一次意外，我的人生可以重新來過？: 第一百四十二章 【尾聲．完】

第一百四十二章  【尾聲．完】  芷悠視角
 
「你呢度呢要用呢個野整D芝士…仲有呢要…..」姨姨正努力的在教導著我。
 
「哎喲！」我笨手笨腳的把手指給夾到了。
 
「小心D啦傻妹，你已經唔知第幾次整到自己啦。」姨姨苦笑地說。「一睇你整野既手勢，就知你連基本入廚的經驗都無，究竟係咩人會令你咁有決心去做嫁？」
 
我望著眼前的蛋糕雛型，不禁搖換頭。
 


「我同佢一開始識個陣，佢已經比我一個好唔同既感覺。」我開始流下淚來。「同佢相識，係一個平平無奇的原因，因為佢係我中學同學。」
 
「唔知點解由識既個一日開始，我地已經好巧合咁坐埋一齊，每日番學放學都一齊，有時候會為左個包搶一餐，佢又成日整估我恰我，但每一次我有事，第一個係前面保護我叫我唔洗怕既都係佢。」
 
「我話我唔識做數學，佢拉我去M記同我補習。我話我唔開心，佢就唔知點解會知我鐘意綠茶野仲即刻變到出黎比我。我話我難受，佢會話比我知佢幾時都係我身邊，支持我，陪住我，撐我。」
 
「我記得五年前個一日，我終於忍唔住想同佢表白，想話比佢知其實我都鐘意左佢，想同佢一齊，但點會諗到人來人往的淘大都會有車失控，仲會搞到我失左憶，記得全世界，但就唔記得佢？」
 
「到有另一個男仔黎到我身邊，失左憶既我同左佢一齊。佢即刻變左第二個人，但唔知點解佢都係我身邊，之後歌唱比賽，幫我睇清Jerry真面目，睇星星，表白，一切一切都好浪漫，我終於可以同佢係埋一齊，我地講過我地會愛對方一世，因為我地真係好難先可以係埋一齊。」我已經開始崩潰了。
 


「但唔知點解命運係要玩我地，我地好難得先係埋到一齊，但我父母又要我離開呢個出生地去外國，仲要我為左錢同一個唔識既人結婚。我唔想，但Daddy又有病，無得唔要個D錢，無錢佢就會死….」我頓了頓。「最後我唔想佢等我，我唔想佢知道我有幾苦，所以我拎有新男友放棄左佢，自己一個去英國，但家人居然要我同一個男仔由假結婚一個月到原來結一世。佢地根本由始至終都呃緊我！」

「我好想好似其他人咁，Daddy同Mammy會好錫我，但佢地從來只係想我做佢地眼中設計好既我，唔會聽我想點，一直都要我跟佢地做，連我既前途，我既愛情都要我聽佢地話。」
 
「我好辛苦，好唔開心，過到去英國我先知道我失去左小彥我根本活唔到落去，去到每個地方我都見到佢，每一個人都好似佢，就連在英國有幾次有個人既體味好似呀彥我就好似痴漢咁根住係後面，我真係好掛住佢，好唔想無左佢。」
 
「今日我放棄左所有野番番黎，我知我好自私，我知對佢好唔公平。」我說。「但我已經無左所有野，我既人生由頭到尾都唔係我既，我唔想連今次我都唔爭取，因為我真係好鐘意佢呀…..」
 
「好啦好啦，乖啦，呀姨支持你，我地一齊整好佢啦。」姨姨肯定的望著我。「加油呀，我點都會支持你嫁。」
 


這一天下午，我把所有情感都發洩了出來，不知多少眼淚流到蛋糕當中，但我希望這個『希望蛋糕』能讓我把所有失去都都換回來。
 
「成功啦，整得唔錯呀。」姨姨把蛋糕拿出來。「你對自己有點信心啦，我相信佢食完個蛋糕會感受到你既內心既。」
 
「多謝你呀姨。」我由衷地感謝著。
 
「唔好客氣啦，蛋糕即食先好味嫁，你快點拿回家啦，之後比你既心意佢，同埋話比佢知你所有既心底話啦。」姨姨頓了一頓。「你要相信呢個世界係有光明有奇蹟嫁！」
 
「嗯！」我笑著對姨姨點頭。「多謝你呀真係…我要比番幾多錢你呀？」
 
「唔洗啦，見到你咁我都好想你搵得番佢呀。」姨姨裝出一伴fighting的手勢。「加油呀！」
 
「嗯！」
 
我離開蛋糕店，看到天上的天色已從白色變成蛋黃色，原來已經日落西山了。我深呼吸，奮力的向著Jerry家方向前跑著。但願我所有的都能把小彥換回來。


 
我相信，我們之間一定還有一條看不見的紅線把我們的腳縛在一起。