你想•理想•現實: 2- 編班試⋯⋯開學

返到課室之後，老師就開始派發編班試試題，我一如既往咁做左D識做既試題，然後就攤左係檯面到訓教，一心都係混混沌沌咁過中學果六年，因為升中派位都派左自己去間band 3既中學。

9月1日。我抱著一個輕鬆既心情踏入呢間新既地方，走左去塊壁報版到搵自己個名，搵左一陣終於搵到自己個名，跟著就望一望自己入左咩班，一睇就見到自己入左1A班，心諗：唔係啊嘛，感都入到A班？跟著就睇下邊兩位老師做班主任，原來係一位男啊Sir同一位女Miss，心諗要對三年，最好有個靚女做自己既班主任。

跟著我就搵下自己班房係邊，搵左一陣就搵到，時間仲早，入到班房只有幾個人，我就自己搵左個坐牆邊既檯坐低左，因為自己讀果間小學只有我一個人讀呢間中學，又唔係太主動去認識新同學，所以就有D自閉感，放低左個書包就坐係自己個位訓教。