一次意外，我的人生可以重新來過？: 第一百一十五章

第一百一十五章
 
「你話你過黎照顧我？」我冷笑了一下。「乜呢個世界都仲會有人對我好嫁咩？」
 
「點會無！我咪係度囉！」Gloria說。「以後除左番學之外，我都會過黎陪住你，等你無咁悶嫁！You will never walk alone! 」
 
「你利物浦迷黎嫁？唔似喎。」
 
「咩叫利物浦？」Gloria滿臉疑惑。
 


「算啦你都無睇波。」我揮一揮手。「你鐘意啦，反正我都阻止唔到你。」
 
「你要振作呀小彥！你知唔知其實仲有好多人支持你嫁？無左芷悠姐姐你一定會好難受，但你一定要企番起身呀！」
 
「企番起身有咩用？為左芷悠，因為芷悠，我搵番自己，做番一個真正既我，面對自己既愛惜，感受。」我冷笑著。「但家陣佢已經唔係我身邊啦！我咁辛苦為咩？我一直堅持又為左D咩？我又做多次人做咩？明明我就已經死左嫁啦！」
 
「小彥你講咩話？點解我聽唔明既….」Gloria看來有點驚訝。
 
「你唔明乜野？唔明點解芷悠無啦啦走左？唔好講笑啦，我都唔明呀。」
 


「我唔明既唔係呢樣呀….」Gloria說。「我唔明你所講你已經死左係咩意思。」
 
糟糕了…. 不小心把這件事說出來了。
 
「啊哈哈…我話我既人生應該已經死左…. 咁解囉….. 啊哈哈哈哈。」我忙著解釋著。
 
「講大話！」
 
「我無呀…..」
 


「你真係當我第一日識你？你講大話個樣好假呀！」Gloria說。「如果你當我係好朋友既，唔該你一五一十講比我聽你講既係乜野。」
 
「否則我會選擇唔再理你。」
 
我思考了一會，決定把所有事一五一十都告訴她。
 
「嗯…. 雖然有點科幻，但咁樣就可以解釋到你屋企由SARS個時既變化同埋點解你好似一直咩都識既原因了。」Gloria摸著下巴說。「原來你既存在就是bug。」
 
「喂你咪講到我好似一個漏洞咁喎！」我哭笑不得。
 
「咁我明白點解你會咁sad，上世連朋友都做唔到，一直處事都唔順利，到到今世以為得到，又有車禍，最後終於走埋一齊，但佢家陣又唔見左，你個心一定覺得個天玩緊你，一定好難過。」
 
「我現在既心比起死更難受，無左佢就好似無左所有野一樣。」我把頭別開。「一次又一次失去自己一直爭取緊既同一樣野，但最後都係失去。你話比我知我為乜！」
 
「根本我重視既都唔會再重視我，更何況都無人會重視我呢D咁既人啦！」我一下子把所有歷在心裡的負能量都放出來了。


 
「你唔會得番你一個人嫁！你仲有好多人係你身邊支持你鼓勵你。」Gloria走過來把我擁著。「你相信我啦，無論發生咩事，我都唔會走，一直係你身邊支持你撐你嫁。」
 
「你咁做無好處嫁喎，為左我你要走黎走去，值得咩？」我問。
 
「就算為一個普通朋友，我都願意陪佢過每一個低處，更何況係你呢小彥，你…」Gloria突然不把說話說下去。
 
「我乜野？你講D唔講D既！」
 
「無野呀。」
 
「又話係好朋友，叫我唔好隱瞞你但又唔講。」
 
「唉…唔講得唔得呀？」
 


「唔得。」

「陳文彥，我…..」Gloria深呼級了一下。
 
「我……」
 
「我當你係我最好既兄弟呀！唔想你唔開心呀哈哈！」Gloria大笑著說。
 
我望著眼前這個笑得把虎牙露出來的女孩，為著一個好朋友如此付出著，心裡實在很感動。
 
我決定我也會振作起來！忘記所有傷痛，不要令眼前這個女孩所做的一切變得毫無意義。
 
加油呀，陳文彥。