我女神係降魔師: 卷2 自願?非自願?

鏡頭一轉，Neo-ICU內，Dr洪正為已初步判定腦幹死亡的病人做第二次確認

 

"兩邊瞳孔對光線冇反應，腦波冇振動頻率顯示，完全依靠儀器維持心跳同呼吸……………..Abe…”Dr洪、轉向身旁的ICU護士，邊在病人牌板上書寫邊作指示

 
“幫我通知病人家屬，約佢地五分鐘後到Meeting Room見我，另外病人之前在網上登記左器官捐贈，通知埋器官捐贈组同事出席，同家屬講解下情況，等佢地幫病人處理，當係完成埋病人最後意願……”

“係，Dr洪”




 
“咁我返OFFICE準備下，牌板我攞走….”

~醫生，我未死㗎…..救我呀!!……..醫生!!...........~
 
行出房門之際，一把微弱男聲在Dr洪耳邊響起

~醫生………..唔好揼低我…………我仲有呼吸心跳，我唔想死住呀!!~
 
“好似聽到有人嗌救命咁嘅….”Dr洪停低腳步細聽同時，聲音卻静止了




 
“唔通我唔夠瞓聽錯?!....”Dr洪搖了搖頭，疑惑地再步往醫生辦公室…….
 
~醫生，妳冇聽錯，係我叫妳…..唔好走，唔好走呀………醫生!!.........~

儘管那聲音如何呼喚，Dr洪再沒停步回頭…………

 






“咦!?個身輕飄飄嘅，我係咪死左呢?呢度係…?” 再次有番意識，我好似去左仙境咁嘅地方，感覺虚無飄渺咁好唔習慣……..
 

“凌思俊……..呢邊呀!!”有把聲傳入我意識之中叫我去佢度，但第一個難題出現嘞，成身飄下飄下冇實體，點郁呢?


“你諗住要過黎就可以㗎喇” 把聲好似知我諗咩咁即時俾答案，好!!即管試下


“呀!!~~”唔諗猶自可，一諗就好高速咁俾一種力量拉到一個地方
 

“原本應該係你用意念過黎，但怕你未清楚方向唔知飄去邊，於是今次破例拉你過黎，下次你就要自己過黎喇……..”






“我想知我係咪死左?呢度係咩地方，我黎呢度做咩?如果未死我又可唔可以返去?幾時可以返去?我…..”


“我唔理你問幾多野都好，我只係知道頭先你啓發左第一次靈動，我就有責任引導你練靈，為你在塵世注定嘅使命做好準備，我咁講算唔算答左你問题呢?你仲有三個鐘就要返去，冇時間喇，首先照我意念去練…………..”


如是者，我意識裡面接收左好多有關靈界嘅過往，現況，層次，靈力運用，當中我知我會返去之後遇到接頭人，協助佢守護靈界……


“而家基本功你已經識，跟住就係從實踐中提升，你係時候返去，第一個考驗已經出現，你好自為之啦!!”


於是我意念一動，就係咁……..