一次意外，我的人生可以重新來過？: 第一百二十四章

第一百一十四章
 
我站在山上，遙遙望向芷悠的家，燈關了，一切也已終止了，但為何我還會出現在這個地方？
 
心很痛很難受，想起當天芷悠那熟悉的幸福眼神，那帶給我溫暖的手握著他人，我心就如給烙印一樣令痛楚揮之不去。
 
我跌坐在地上，把頭埋在自己的腿裡，希望給自己留下一個小小的空間，讓自己沉醉在回憶和傷痛之中。
 
「小彥？你做咩坐左係度呀？」遠處傳來由遠至近的腳步聲，相信是Gloria看到我跌坐在地上跑過來安慰我。「你唔好嚇我呀，小彥。」
 


「發生咩事呀小彥？嗚…唔好嚇我….」看到Gloria真的很著緊我，我這個模樣也能夠把她嚇得哭了。
 
「我沒事。」我輕輕的抬起頭來報以一笑。但月色的照射下卻把我的淚痕顯得一清二楚。
 
「做咩喊呀你？話比我知呀。」Gloria也坐在我面前，一臉緊張的抓緊我的手。
 
我望著Gloria的眼神，我知道這小妮子是打從心裡著緊我，我揮一揮手，然後把她一擁入懷。
 
「我無事，多謝你陪住我呀Gloria…」我伏在她肩膊上哭著說。「但我頂唔順啦，由其係你帶左我黎呢度….」
 


「我本來知道你為左我做好多野唔想自己唔開心破壞你既心意，但我真係忍唔住…..」我把Gloria擁得更緊了。「呢度係Gloria的屋企附近，我好似無論去到酒都聞到佢既味道….」
 
「當我知你帶我搭16號巴士的時候，我已經心裡充滿不安，但我都係好努力咁忍住，就係唔想比你見到我唔開心既樣。但黎到呢度，望住佢既屋企，佢附近我地經歷過既大大小小，我真係頂唔順啦…. 點解每個地方都好似見到佢，每一啖氣都有佢既氣味嫁？」
 
Gloria不發一言，用手輕輕的掃著我的背，讓我把心中所有不安都吐出來。
「我知道，我知道佢走左嫁啦，雖然原因我唔肯定得哂，但佢已經唔要我嫁啦…嗚…..」我接近崩潰了。「我呢幾日好努力同自己講我會振作，我見到你為我準備既我好開心，但對唔住…. 係呢度我真係頂唔到….」
 
「對唔住呀小彥…. 我唔係有心嫁….」Gloria也哭了。「我唔知道呢度會帶比你咁多難受的回憶，如果我一早知我唔會帶你黎呢度嫁…對唔住呀….」
 
我倆各自為著自己心裡的矛盾和內咎，相擁著，大哭著，但怎樣也好像哭不夠一樣。


 
哭聲在了無人煙的球場中漫延著，沒有人阻止我們的哭聲，我們也不需要再去扮作沒事，在月光的見證下我們把所有的淚都流得一乾二淨。
 
最後，淚也會有哭完的一日，自己心情也好像好點了。
 
「你有無聽過一首歌？啊…. 你應該無聽過。」我說。「好好分開應要淡忘..你找到你伴侶..重臨舊情境…我卻哭得出眼淚….. 」
 
「係咪好似家陣既我咁呀？」我笑著說。
 
「白痴！唔準再喊啦，我黎係帶比你開心嫁，過黎啦我有野要比你睇。」Gloria站了起來，拉著我的手領我到球場中圈位置，我才發現有一個小箱子。
 
「咩黎嫁？」我好奇地問。
 
「新年點可能會無煙花嫁？拿住啦！係我叫浩文哥哥幫我買嫁，嘻嘻。」只見Gloria拿出煙花棒，然後就輕輕出現了煙火。
 


我活了這麼久還是第一次看到了這個玩意。
 
「多謝你呀Gloria，多謝你為我做既一切，我好感激呢幾日都留係我身邊。」我感動地說。
 
「咩呢幾日呀，放心啦你，我會一直賴死唔走嫁。」Gloria笑著說。「就算個天跌落黎，就算全世界都唔再理你，就算芷悠姐姐走埋….」
 
「我…林詠詩都應承你，無論發生咩事我都會留係你身邊，比支持你，撐住你走過一段又一段的難關。」

「可能你會問我點解，問我咩原因，點解我身為朋友會為左你做咁多事。」Gloria說。「你唔累嫁咩？洗唔洗去到咁盡？」
 
「我家陣話比你聽，我真係唔累，真係每一秒都好開心好幸福，因為我陪住既，付出既係你。」
 
「我笑，我喊，我難受，都因為你，陳文彥。」
 
「我唔知道自己應唔應該家陣話比你知。但我知道我家陣已經儲夠勇氣同你講。」


 
「無論等幾耐，我都會陪住你，等你忘記芷悠姐姐，然後再接受我。」Gloria流出一行眼淚來。

「係呀，小彥。你眼前既呢個傻妹，你一直當妹妹既白痴妹，林詠詩我….」Gloria苦笑著。
 
「我鐘意你，我好鐘意好鐘意你。」
 
「由我第一日睇你踢波，到到幫你同芷悠姐姐講清楚Jerry係衰人，到到幫你推牌board出黎同芷悠姐姐示愛，到到今日我繼續陪住你，都只得一個原因。」
 
「因為我愛你。」Gloria堅定地說。
 
沿途幾多障礙  埋頭撞向未來  
閉上呼吸跟你墮進深海
歷劫都不能離開  人生有太多意外
攀不過斷崖  如何相愛


旁人怎麼對待  仍然撞向未來
決意今生跟你被愛淹蓋
若世界不容人  不失氣概
進或退  我們都不踐踏愛
 
因為我真的很愛你。