簡介
一名中四嘅平凡學生，香港被不明病毒佔領，應該點樣生存落去，佢唔會好似遊戲咁，一死就係死，身邊嘅人可能會係下1秒就死，佢哋冇槍，冇主角光環，唔可以課VIP ,佢要用各種方式生存落去，之後究竟會係點？
沉屍
| 作者 | 哪怕妳說我天真 |
|---|---|
| 類型 | 喪屍 |
| 狀態 | 未完結 |
| 更新日期 | 31-08-2017 18:38 |
| 文章字數 | 873 |
| 點擊次數 | 784 |
沉屍 第一章 第一節
地獄已經嚟咗一個月，我叫陳家希，我已經唔清楚我同佢哋一樣定仲係人類，我應該點做？紫瑤，我好掛住你，你喺邊..........
我係陳家希，一個平凡嘅中四學生，仲識跳開心舞。我同大部份中學生都一樣，依家期待緊暑假嘅來臨。今日係6月29日,我為咗下個月嘅零用錢，所以就同阿爸阿媽去咗香港仔嘅家族聚餐。
其實家族聚餐得一張枱仲有姑媽，嫲嫲，堂妹。餐飯真係好無聊，所以我咪左望望右望望,之後掃左去樓下望，跟住嘅嘢真係匪夷所思；「嘩大佬唔係拍緊戲啊！」樓下香港仔中心有一堆成身血嘅人喺度追緊人同食人,隔住玻璃都隱約聽到慘叫聲。唔係真嘅應該唔係真嘅，老豆見我面都青晒就問我：「你成個人呆曬，係咪諗緊點同啲阿婆爭關愛座，哈哈哈」其實真係唔好笑，所以我就無理佢，眼前嘅嘢真好衝擊，我即刻拎起電話報警，今鋪真係好大件事，係好大件事；緊急報案中心竟然忙線，究竟係有幾多人報警先會咁。一波未平一波又起，酒樓電視突然轉左緊急新聞：「6月29日香港特別行政區爆發不明傳染病，感染者首先會進入假死狀態，其後極具攻擊性，由唾液傳播，香港政府，世界衛生組織，聯合國各方面都開緊緊急會議，嚴正呼籲市民留喺室內，切勿外出，政府稍後會公布撤離地點，中國政府已經宣佈出動解放軍,請留意進一步消息，特別新聞完畢。」
我老豆一句：「哇，香港真係爆出生化危機」
我依家一片空白，我真係好驚。突然好多玻璃碎咗嘅聲；同埋好多慘叫聲，將我拉返現實，我乜都未搞清楚，老豆就拉走左我，佢好認真咁對住我講：「希仔，而家發白日夢會死，我哋而家避一避先，你都聽到新聞架。」然後佢就拉咗我同阿媽去咗走火通道，之後用掃把卡住門，所以應該暫時安全；即刻鬆一口氣，原來堂妹都跟咗過嚟。我係門既玻璃望返入去，哇，入邊啲人變晒喪屍，真係好彩老豆應急到，而家得返我地四個人，下一步應該點做？
我係陳家希，一個平凡嘅中四學生，仲識跳開心舞。我同大部份中學生都一樣，依家期待緊暑假嘅來臨。今日係6月29日,我為咗下個月嘅零用錢，所以就同阿爸阿媽去咗香港仔嘅家族聚餐。
其實家族聚餐得一張枱仲有姑媽，嫲嫲，堂妹。餐飯真係好無聊，所以我咪左望望右望望,之後掃左去樓下望，跟住嘅嘢真係匪夷所思；「嘩大佬唔係拍緊戲啊！」樓下香港仔中心有一堆成身血嘅人喺度追緊人同食人,隔住玻璃都隱約聽到慘叫聲。唔係真嘅應該唔係真嘅，老豆見我面都青晒就問我：「你成個人呆曬，係咪諗緊點同啲阿婆爭關愛座，哈哈哈」其實真係唔好笑，所以我就無理佢，眼前嘅嘢真好衝擊，我即刻拎起電話報警，今鋪真係好大件事，係好大件事；緊急報案中心竟然忙線，究竟係有幾多人報警先會咁。一波未平一波又起，酒樓電視突然轉左緊急新聞：「6月29日香港特別行政區爆發不明傳染病，感染者首先會進入假死狀態，其後極具攻擊性，由唾液傳播，香港政府，世界衛生組織，聯合國各方面都開緊緊急會議，嚴正呼籲市民留喺室內，切勿外出，政府稍後會公布撤離地點，中國政府已經宣佈出動解放軍,請留意進一步消息，特別新聞完畢。」
我老豆一句：「哇，香港真係爆出生化危機」
我依家一片空白，我真係好驚。突然好多玻璃碎咗嘅聲；同埋好多慘叫聲，將我拉返現實，我乜都未搞清楚，老豆就拉走左我，佢好認真咁對住我講：「希仔，而家發白日夢會死，我哋而家避一避先，你都聽到新聞架。」然後佢就拉咗我同阿媽去咗走火通道，之後用掃把卡住門，所以應該暫時安全；即刻鬆一口氣，原來堂妹都跟咗過嚟。我係門既玻璃望返入去，哇，入邊啲人變晒喪屍，真係好彩老豆應急到，而家得返我地四個人，下一步應該點做？