一次意外，我的人生可以重新來過？: 第一百零二章

第一百零二章 

「下！你講咩呀？」我望著眼前的芷悠，聽到這句話不禁大叫。 

芷悠望著我搖搖頭，然後流下眼淚來。我把一切望在眼裡，卻不知為何充滿疑惑，不知道為何會認為身邊這個相識了多年且已經走在一起的女孩今天望來會如此陌生。 

聽著她的哭泣聲，我不禁問自己，是否一直也是在被玩弄著，無論上輩子，還是今輩子，我注定不能和她走在一起，注定和她就算有緣，也無份。 

慢慢的甚至發現，原來這個女孩一直在我身邊卻沒有把她所有的告訴我。 



戀愛不是要坦誠嗎？不是發生什麼事也要互相支持著嗎？不是發生什麼也也不能將謊言和隱瞞注入那本來純真無比的愛情中嗎？ 

但我還是搖搖頭，我相信芷悠有其苦處，把自己冷靜後便微笑著望向芷悠。 

「傻妹，發生咩事呀？慢慢話比我聽，我願意聽願意陪住你。」 

「我話我有未婚夫呀！我呃緊你呀，你做咩仲要咁講呀！」 

聽到未婚夫這三個字，心中實在絞痛著，自己最愛的女孩原來已經有未婚夫，把自己蒙在鼓裡，這不是所有人能夠接受的。 



「傻妹，我唔單止係你既男朋友，我仲係你既好知己，好朋友。係你未同我一齊之前，我地有咩唔會同大家講？我幾時無撐過你？」我再一次握著芷悠的手。「無論咩事，只要你需要我，我都願意為你付出同支持你。」 

但你又知道我心在溢著血嗎？ 

「陳文彥你係咪痴線嫁！我咁樣同你講你都仲可以同我講呢D野？」芷悠放聲大哭著。 

「我唔相信你係一個咁既人。」我直說。「而且，我見到你咁既樣，我難受我心痛仲多過因為你同我講你有未婚夫。」 

「嗚嗚嗚…..」芷悠泣不成聲了。



「還記得我跟你說過—句話嗎？」我問。「全因你是我的快樂原因嘛。」 

芷悠把頭埋在膝裡，一直的在抽泣著，然後突然她抬起頭來望著我淒美地笑著。 

但眼淚還是不受控制的流著。 

「呀彥，我情願你罵我你話比我知你憎我。」 

「但點解你會一D都唔嬲，一D都無事咁既留係我身邊陪住我？」芷悠狠狠地說。「你叫我點樣可以狠心放低你去面對一個自己從未見過既人？」 

「點解一個男仔可以為左我咁做，聽我的心聲，就算發生咩事都對我不離不棄，而身為我的父母，可以無視我既感覺，雙手將我送比一個我唔識既人？」 

「你咁講，即係前人所講既盲婚啞嫁？」 

「係。」芷悠緩緩的點著頭。 



「點解佢地要迫你去做埋呢D野？」我不解地問。 

「我雙親從來都只係想我行佢地為我安排既路，一直以來我都好努力順從住佢地，做佢地想我做既事。」芷悠說。「而且我父親以前係一個裙腳仔，一直都係嫲嫲樹陰下成長，所以佢都要求我做到好似佢對嫲嫲一樣咁愚孝。」 

「所以佢今日就要求你去做你嫲嫲以前決定既事？」 

「嗯….」芷悠扁著嘴點頭。 

「咁你諗住點？」 

「我都唔知，我最唔捨得既係你。」芷悠說。「本來我想講完之後你會一走了之留低我，我就會番去聽從佢地講去英國。」 

「但我見到你聽到之後完全無理過自己，反而繼續陪住我，我就知道，係我身邊的你，就係我既Mr. Right。」 



我望著芷悠，心中很是感動。 

「我相信，一直係我身邊既你，唔會呃我。」我笑著說。 

「多謝你，陳文彥。」芷悠緊緊的擁著我，然後吐出一句話把我轟得腦子都炸開了。 

「你話過，無論咩事都願意係我身邊係咪？」芷悠在我懷裡說。「我地私奔囉。」