一次意外，我的人生可以重新來過？: 第一百二十八章

第一百二十八章
 
我和Gloria拖著疲憊的身體回到香港，望一望手上的錶，原來已經八時多年。在世界之窗玩了一整天，看到這個小妮子瘋狂的全情投入只屬於我倆的每一分鐘，我感到有一絲被愛的感覺。
 
突然聽到身旁傳來了『咕』一聲。
 
「肚餓啦係咪呀？玩到癲哂，今朝又只係食左個早餐….」我摸了摸Gloria的頭。「去邊度食飯好呀我多？」
 
「跟住我黎啦。」Gloria提起精神，牽著我的手走過大街小巷。
 


我望著眼前這個女孩，把心入面的感情都掩飾得如此深，究竟她愛我深到何等程度？
 
不消一會兒，她便在一間名為「菩提林素食」的店前停下。
 
「到啦。」她把我拉進店子裡。
 
這間店是一間專吃素食的店舖，首先映入眼簾的是紅紅黃黃的酸齋，然後其獨有的味道有湧進我的鼻子裡，還有大大少少各種不同的素雞素鴨停在櫥窗前，令人目不暇給。
 
「點解我地黎呢度食野既？」我不解地問。「今日唔係兒童節咩？」
 


「係世界之窗咪過左囉，家陣彿誕啦。」Gloria望著餐牌說。
 
「咁快就完兒童節？你會唔會渣留攤左小小呀？」
 
「陪你個大少玩到身水身汗，仲要一早整兒童餐比你食，仲敢話我渣留攤？」Gloria裝出憤怒的樣子。「你會唔會大貪左少少呀。」
 
「明明就係我陪你玩多，仲要話係你陪我玩。」我一臉無奈的說。「仲有，兒童節過左唔係清明咩？邊有咁快彿誕呀？」
 
「陳文彥，你係咪傻嫁？連清明都想過呀你？恨食元寶蠟燭都唔係咁呀嘛？」Gloria搖搖頭，沒有氣力再理會我的繼續望著眼前的餐牌。



「咦，你又有D道理喎。」我好像看到了自己剛剛問了一個不該問的問題。
 
「點呀食咩呀你想？」我望著把餐牌翻來又翻去的Gloria說。
 
「我好似見唔到有野岩你食。」Gloria自言自語。
 
「點會咁大間野都無野我岩食呀？你又知我想食咩呀？」
 
「唔係元寶蠟燭咩？」Gloria白了我一眼。
 
「……………」我舉高雙手投降。
 
一輸爭吵後，桌上放滿了一碟又一碟的食物。
 
「呢個呢就係玉米粥，羅漢齋炒麵，炒飯啦，香薰鴨，酸齋啦，仲有你最鐘意既齋雞。」Gloria滿足地說。「好啦我地開動啦。」


 
我望著眼前的食物，一臉惶恐。
 
「你做咩咁既樣呀？」Gloria問。
 
「你覺得我地食得哂？」我說。
 
「食唔哂你都要食哂佢！我為左你預備左咁多，唔道你唔鐘意我預備既野？」Gloria可憐巴巴的望住我說。「呀彥……」
 
「得啦，我投降。」我無奈地說。「你次次都咁既野望住我我好難唔投降。」
 
「Yeah！食飯啦！」Gloria快速的把一口齋雞放進口裡。「好味呀！」
 
「傻婆。」我笑著說。「慢慢食啦，食咁快小心咬到呀。」
 


「你叫我咩話？」Gloria問。
 
「下？」
 
「你頭先…. 叫我咩話？」
 
「um….. 無呀。」我別過頭來，想到自己剛說了什麼。
 
「你可唔可以叫多我一次？」Gloria哀求著。「一次咁多呀。」
 
「唔洗一次，係我以後都會咁叫你，好唔好？」我笑著望Gloria。「我岩岩叫你傻婆呀，傻婆呀！你聽唔聽到呀？」
 
「嘻嘻….」
 
本來主張四大皆空，去酒色財氣的素館，竟傳來一絲絲幸福的甜味，教人樂而望返，教人心醉，也教我把該放下之事放下得更快。


 
「嘻嘻…呀彥叫我傻婆…..」
 
我望著這個自我陶醉中的小妮子，不禁喜在心頭。