明你做咩，買左塊野又冇野寫。」佢好似有Ｄ嬲我點解唔寫Ｄ野落去咁。
 
不過佢唔知道我唔寫既原因，係因為同佢一齊已經係我最大既願望。雖然當時既我地成日都嘈交。不過我都係覺得好幸福。
 

 
就係咁六日既日本之旅就咁就完左。其實真係幾失敗，令唔到佢有咩浪漫既感覺，嘈交多過食飯，連合照都係得一張，仲要係香港機場影。
 
芷純：「期待已久既日本旅行終於結束啦^3^ 。雖然冇得係日本到過白色聖誕，不過都係日本跨年#love#。最重要唔係係邊到過，係身邊果個係您:D　好多謝您^3^ 。 新既一年，希望唔好再嬲你。:D 」
 
雖然佢口咁講，不過我知道佢呢個trip其實過得唔開心。
 
芷純：「威爾斯親王醫院勁唔勁架？我學校可以比500$去做激光:O 。」
我：「學校叫得您去實安全既:O 。再者咁大間醫院咁多人做，冇咩問題。」
芷純：「我上網search左，養和好似係最出名，我儲下錢去養和做算:D 。」
我：「您唔信人您問我做咩#ng# 。」
芷純：「隻眼成世架，我問下你意見姐麻:-( 。咁大反應做咩。」
我：「您從來都唔聽我講既，都唔知您要個男朋友做咩。」
芷純：「你唔可以唔好控制欲咁強，可唔可以改變下，唔係真係冇人相處到架:-( 。相處係要磨合架。」
我：「咁雞毛蒜皮既野您都唔聽，仲要同我嘈，仲點旨意您會聽我Ｄ重要既野。」
芷純：「其實你係咪唔鍾意我？」
我：「我問您先岩呀，頭三合月您都唔會發脾氣，而家日日黑口黑面對住我。」
芷純：「您之前夠唔會鬧我啦。」
我：「您係鍾意我點會話要分手去做ptgf。」
 
當時既我一直都放唔低呢件事。
 
芷純：「我當時咁講只係想試下你會唔會話叫我唔好做，冇錢就同你講。但你就成日覺得我貪錢，話我係貪錢既人。未拍拖果陣你都知我窮架啦。」
 
我：「我約左ptgf咁耐，已經對女人失晒信心。係識到您先信返人，您果時就同我講Ｄ咁既野。試我？咁我搵次扮偷食，試下你得唔得？你令到人地失左信心先，仲叫人點會想去幫你？我幫同唔幫都唔係重點，係做ptgf係好撚錯呀。」
 
芷純：「我一直都知你唔願意比架。就算果3000蚊都係嘈左咁耐你先比。你比果條女都比3500啦。連隻雞都比唔上。」
 
我：「比得多你就叫重要d？我銀包當時得返三千幾，我比左三千你，你仲想我點？係咪要比4000你，多過隻雞先叫你重要d？」
 
芷純：「你唔識去禁架？係呀，我係咁覺得。我想睇下你對我同佢既分別。我係貪錢既我去約人啦，洗咩同你拍拖呀？」
 
我：「嘩，真係好辛苦你喎，搞到你搵少左錢？」
 
芷純：「我講左好多次，我係為左試你，冇諗住去做。你係鍾意隻雞，你係對佢好過對我。」
 
我：「我冇野好講，你唔信我就算。我唔知可以點解釋你知。」
 
芷純：「咁分手啦，反正你都唔信我，我又覺得你唔鍾意我。」
 
 
 
 
 
 
芷純：「我唔明點解你要話佢靚。」
我：「我講過幾多次？當時係你自己好有興趣問我ptgf既野我先講，講完您又嬲。」
芷純：「您覺得佢靚咪同佢一齊囉。」
 
重覆既問題，無論我解釋左幾多次，佢都係唔信我。我都唔記得左嘈左幾多個鐘，打左幾多個字。最後我決定同佢講個真相，或者佢會信我對呢條女真係冇意思。
 
我：「我想講我識左您之後對呢個tag既野從來冇留戀過。連睇都冇興趣再睇。您其實當初估得好岩，我就係rubbish。約過咁多女，係得您令我停低落黎。呢樣係我唯一呃過您既野，當初唔講係驚嚇親您。我而家同您講，只係想話你知，果隻雞只係我約過咁多人既其中一條，我對佢一d感覺都冇。我希望有一日您會睇到我為您做過既野。」
 
芷純：「我一開始就估岩左，我睇人一向都好準。」
 
我：「不過您睇錯我，我冇鍾意佢。」
 
芷純：「如果我一早知你係rubbish我唔會同你一齊。我真係有少少後悔。」
 
我：「對唔住:-( 。但我真係冇鍾意佢。」
 
芷純：「一齊咁耐，講過你有d咩問題你又唔改，成日都要控制人，又要鬧人。我ex從來都唔會管我任何野架。」
 
我：「咁係咪以後咩都唔好理您就叫我丫:-( 。」
 
芷純：「你約左隻雞幾多次？之前鍾意過佢又唔認，敢愛唔敢認。」
 
就係咁，我比佢撚左成晚。不過冇計，應左自己係rubbish之後，根本所有野都係錯。
 
我：「原諒我啦好冇:-( 。」
芷純：「ok。」
我：「thanks :-( 。」
 
撚左成晚，終於都可以鬆一口氣。
 
芷純：「之前仲唔認自己係rubbish#fire# 。」
我：「我同您一齊之後隻ac都冇on過:-( 。」
芷純：「之前好多rubbish既post都比人ban晒，我要睇返#kill# 。」
我：「我一陣踢完波黎搵您好冇:-( 。」
芷純：「睇心情，睇您有冇誠意。」
 
當晚我踢完波即刻渣左車去佢樓下。結果一上到車又黎料。
 
差唔多係架車到比佢指住黎鬧左兩個鐘。我都已經唔記得講過d咩，不過黎黎去去都係話我對隻雞好，話我係rubbish果d野。真係成世仔加埋都未比人屌得咁甘。堂堂rubbishptgf，平時都係我屌開人，今日比人鬧到咁，其實真係好難受。
 
我：「我返到屋企啦，好攰，我訓先:-( 。」
芷純：「比我鬧到我好攰:-] 。」
我：「成世都未比人咁鬧過:-( 。」
芷純：「我夠成世都未咁鬧過人:-[ 。鬧完呢次我唔會再提果條女，您唔好再話我又講啦。」
 
不過其實講左比佢知都好，起碼放低左心頭大石，冇野呃住佢。其實要搵一個接受到你既過去既人係好難。特別當你係rubbishptgf。
 
芷純：「morning rubbish:-] 。」
我：「又抽我:-( 。」
芷純：「其實你會唔會覺得之前開post覆dm既日子易過d:-( 。我覺得您而家好似好無聊咁:-( 。」
我：「唔覺，好晒時間，成日都要check住，都唔知為乜xx(。果時已經玩到好悶。」
芷純：「果陣其實你係咪遇唔遇到我都諗住收山#oh# 。」
我：「唔覺，好晒時間，成日都要check住，都唔知為乜xx(。果時已經玩到好悶。」
芷純：「咁都好，起碼你有為左我改變:D  。」
 
唔知係咪嘈開有條路，新既一年嘈既野一日比一日多。
 
我：「您做咩del左您ig睇我踢波張相既:-( 。」
芷純：「果時嬲左話分手咪del囉。一向都唔會keep前度既野。」
我：「點解您來唔貼我地d合照係ig:-( 。」
芷純：「我ig都冇咩人睇，貼黎做咩:D 。」
我：「但您有貼單人相，d人會以為您單身架麻。」
芷純：「都冇人睇，follow我d人我都唔識既。」
我：「您話冇人睇但係您又貼單人相，您唔想比人知您拍拖姐。」
芷純：「post左又代表d咩？。」
我：「咁您可唔可以貼呀:-( 。」
芷純：「我都唔知你咁緊張呢d野做咩。」
我：「我見成日有d無聊人搵你，我諗住咁可以打發果d人走姐:-( 。」
芷純：「我係未post姐，冇話過唔post。」
 
我：「我都唔知點解您地d女咁鍾意係ig扮單身，驚趕走晒d狗公咩，您咁唔鍾意不如分手啦。」
 
芷純：「分囉。我需要一個當我係佢全部既人。覺得我係最好最靚既人，而唔係覺得人地靚既人。」
 
我：「我都唔明您點解係都要話我覺得您唔靚。您講過咁多次分手，已經傷害左我地段感情。」
 
芷純：「咁你自己問自己點解令我感覺唔到。女人講分手有咩問題？女人講分手，十次有九次半都係假。男人就唔係，一講就係真。總之你唔鍾意就unfollow我啦。咪煩。」
 
我：「貼張相真係好難為你咩？」
芷純：「我唔想我d同學知，唔想比人講。」
我：「咁您姐係都認係唔想比人知啦？」
 
芷純：「我意思係唔想比學校d人知我拍拖，d miss會點睇我？而且個個同學都知我有男朋友。」
 
芷純：「你從來都冇話過我靚，你剩係讚過果條女。」
 
我：「您想點呀？又話上次講完唔講，而家又屈我。我點唔覺得您靚法？唔覺得您靚會收埋您咁多自拍，會貼您上我ig咩。其實您覺得我柒影衰您或者唔想比人知您拍拖咪直接講囉，次次都要屈我鍾意隻雞做乜q。」
 
最後佢冇再出聲，不過我見佢冇幾耐就貼左我地張相出黎。其實好多時嘈交，只要是但一方肯退一步，問題跟本唔會出現。或者係我地兩個都太唔成熟。
 
 
 
 
 
 
芷純：「今日d同學係咁問我:-] 。」
我：「您話您男朋友迫您貼:D 。」
芷純：「我話係男朋友，一齊左差唔多半年:D 。估唔到我地d合照仲多like過我自己d呃like 相:~( 。」
我：「您d fd替您開心姐:D 。」
芷純：「我細個mk年代果陣d相閒閒地都有千幾人like架:D 。果時我冇set private。」
我：「冇圖冇真相:-[ 。肯定成日影埋d淫相。」
芷純：「冇呀:~( ，您尋晚del左我地係您ig張合照:~( 。」
我：「尋晚太嬲del左姐麻，我都唔知您會post，我貼返:-( 。」
芷純：「唔好啦，一陣又del:~( 。」
 
雖然拍拖既日子有苦有甜，有時都會有d灰心。但總比一個人無色無味既生活好得多。
 
有一日，佢送左一幅佢畫既畫比我。佢將我細個果時既一張相，畫左做畫。其實佢一路都有講我知佢畫緊，不過我冇諗過佢真係會畫到咁靚咁似。
 
男人收到呢d親手畫或者做既禮物其實會特別開心。因為我覺得呢d野比起你用幾千蚊幾萬蚊買既名牌更加珍貴。到左而家我都將果幅畫掛左係我房到。
 
芷純：「bb#oh#。年初二或者年初三同我阿媽飲茶好唔好？」
我：「梗係好啦，我隨時都得架:D。」
芷純：「佢之前都有叫過，不過我果時話一齊耐d先:D 。」
我：「anytime anywhere;-) 。」
 
其實每一次伴侶對我身份同地位既認同，我都會好開心。
 
每個星期五都係我同佢最期待既日子。6點鐘狗沖收工返屋企拎車。七點半出門口，八點就會去到佢屋企樓下接佢。
 
星期五晚我地多數都會搵場戲睇，睇完差唔多12點先返屋企訓。因為咁夜我屋企人多數都訓晒，唔洗怕麻煩。
 
果晚我地睇左套戲叫太空潛行者。其實本身都係諗住係無聊戲打發下時間。點知套戲出奇地好睇。而且都幾浪漫。
 
芷純：「如果您好似套戲個男主角咁因為我靚而叫醒我既話我一定唔會嬲#oh# 。」
 
唔知點解佢好介意對方鍾意佢唔係因為佢個樣。其實我好想同佢講，鍾意佢樣靚既人有好多，但係真係鍾意您既人係唔會介意您靚唔靚。
 
我：「其實好似套戲咁兩個人就咁係架船到生活幾開心丫，我ok架:D 。」
 
芷純：「我都唔介意架，同您一齊就得:D 。」
 
呢套戲就係咁成為左我地兩個之間既主題電影。
 
其實我由細到大都好鍾意太空，好鍾意果到既寧靜。唔需要同d地球人溝通，真係煩少好多野。
 
「願我會揸火箭　帶你到天空去　在太空中兩人住」
 
熱戀中既戀人，都係分分鐘需要對方。
 
又到左星期六既朝早，又係做柴可夫既時候。雖然辛苦就幾辛苦，不過總好過我單身果時星期六日日鳩流流，唔係叫雞訓覺，就打機睇戲，咁做人都唔知為乜。
 
芷純：「bb您唔好等我啦:-( 。我岩岩先知我地以後都要返全日。」
 
我：「返全日，唔係掛@_@ 。」
 
芷純：「係呀:~( 。五點先放。」
 
就係咁，由果日起，我地美好既星期六，又冇左一半。
 
雖然話車完佢返學之後我全都係私人時間。不過其實一早車完佢之後，我返到屋企都係訓返。到左差唔多訓醒既時候又係佢放學既時間，又要準備出去接佢。
 
不過接完佢都唔可以點去街，因為我訓左，佢未訓。上完成日堂既佢已經好攰冇咩精神。所以星期六我接完佢多數都係返屋企，一路訓到凌晨先起身。
 
仲記得有次病病地，車完佢返學之後返屋企食藥就訓左。
 
芷純：「我就放學啦#oh# 。」
 
我：「我今晚九點半有場波要踢丫原來，您返屋企訓陣我踢完黎接您好冇？#oh# 。」
 
芷純：「我條鎖匙係您屋企丫，屋企冇人:-( 。」
 
我：「咁我而家出黎啦:O 。」
 
芷純：「你而家出黎都冇野做#oh# 。」
 
我：「咁您想點#oh# 。」
 
芷純：「我一直都預你會黎:-( 。」
 
我：「我食左藥訓遲左姐xx( 。」
 
芷純：「你可以唔去踢波架麻，平時星期六你都唔會踢。」
 
我：「我見您今個星期要考試溫書，踢波果到又咁近您屋企，所以先諗住踢咋。」
 
芷純：「你都冇同我講過今日既plan係點，我點知姐，而家我冇帶鎖匙要傻傻地係到等。」
 
我：「我個個星期都等您全日，您等返我一陣都唔得咩。」
 
芷純：「你係唔想等既就唔好等。我唔鍾意人為我做完d野又成日拎出黎講。你係唔willing to do既就由佢。成日講住好煩。」
 
我：「我冇唔willing to do，識您咁耐我有邊次係唔車您？您上堂用左半日，我用兩個鐘踢場波姐，咁都唔得？」
 
芷純：「咁我落堂唔係應該更加珍惜見面既時間咩，你星期一至五都有踢啦。你係唔鐘意我上堂既就一開始講，唔好話左接受又要嘈。」
 
我：「我從來冇接受過，我同您講過幾多次想您唔讀。」
 
芷純：「咁分手啦。我之前仲以為我自己好好彩，有個人真係會個個星期陪我上堂。原來係假既。之前妥協左而家又話唔ok。」
 
我：「我車少左您一次就變成咁？」
 
芷純：「你得閒拎返d書同鎖匙比我就ok，仲有廁所d化妝品。」
 
芷純：「你簡單d唔踢波咪唔洗煩囉。係都要搞咁多野。」
 
分手分手分手。點解拍拖可以成日講分手。果一刻我終於都忍無可忍要爆。昔日既rubbish惡魔又出返黎。
 
 
 
 
 
芷純：「你幾時比返d野我？我聽日要考試，我剩係想要返d書，當我求下你:-( 。」
 
芷純：「你想點？打比你又唔聽，冇書我溫唔到，對唔住，唔該比返我:-( 。」
 
芷純：「唔好玩我啦。我聽日真係要考試:-( 。」
 
我當時真係好嬲，點解一個人可以咁無感情。每一次都要講分手。付出左咁多野，就係因為一次冇做到就比佢話到我咁。
 
我：「玩？而家係您玩我咋。得閒就分手。當我玩具？」
 
芷純：「你唔想分？」
 
我：「由頭到尾講想果個係你。」
 
芷純：「你咁唔滿意我就飛我啦，你比返Ｄ書我就ok。」
 
我：「您個人有冇感情架，岩岩分手剩係諗住d書，唔怪得您會為錢去做ptgf。」
 
芷純：「我喊過你又知唔知？我打左比你咁多次你有聽過咩？總之你比返Ｄ書啦。」
 
我：「掉晒啦。你玩完人唔好expect人地會對你好。」
 
芷純：「總之所有野都對唔住:-( 。你比返Ｄ書我，我唔會再出現:-( 。」
 
我：「我冇您咁狠心可以屌足我幾個鐘。」
 
芷純：「我唔飛你啦，你比返Ｄ書我，你再飛我啦:-( 。」
 
芷純：「對唔住，我唔應該expect有人對我好:-( 。」
 
我：「就係因為冇車您一次就叫對你唔好？」
 
芷純：「我唔係咁既意思，我唔值得你對我咁好，你比返d書我啦:~( 。」
 
我：「您drop左空姐個course咪比您囉。」
 
芷純：「你唔好玩我啦，我真係冇時間溫書啦:~( 。」
 
我：「我點解要幫一個飛我既人#oh# 。」
 
芷純：「我講左唔分啦，你唔好咁啦:~( 。」
 
我：「都話叫你drop左個course囉。」
 
芷純：「你唔好為難我啦，以後星期６我會自己返，我放學自己黎搵你，我答應你我以後都唔會做空姐:~( 。」
 
我都唔記得我地講左幾耐，只係記得我當時真係好嬲好嬲。
 
我：「我知您要考試溫書先諗住踢一陣波，一次訓過龍冇黎車你姐。」
 
芷純：「我知架啦，對唔住，我以後會自己返學:-( 。」
 
我：「我從來都冇介意過車您返學囉。但係車少一次係咪要怪我呢。」
 
芷純：「我冇怪你，只係想你同我講聲:-( 。想您同我講，今日黎唔到話訓遲左咁，你唔好誤會我啦。我以後唔會再講分手:~( 。」
 
我：「您早幾日先話2017唔會再發脾氣唔再講分手。」
 
芷純：「係我答應左既野冇做，對唔住:-(  。」
 
我：「我之前講過話唔再講粗口，唔再鬧您，我都有做到丫。講真，我有幾何去踢波，以前踢波您都會話黎睇我既。我唔知您地d後生係咪成日講分手當玩，不過我呢d老野聽到人講我會當真架。」
 
我：「雖然您冇講過您ex好過我。但您成日無意中會講佢做過d咩。話佢講過話會養您好感動，話佢會比錢您洗，話佢唔會同您嘈唔會管您。我屌佢飛車係死mk果時您都會好努力維護佢。不過我都冇去話您。可能您真係覺得佢好好多掛。」
 
芷純：「唔係，您好過佢好多架:-( 。係我唔好，成日講分手。佢飛車係好唔岩，我之前都成日話佢。所以您好過佢:~( 。」
 
最後我去左佢屋企樓下比返d野佢。
 
重覆返幾日前既事，係架車到，又嘈左幾個鐘。
 
有人話嘈交可以增加大家既了解。不過其實次次嘈完幾個鐘，都係冇咩結果。
 
因為大家都係硬頸到pk既人。
 
不過每次嘈完，大家冷靜返都會講返d氹人既說話。
 
我：「我聽日去交收鄭中基演唱會d飛呀:D 。」
 
芷純：「係咪好貴丫d飛:-( 。」
 
我：「坐第一行，貴d都冇所謂啦:D  。」
 
芷純：「好開心兩次睇最愛既明星都係同最愛既人去#love# 。」
 
我：「第一次同您去我覺得好sweet架:~( 。」
 
芷純：「點解既？」
 
我：「咁多年冇拍拖，冇諗過會拍得返，感覺好唔真實:~( 。」
 
芷純：「唔知再過十年鄭中基開演唱會，陪我睇果個係咪你呢。:D 」
 
我：「希望係，不過您成日唔要我:-( 。」
 
芷純：「in case以後有咩原因您陪我睇唔到既話，佢每場係澳門同香港既演唱會我都會去睇;-) 。」
 
我：「同第二個睇:-[ ？」
 
芷純：「自己睇，仲要坐最貴果Ｄ位:-[ 。 」
 
我：「早d訓啦，聽日又要考試^3^ 。對唔住呀:-(。我以後會對您好d。 」
 
芷純：「sorry bb:~( 。我唔會再講分手架啦:-( 。記得掛住我，要掛埋尋日果份:-[ 。 」
 
我：「早已忘了想你的滋味是什麼，因為每分每秒都被你佔據在心中:D 。」
 
芷純：「so sweet:P 。 成日扮毒話唔識氹人:-[ 。」
 
同左佢一齊之後其實真係好少有掛住佢既感覺。因為分分秒秒佢都係我心入面。見到一個生果，一套戲，一套電視劇都會諗起佢。生活上既喜怒哀樂都係因佢而起。
 
https://www.youtube.com/watch?v=ZsiN2YVrdmA
 
早已忘了想你的滋味是什麼
因為每分每秒都被你佔據在心中
你的一舉一動牽扯在我生活的隙縫
 
 
 
 
 
我：「搵緊工，係香港做男人真係好慘:~( 。 」
 
芷純：「女人都慘架。有樣又話冇波，有波又話冇腳，有腳又話唔靚，樣靚又話性格差xx( 。」
 
我：「一樣有狗公要，一樣可以做ptgf搵錢#ng# 。 」
 
芷純：「男人有咩咁慘，剩係要搵錢姐麻，女仔做ptgf會比人鬧xx( 。」
 
我：「女仔唔洗搵錢，做ptgf 邊個知姐#oh# 。 」
 
芷純：「樣衰咪冇人養，男人冇女都可以叫雞xx( 。總之男女都好大壓力。邊有你咁幸福。我一出世我老豆老母係邊個都唔知。」
 
之前佢同我講過，佢好細個果時係比而家既屋企人領養返黎。
 
我：「可能因為咁您覺得個世界好似欠左您咁，搞到性格情緒都有d問題#oh#  。」
 
芷純：「係你覺得我性格情緒有問題姐，你幾時覺得我好過姐。」
 
Here we go again。
 
我：「個個人都會有d問題架啦，我都係咁講姐，我自己情緒有時都唔好架。」
 
芷純：「你覺得我咁差同我一齊做咩姐。」
 
我：「其實您搵個狗公做您男朋友就岩，一定唔會話您任何野。」
 
芷純：「您唔鍾意咪唔好做囉[sosad] 。你永遠就係睇到人地既唔好。」
 
我：「您成日話唔鍾意就唔好一齊做咩姐，叫左幾多次您唔好講呢d野。」
 
芷純：「我唔想你覺得我差又辛苦自己咋。你情緒性格最好。唔鍾意咪直接講囉。」
 
芷純：
「Dear bb
 
可能今次係我最後一次叫你bb la，我地唔經唔覺都識左半年，從第一次見你到而家我都覺得我好幸運，我搵到一個咁錫我既人。
 
但事實上好多野都需要磨合，頭3個月我覺得好sweet我覺得我揀定了，覺得上天對我太好派呢個人黎保護我錫我。
 
可惜地，所謂既熱戀期可能係你心目中過左，你開始鬧我發我脾氣好多野都要我聽你話，甚至有時我覺得你好憎我，
 
但其實我唔知點解你會咁。不過我都無對你唔好過，我繼續錫你愛你，當然有時大家都有爭吵，每次我都會氹返你，因為我真係好驚失去你，雖然你話我無氹過你。但一齊到而家，每個星期5夜晚我都好期待你黎接我。
 
曾經，我覺得我地可以走到最後既。但唔知幾時開始，你變得好憎我，好似唔想見到我咁，我做好多野都好似錯咁，其實我真係唔知點解......每次嘈交我都希望有人緊張我有人會氹返我，希望有人會在乎我既感受，但無。爭吵越黎越多，你都開始鬧我，甚至更難聽都有。
 
我個人好真，唔係d好識氹男人既女仔，我好痴你，幾乎你去踢波我都會跟你去。我從來都覺得你係最好既，但我真係唔明你覺得我性格有問題係邊度，我對你算係咁la下話，不過點都好，起碼我知道你而家係咁諗，我都希望你唔好後悔，到而家我都係好愛你，希望你以後會記得曾經有個女仔係咁愛你。但我知道我地已經無可能。希望你搵到一個對你更好既女仔。Thanks for everthings. Take care」
 
我：「次次都係您講分手，點樣愛法呢？我已經講左好多次叫您唔好再拎呢樣野黎講。我完全唔覺得您有幾緊張呢段感情。兩個人一齊，有問題咪講囉，係咪咩都唔講果Ｄ先叫好？」
 
芷純：「希望今晚係我為你喊最後一次:-( :-( 希望你以後會開心。」
 
我：「咁姐係點？又分？」
 
芷純：「我冇講過分手，係我覺得你想分。」
 
我：「我想分我自己會講，唔洗您幫我諗埋。」
 
芷純：「我真係唔明我性格情緒有咩問題。」
 
我：「你成日發脾氣話分手咪有問題囉。」
 
芷純：「我幾時成日發你脾氣？十次都唔知有冇。」
 
芷純：「總之我唔鍾意比人話我。我希望我另一半話我好。我唔覺得我有野唔好。我對你好失望。我真係好心淡，你成日鬧我我有冇話過你。」
 
有時我都唔知係咪我表達能力有問題，定係細路女都係唔鍾意人溝通。
 
其實次次嘈咩都好，過一晚大家講句早晨又會冇事。今次都唔例外。因為同左佢一齊生活上有左寄託，所以都想勤力Ｄ返工儲下老婆本，芷純亦都好好咁去陪我見工。最後當然見成左啦。
 
話咁快就到左農歷新年既長假。因為我屋企冇乜親戚。所以差唔多年年我屋企人都會去旅行。所以成間屋就得返我一個。芷純當然晚晚都過黎訓啦。仲會買Ｄ溫泉粉返黎同我一齊浸浴缸。晚晚我地就買料返黎屋企食火鍋，享受下家庭樂。