Rubbishptgf 賤男週記: 相惜
9月15號，係中秋節。咁多年黎既中秋，都係自己一個係屋企到過。中秋唔知點解總係比人一種好浪漫既感覺。單身左咁多年，幻想過好多野，其中一樣，就係想同女朋友過一個好完美既中秋節。
我：「我地聽日去維園睇花燈好冇丫:D ？」
芷純：「好呀，我咁大個人都未睇過^3^ 。」
我：「咁老土既野都陪我去做:D 。」
芷純：「我成日都覺得中秋氣氛好好，萬家燈火咁，好warm:D 。不過我屋企人年年都會返大陸，所以都唔會團圓到:-( 。」
我：「唔緊要啦，今年我陪住您過咪得囉;-) 。」
芷純：「咁我訓啦，聽日就見到您啦^3^。您睇波唔好睇咁夜啦，希望您隊波會嬴啦#love# 。」
一個人生活左咁耐。從來都唔知道有人等自己，係一件咁幸福既事。即使一個人凌晨睇波，都係好開心。
其實我一早就諗好左今日要射波唔返工。因為我打算去接佢放學。真係估唔到我一個廿到尾既毒撚，仲會有機會同一個咁正既學生妹拍拖。接放學呢d咁青春既野又點可以唔做呢。
雖然佢5點幾先放學，不過我3點幾就出左門口去旺角等佢。第一次接學生妹放學，點可以遲！
芷純：「傻b你唔好咁早黎呀，唔係有排您等架:~( 。」
我：「第一次梗係要早d，我唔知識唔識路，第一次接您放學點可以遲到:-] 。」
芷純：「好無聊呀您，特登黎接我放學:-( 。」
我：「有咩咁無聊，我覺得好sweet，可能您唔覺得啦:-( 。」
芷純：「我覺架，都未有人接過我放學^3^ 。」
我：「平時都冇咩機會接，同埋您讀埋下年都上大學啦，冇機會架啦:~( 。」
芷純：「咁又係，以後我都可以同人講我中學果陣有人接過我放學^3^ 。」
終於等到佢放學。第一次見佢著校服。第一次見佢札住把長頭髮。冇化妝既佢感覺同平時好唔同，好乖女feel。我呢個校服控真係好難忍得住，即刻就捉住佢黎咀。
之後我車左佢返屋企換衫，諗住去銅鑼灣睇s風暴。其實係香港拍拖，都冇咩好做，黎黎去去都係行街睇戲食飯。不過其實只要同鍾意既人一齊，做咩又有咩所謂丫。
睇戲之前我同佢去左維園到睇花燈。見到五顏六色既花燈，拖住佢係到散步，感覺好浪漫。我發覺我已經唔記得晒以前ptgf 既所有人同事。因為果d野已經對我唔再重要。最重要既係眼前呢個女仔。
睇完戲之後我同佢準備返我屋企訓。渣渣下既時侯我地見到個月光好圓好靚。於是我就將架車停左係跑馬地一條細街到。我將架車既天窗打開左，我地兩個就係咁坐左係到賞月。果時我地兩個都冇出聲，只係靜靜咁係到望果個又大又圓既月亮。呢個畫面我一世都會記得。幸福，其實就係咁簡單。
果個，係我見過最靚既月亮，因為有佢我身邊。
三日既連假真係好開心。芷純同我一樣，都係好鍾意hea既人。佢可以同我一齊訓係屋企半日都唔做任何野。中秋節之後果日我地差唔多3，4點先起身。我好想佢陪我去一個地方。
因為我細個果時係住係太古城。我地80後果個年代既小朋友都冇咩野玩，冇得上網，冇電腦。所以中秋節既時侯全部細路都會走晒出黎玩，好開心。年年既中秋節，我都會拎住個燈籠走上去太古城個平台到玩。呢個畫面一直係我個心入面好耐，好想重溫多次。
果晚，我拖住佢再行返上去太古城既公園平台到。估唔到仲係咁多細路係到玩。我仲以為而家d細路個個掛住打機唔會再玩燈籠。我同佢一齊企左係到睇果d街坊魔術show，其實真係好無聊，不過我地兩個都睇到好開心。
之後我同佢坐左係到，佢一路挨住我。我地又係到望住個月亮。其實我一直都唔明月亮有咩好賞。月亮黎黎去去都係咁樣架啦。
今日我終於明，我地望住既，唔係月亮，係對方既心。
第二朝起身原來佢m到，搞到成床都係血。我即刻渣車去超市買m巾比佢。其實咁大個人都係第一次做呢d野。
芷純：「要有翼，唔要網面:D 。一包夜用兩包日用。」
m巾都分咁多種，唔係掛。係超市到左睇又睇，搵極都搵唔到乜q網面咩面。最後買左最貴果隻，心諗應該一定冇死啦掛。
返到去佢即刻攬住我：「您好sweet呀，呢d野您都肯做^3^ 。」
單身左咁多年我先知道，其實有個人可以比自己付出，去對佢好，係一件好幸福既事黎。
果日我上網買果部iphone 7都送到黎，因為我知佢個電話壞左，所以買左個iphone比佢。佢開心到成個細路咁，仲即刻將我既指紋加埋入去。我覺得呢個動作好sweet。係一種對對方信任既感覺，好似大家都冇咩秘密咁。
佢拎住個新電話係咁自拍，仲著左我屋企d波衫黎影相。其實所有毒撚都有一個願望，就係搵一個女朋友同自己一齊著住波衫睇波。望住佢著住波衫個樣，真係好gfable。
我又再一次問自己，到底自己點解會咁好彩？
真係唔知佢鍾意我乜。
每個星期日同佢食完飯之後都我會車佢返去淘大，不過其實我一路都唔知佢住係邊。
芷純：「其實我住係牛頭角上村架。不過之前驚你唔識去呢d cheap地方，所以先叫你係淘大等我咋:D 。」
其實牛頭角上村就係淘大附近，不過就係私樓同公屋既分別。我停左架車係佢樓下。我陪住佢上樓，一來我想送佢返到門口，二來我都想知佢住幾樓咩單位，之後如果想寄野比佢都可以有個地址。
行到佢屋企門口，佢冇啦啦攬住我攬到好實。
我：「做咩丫:-]，過幾日又可以見架啦:D。」
望望佢，原來佢係到喊緊。
芷純：「我真係好唔鍾意星期日:~( 。星期六我已經唔開心緊。我好唔捨得您:~( 。」
其實我對住女仔喊真係投晒降。平時我就算點惡點衰都好，我一見到女仔喊我就會心軟。更何況係自己鍾意既人。
就係咁，我地企左係走廊到，都唔知搞左幾耐佢先肯入屋。其實我呢d有錢仔真係成世都未黎過公屋呢d地方。不過唔知點解我覺得呢到好溫暖，可能因為有佢係到。送到佢返屋企，好似完成左一個責任咁。
我知道佢因為屋企窮，成世都未去過旅行，所以我決定要帶佢去一次旅行，帶佢去睇下呢個世界。單身咁耐既日子，我去得最多既就係日本，而我最鍾意既地方就係北海道。仲記得幾年前自己一個人去左北海道十日，當時既我好enjoy一個人。一個人係雪山滑雪，攰左，就坐係到睇風景。我以為我呢一世都唔需要拍拖。不過而家既我，好想同佢分享果到既風景。仲記得高登仔神戲into the wild 講過：
"Happiness Only Real When Shared"
再好既風景，冇人分享，都係冇用。
我：「我地12月去旅行好唔好呀？」
芷純：「您講真架？不過我冇passport:-( 我未去過旅行。」
我：「而家仲有三個月先12月，應該夠時間整既:D 。您學校幾號放假？」
芷純：「我睇下個時間表先，咁我地去邊:O ？」
我：「去北海道好冇，之前我去過，好靚架#love# 。」
芷純：「我其實鍾意東京，不過聖誕節去北海道好似浪漫d，我都未睇過雪，可以過白色聖誕#love# 。」
芷純：「我睇左啦，我23號就開始放:D 。」
我即刻就上網買機票。我係一個好膚淺既人，我從來坐飛機只會坐國泰，果d乜春廉航真係唔好搞我。不過國泰12月去北海道d機票真係好撚貴，一張都成12000＄。不過同女朋友去就唔應該去計，我諗都唔諗就買左23號－1號去北海道既機票。
我：「買左啦:D 。23號去到1號。」
芷純：「咁快[yipes] 。您講真架？」
我：「梗係講真架啦，您當我講笑架咩#ng# 。」
芷純：「以前我ex都有話過同我去旅行，不過得個講字:-( 。我就係鍾意你呢樣野，講得出會真係做，唔似d男仔咁得個講字:D 。」
我：「快d整passport呀，唔係去唔到架啦:-] 。」
芷純：「您對我咁好，我一定會好好珍惜:-( 。」
每個星期既星期三我地都會出黎食飯，星期五佢就會過黎我屋企。可能因為係外國讀過書，以前成日都會自己行超市買野食黎煮。所以我係超鍾意行超市既人，特別係d高檔超市，好似citysuper，sogo，aeon呢d地方。
點解會鍾意行呢d地方？因為我覺得d 高檔食品好靚好過引。好似一個200蚊既蘋果，300蚊盒既士多啤利。見到呢d 貴野，膚淺既我就會想買黎試。我地就好似兩公婆咁，一日都黑係到行超市。佢好鍾意食士多啤利，所以我成日都會買d好貴既士多啤利比佢食。唔知係咪幸福既人都會食好多野，果排我地兩個都肥左好多，日日就係屋企食野睇戲，訓覺。其實完美既一日，唔需要係d咩特別既日子，做左d咩特別野，咩浪漫既野。
或者咁樣簡簡單單過既，就係最完美既一日。
同所有情侶一樣，我同佢每晚都會傾電話。熱戀中既戀人，總係有無數既話題，眼裡有既，只係對方，會覺得對方把聲係全世界最好聽。
當然我都唔例外，我仲會開住andriod個錄音apps將我同佢傾電話既過程錄低，有時得閒都會聽返黎 j 下佢把聲。
芷純：「傻佬做緊咩^3^？」
我：「冇呀，彈緊結他睇緊波咋:D 。」
芷純：「唱首歌比我聽丫#love# 。」
我：「好小何您會主動叫我唱喎:-] 。」
芷純：「掛住您好想聽^3^ 。」
其實之前錄過比佢既歌好似都唔係好sweet。於是我係到諗有d咩sweet d 既歌可以送比佢。最後我諗到呢首 － 為你失眠
https://soundcloud.com/ptgf-rubbish/c1sbqca11a2z
數盡每一隻綿羊 仍然未到天亮
掛念他人 怎會需要睡床
想像世間已滅亡 全人類還剩下我倆
在我自製長劇裡 情節任我想
能愛著你 不怕寂寞
為你失眠都不錯 睡魔今晚不要撓讓
夜深偷偷把你細想
又靠著我的孤枕當你肩膊
而你獨個可會寂寞 凝望著天花牽掛我
陽光清早不要照亮 淚水怎麼可以見光
就怕夜裡不肯去睡覺的只有我
想念你想到落淚 仍然沒法安睡
你像幽靈 黑暗中揮不去
想像你跟我同行 沿途在榕樹下接吻
未理自製情節 全也未發生
其實呢首歌都幾冷門。不過我好鍾意，因為呢首歌講出當你深愛住一個人失眠時侯既心情。
「而你獨個可會寂寞 凝望著天花牽掛我」
唔知而家既您，諗住既係邊個呢？
由果日起，為你失眠就成為左我同佢之間既主題曲。
因為我weekday有時要踢波既關係，未必個個星期三都可以陪到佢。
芷純：「我今晚黎睇你踢波好唔好丫^3^ 。」
我：「好悶架，又熱，有咩好睇喎#oh# 。」
其實我心入面不知幾想佢黎睇。男人就係咁膚淺，好想自己個女人去支持佢為佢打氣，比佢睇到自己man既一面。
芷純：「我唔覺得會悶喎，我諗你踢波一定好型#love# 。」
其實好多男人都會帶自己條女去睇波，不過大部份女仔去到都係坐係到禁下電話，冇咩邊個真係會睇。
不過即使我落到場踢波，我都會成日望下佢，每次望住佢，佢都係望緊我，一直都好專心咁睇果踢波。知道有人係到支持自己，跑都會跑多幾步。
踢完波之後我就車左佢返屋企，走之前佢比左個袋我。
芷純：「件衫係我之前行街買架，普通t shirt黎，唔知你鐘唔鐘意:D 。」
我打開個袋黎睇，係一件純白色既adidas t shirt。果時我同自己講，呢件衫，我著到80歲都會再著落去。
呢份亦係佢第一份比我既禮物。
返到屋企之後見到佢ig開左個post，貼左張佢係球場影既相。
「wonderful night with you。」
見佢貼左出黎我好開心。或者呢種係對我既身份既一種肯定。話左比佢ig d 男仔聽，佢已經有鍾意既人。
第二朝一早佢就send左張相比我。
芷純：「今日d老師問我做咩玩到咁激有咖喱雞係條頸到:D 。」
我：「您d皮咁幼嫩，錫兩下就紅晒@_@ 。咁咪個個同學都見到囉？」
芷純：「係呀，不過唔緊要，我覺我好sweet，愛的印記^3^ 。我第一次比人整架咋。」
我：「點解您同您ex住埋一齊咁耐您好似咩都冇試過咁既。高潮又未試過，咖哩雞又冇整過火。:D 」
芷純：「個個好似你咁淫咩。見d女第一次就咩都做晒#fire# 。諗起都想喊:~( 。」
我：「我而家好乖架啦#adore# 。」
芷純：「我驚您有日覺得我煩咋:-( 。成日痴住您。」
我：「痴多幾個月您就悶架啦:D 。」
芷純：「睇下點[photo] 。」
雖然同佢一齊既日子好短，但係佢已經令到我忘記晒呢六年所有既唔開心。浮沉左咁耐，我諗－我找到了。
https://www.youtube.com/watch?v=75XDyP8LLrM
連同昨天所輸的 一起找到了
哭泣夠了 我以後要笑
這一個是我的 碰上即刻知道 不必揭曉
連最想得到的 我都找到了
穿梭人潮 引誘幾多 不再動搖
從未在這樣確定 一伸手抱你已經 抱到最實了
其實大部份毒撚都有個共通點，就係msg會秒回人。我都係一樣。就算我同佢唔見既日子，差唔多2－3分鐘就會發一條msg，乜都傾，傾足全日。而佢亦都好配合我。可能因為咁，令到我好安心。
我地平時差唔多咩戲都會睇，連球王比利呢d無聊戲我地都會入場睇。開心既日子總係過得特別快。話咁快已經十月。我同佢差唔多係埋左一齊一個月。
有一晚我地訓左係床到睇電視，佢冇啦啦拎左我個電話。本身我將佢個contact save左做芷純，佢將佢個名改左做老婆。我見到之後笑左一下，拎返佢個電話出黎改返我個名做老公。其實佢個電話從來都唔會save人contact，除左佢屋企人同我之外。呢種對我身份既肯定令我覺得好有安全感。
冇幾耐佢個電話冇啦啦響。
「喂？
唔得閒。
以後都唔會得閒。」
之後佢就收左對方線。
我：「咩人黎？咁惡既#oh# 。」
芷純：「無聊人，約我出街。」
我：「成日都有人約你架:-( ？」
芷純：「傻佬，我唔會理呢d人，任何人搵我我都會reject。因為我個心放唔落第二個人;-) 。」
做左rubbish咁耐，都深知道靚女，係香港有無限既market，身邊總會有無數既狂風浪蝶。有好多野，根本唔到你自己控制。所以有個肯為你拒絕所有男人既女仔，係一件好幸運既事。
而家d中學生真係幾辛苦，連星期日都要跟埋學校去城市論壇。我呢d無聊人就梗係跟埋佢去啦。做左廿幾年人，係電視就睇得多，親身去都係第一次。我跟住佢入場。我同d廢老坐埋一邊，佢就同學校一齊坐。有鍾意既人一齊，就算做d幾無聊既野都會變得有趣。
散場之後我特登行遠d廢事比佢d同學見到。無幾耐佢就打左比我。
芷純：「你係邊丫^3^ 。」
我：「我係天后果邊丫。您仲唔過黎既。」
芷純：「我要打發我d 同學走先丫，佢地死都話要跟埋黎睇下您:D 。」
我：「咁唔好比佢地見到呀，一陣比佢地見到有個咁柒既男朋友實笑死您#ng# 。」
芷純：「唔係喎，佢地岩岩話見到您，覺得您好靚仔:D 。」
呢種神神秘秘拍拖既感覺，令我諗返起中學既時侯。雖然我中學冇拍過拖，但係就見到身邊既同學拍拖都會係咁，又怕比人知道，但係心裡面又覺得好甜。細個總係好羨慕佢地。曾經以為呢一世都唔會再有機會體會到呢種感覺。估唔到差唔多三十歲人，仲可以體會到同學生妹拍拖既果份甜密。
係，係初戀既感覺。呢種先係初戀既感覺。唔係一d可以比幾百蚊，幾千蚊買返黎既感覺。
十月既開始，姐係代表我地會見得少左。因為個個星期六佢就要開始上佢既空姐course。雖然佢係觀塘上，好近佢屋企。不過我地為左可以見多d，佢星期五晚都一樣會過黎訓。每個星期六既朝早8點幾，我就會車佢去上堂。而我就會坐係架車到等佢三個鐘，等到佢落堂為止。
果三個鐘有咩做？其實都係坐係到訓下覺，睇下書。始終來回都冇左個幾鐘，廢事返屋企等啦。你問我辛唔辛苦，答你唔辛苦就係假既。一個打工仔，最舒服既就係星期六可以訓到自然醒，一早起身其實真係幾辛苦架。不過如果辛苦一陣可以換黎同佢星期五一齊訓既又有咩所謂。雖然佢有講過話佢可以自己係我屋企返，不過我都係唔放心，我點都要車佢。
十月中就係佢既生日。我真係已經唔撚記得我對上一次幫人慶足生日係幾時。於是我搵返同佢既對話，佢曾經講過好鐘意一個chanel 舊款既銀包。
比著以前，我一定會屌鳩d靚妹用乜春chanel，根本都唔夾。不過其實講真，有咩女係唔鍾意chanel？就算一個幾慳家既女仔都一樣會鍾意，只係差在佢會用咩方法買咁解。就好似咩男人都會鍾意超跑一樣。
而我知佢一直都冇銀包用，次次見佢都係就咁拎住張八達通。所以我就決定買呢個銀包比佢。不過呢個銀包係舊款，搵極都搵唔到，而且又唔算好貴，我覺得好似唔係好夠份量咁。
於是果日車左佢去上堂之後，我就去左chanel既專門店到問。其實我成世人都未入過呢d地方。一入門口已經幾條八婆係到跟撚實我，搞到我呢d毒撚周身唔自在，比我自己睇下野唔得架咩屌你。
我比左張相個sales 睇。
sales：「呢個款好舊架啦，或者你睇下d新款丫，d新款都好靚架。」
講真，呢d野我邊q到識，個sales 拎左幾個銀包出黎，我都唔識分邊d 靚邊d唔靚。我剩係知道要買最好果個比佢。
我：「我女朋友鍾意粉紅色，邊隻係最新最貴？」
個sales 拎左出個粉紅色既銀包出黎：「呢個啦，呢個粉紅色好靚，8800＄。」
其實果時我已經坐到好唔自在，比成場人望住我，我決定睇岩就買：「就要呢個啦。」
終於都完成任務，於是我即刻拎返屋企收好佢，再渣返車出去扮都冇行開過咁樣。
佢放學之後我就同左佢去拎蛋糕。始終蛋糕呢d野好難收得埋。因為佢之前講過好鍾意一個玫瑰花既蛋糕。
要過一個完美既生日，去靚既地方食晚飯呢個環節係最重要。
諗返起以前同我ex既日子，我從來都冇好好去為人準備生日，一來可能當時我地大家都係外國讀書，二黎又冇乜錢，都係好簡單咁過。我ex都同芷純一樣，將佢地既18歲生日交左比我。
我曾經都試過18歲，好清楚18歲既生日，對一個年青人有幾咁重要。仲記得果時我都係自己一個人過。所以我好想比一個完美既18歲生日芷純。
要數全港數一數二靚景既餐廳。ICC 101果幾間絕對有份。最後我地去左食日本野。不過叫得太多野食，搞到蛋糕都食唔落。最後我地拎左返屋企。兩小口，坐係廳到切蛋糕吹蠟燭。
我：「您合埋眼丫:D 。」
芷純：「點解既:O ？」
我：「合埋先啦:D 。」我熄左燈拎左盒禮物出黎比佢。
見到佢感動到想喊咁既樣，所有野都值得既。
可以令到自己鍾意既人開心，比起屌到任何ig 女神，任何靚女都更有滿足感。
返左屋企之後佢send 左個msg比我
「bb:D
今個生日好多謝您為我準備既一切#love#
全部野你都好花心機去plan 同比suprise我:-(
你話你係第一次去做呢d野:-(
我真係好開心同難忘，又特登去買銀包比我，
仲要買咁貴:-[ 激死我:-[
:~( 以後唔好再買呢d咁貴既野比我啦，好晒錢架:-(
不過我真係好suprise，你個傻佬仲要熄埋燈叫我合埋眼:D
兩個月前未一齊果時你答應過話生日帶我食好野你仲記得:-(
同埋我地已經係埋一齊一個月啦，可能你會話一個月咁少都好講:D
希望以後既生日都係您陪我過:D 。我我睇左你張卡啦，雖然得幾隻字:D
不過對我有好大既意義。I love you forever，唔好唔要我，
你對我好重要架:~( 」
一生一世，或者只係一句膚淺既對白。
仲記得一個人既時侯，成日都會係屋企望住個天空。因為我好鍾意藍天白雲既天空，我覺得好靚，特別係我好鍾意藍色既野。不過一個人，就算幾好天都好，對我都冇咩用。再好天，都冇人會陪我出去唔同既地方享受呢片天空。
又到左星期六，果日既天氣真係好好，成個天都好藍。佢落堂之後我同佢去左赤柱到行街。拖住佢，係海邊慢步，望住咁靚既天空，d海風吹到埋黎真係好舒服。
行下行下，行到赤柱廣場果到，我地見到有個許願板，好多人寫左好多卡掛左係到。
芷純：「b我地都寫囉:P 。」
於是我地就去左reception拎左兩張卡黎寫。
芷純：「你行埋一邊寫，你唔準偷睇我寫咩架:D 。」
講真，我都唔知寫咩好。我拎住張卡周圍行，睇下d人寫d咩。見到黎黎去去都係話咩我愛你呀，一生一世果d鳩野。都冇咩特別既。我想寫一d特別d既野。
拎住張卡，望住個天。寫咩好呢？
今日真係好好天呀，不過我開心唔係因為好天。我諗我知道要寫咩。
「Beautiful Sunny Day in Stanley。But you are the sunshine that makes my day。Love you。」
再好既天，冇左佢根本唔會有意思。
https://soundcloud.com/ptgf-rubbish/bggigsmu8xpu
「晴天 陰天 雨天
你在何地 代表我天氣」
我：「寫完未呀，搞咁耐既#oh# 。」
佢即刻好驚咁摭住張卡：「唔準睇唔準睇。你去行陣先啦:-[ ，未得呀。」
我拎住我張卡掛左係個許願板到。
芷純：「我搞掂啦:D 。你果張呢:O 。」
我：「掛住左係到囉:D 。您果張係邊？:O 」
芷純：「我掛左啦，您自己搵下啦:D :D 。」
我：「幾千張卡係到點搵呀:-[ 。 」
芷純：「搵唔到就唔好睇:D 。我睇下你果張先。」
左摷右摷終於比我到佢張卡。
「Hope we will be together forever，I love you forever。希望下次我地可以係韓國最高既地方掛呢個願望#love# 。」
熱戀中既情侶，總係會許下一個又一個唔知做唔做到既承諾。其實一切只係當時比愛情沖昏頭腦講出黎既說話。
我其實一直都刻意唔講一生一世，因為我知道人會變，呢個世界冇咩可以保證。我可以保證既，就係盡所有努力去好好對佢。
佢睇完張卡好開心咁走過黎攬住我錫：「又真係幾特別喎寫得，同其他人好唔同:D 。」
有時氹人，唔需要講d好做作既野，一句簡單直接既句子，都可以令人好開心。
個個星期六一早就要起身，我地兩個都好攰。有時咩都唔做就會返屋企訓覺。有晚我半夜起左身，見到佢係到玩緊電話。
我：「做咩唔訓丫:-( 。 」
芷純：「訓唔著丫麻，你訓先啦。」
我：「快d訓啦，唔好玩啦xx( 。 」
芷純：「咁訓唔著玩下有咩問題姐xx( 。」
我見佢好似嬲左咁，之後我轉身繼續訓返。
其實我一路都好憎人做空姐，所以我成日都會借d意係佢面前屌鳩d空姐。
我：「你睇下果d死飛雞呀，有撚用咩，廢物黎，全部讀唔撚成書，想去釣金龜先去做架姐[369] 。 」
平時多數佢都唔會出聲。不過有一次佢終於都忍唔住。
芷純：「點解你咁固執架姐？有空姐做雞唔代表全部都係做雞架。」
我：「我係要覺得佢地係雞咁又點？總之佢地係我眼中全部都係雞黎。 」
芷純：「我都廢事同你講。」
我：「我都唔知點解你要讀埋呢d廢物course，做空姐都要讀course，真係on99。個個星期六都冇左半日啦。你開心啦。 」
芷純：「讀呢個course係我識你之前報架:-( 如果我識你在先，我一定唔會讀。我知你好唔鍾意我讀。但我點知你會唔會有一日唔要我:-( 。我唔知點解你呢幾日係咁話我，我覺得你開始唔鍾意我:-( 。」
我：「唔鍾意你我就唔會為左你d事唔開心啦。係您唔理我感受咋。 」
芷純：「我以後唔會煩你，我唔想你同唔鍾意既人一齊，唔想你覺得我煩。 」
我：「如果做左咁多野都叫唔鍾意您既話我冇野好講。 」
芷純：「一齊一個月你就係咁話我:-( 。我真係咁差咩。 」
我：「我都唔明要唔要您同您讀空姐有咩關係。 」
芷純：「我而家唔讀唔代表第二時一定要做架。我而家唔讀第時你同我分手咁點算。我咩都唔叻都唔知可以做咩。 」
我：「香港地大把野可以做，唔一定要做空姐架。 」
芷純：「我而家想完成埋個course姐，我promise你如果以後你仲同我一齊，我一定唔會做空姐。 」
我：「是但啦，我都改變唔到您d咩。 」
芷純：「如果你話再讀就要分手既話我一定會唔讀，我會為左你放棄一切。 」
我：「我係好想你唔讀，不過我唔會因為你再讀就話要分手囉。 」
芷純：「點都好啦，我仲係咁愛您，直至你講你唔再鍾意我，雖然我知呢日好快到:-( 。 」
所有既愛情，一開始都係咁單純。兩個人經過相處，磨擦，角力令到原本好單純既愛情出現左好多雜質。
而呢d雜質會一路長留係我地既感情入面，日積月累。無論你倒幾多清水入去，呢d雜質都唔會清得走。