一次意外，我的人生可以重新來過？: 第九十二章 【芷悠視角．一】

第九十二章 【芷悠視角．一】 

「小悠？做咩笑笑口嘴角含春咁既樣呀？」小薰問。「呢幾日見到你成日都同呀彥走得好近喎，做咩事先！」 

「邊有喎…唔好笑我啦小薰。」我笑著推了小薰一下。 

「無左Jerry之後我以為你黎好唔開心啦，始終佢咁對你。」小薰望著我。「但諗唔到有個呀彥係你身邊陪住你，見到你地日對夜對，感情慢慢咁變好，真係令人開心。」 

「下？點解會開心呀你。」我害羞極了。 



「自己個好姊妹有個好好既男仔對你喎，我點會唔開心呀。」 

「哎喲，唔好講呢D野啦，十劃都未有一劃，講黎做咩喎。」我揮揮手示意完結話題。 

「全世界都知個花花公子為左你洗心革面啦，都唔明點解你可以連佢都收伏到呀。」小薰說。 

「你都收伏左浩文啦，聽講先前佢好多女嫁！家陣咪一樣係你身邊。」 

「哎喲你個芷悠呀！明明講緊你嫁嘛….」小薰扁著嘴說。「係呢，如果小彥向你表白，你會唔會接受佢呀？」 



「我都唔知呀，我未清楚自己放低左Jerry未其實。」我若有所思地說。 

「佢對你咁喎！你仲鐘意佢？」 

「其實我唔會再同佢係埋一齊嫁啦，只係愛唔係單單一日就可以沖淡。」 

「但小彥對你咁好，你又同佢咁曖昧，唔好負左人呀你！」 

「唉，我都唔知應該點做。其實你問我鐘唔鐘意佢，我鐘意。」我緩緩地說。「但如果你要我完全忘記Jerry呢個人而去完全投入同呀彥，坦白講，我做唔到。」 



「唉…. 小彥好慘嫁咁。」小薰說。

「我知道呀…所以我都只係同佢保持呢個關系，希望佢唔好同我表白啦。」我說。 

「唉…..」 

「做咩唉聲嘆氣呀？」我問小薰。 

「無呀….」 

此時我們都到了浩文的家，今天是為了替小薰慶祝生日，身為主人家的浩文樂意的借出他家後的花園辦了一個燒烤同樂生日會給小薰。 

「到左啦你地？」浩文走出來迎接我們。 

「哇！好靚呀，個花園上面全部都係氣球呀。」小薰說。 



「當然啦，呀彥幫我手整左好耐嫁啦，最緊要你開心啫。」浩文說。 

「多謝你呀浩文。」 

「今晚玩得開心D，我已經叫人整左好多野食，希望大家係呢個生日會到玩得開開心心，比小薰一個難忘的生日！」 

「好！」呀彥也不知道在那裡走了出來。 

生日會上，大家都忘我地玩著，飲飽吃醉後大家亦傻傻的在跳著舞，看到呀彥這個男孩如小孩子邊手舞足蹈著，不知道為什麼我想起了這幾個月來發生的事。 

由翠絲事件發生後，到我記起所有，到Jerry的事及我們分手，呀彥改變了許多。 

由以往的花花公子，到到一心一意的對著我好，無微不至的照顧著我，說實話，我在他身邊找到了安全感。如果要我選擇Jerry和小彥，我相信呀彥能夠帶比我Jerry不能給我的所有，而且其他比Jerry做得更好。 



我愛這個男孩嗎？以往我可以跟自己說不，或者只是有一絲好感。如今我已經不再把這話說出。 

因為我被這個男孩感動了，也許我們曾經錯失過一段緣份，如果可以的話，我會努力嘗試忘記Jerry，把所有愛和注意力都放左小彥身上。 

「做咩唔過黎玩呀？一齊玩啦！」小彥走過來把我拉到舞池中。 

「嗯！」我笑著伸出手，被他拉到人群中。 

伏在呀彥身上我找到了安穩的感覺，但願這安穩能有一天屬於我。