一次意外，我的人生可以重新來過？: 第八十九章

第八十九章 

「喂呀彥你去邊呀，過黎呢度啦！」芷悠揮著手對我說。 

「係啦....」我慢慢的走過去。 

「快D啦，我地要影相呀。」 

「知道啦知道啦！點影呀但係？」我拿著一部沒有自相功能的相機問芷悠。 



今天是學校旅行日，我們現在位於海洋公園熊貓館前。 

班主任要求我們二人一組拍下相片及寫下遊記，所以今天我順理成章的和芷悠組成了一隊，光明正大的拍拖去。 

「傻仔仔，你唔知道可以反轉個相機咁影嫁咩？」芷悠伸長了她的手並拿著相機。「笑啦做咩苦瓜乾咁既樣呀？同我一齊唔開心咩？」 

「開心！點會唔開心呀，我恨左幾耐呀！」我幸福地笑著。「同你係埋一齊做功課真係天大的運氣呀！」 

「口花花啦你陳文彥！」芷悠用手拍了拍我的頭。「就係因為你呢把口先至會食咁多女仔呀！我先唔會上你當呀！」 



「咩口花呀？我好耐都無識過女仔啦！」我抗議。 

「唔知你啦，總之唔信你呀哼！」芷悠嘟著嘴說。「除非...除非你請我食雪糕啦！」 

「女神大人你想食咩我都買嫁啦」我深情的望著芷悠。「只要你鐘意既話。」 

「好肉麻呀你！」 

「不過我鐘意！」 



「你笑既樣真係好迷人。」我望著芷悠的樣子不禁呆了。 

「望咩呀傻佬！」芷悠紅了臉。「再唔行我唔信你嫁啦！雪糕都走數！」

「行啦行啦大人！」我欠身請芷悠走向前。 

「行啦！扮哂Gentlement!」 

芷悠的手圈著我的手走著前，我的心不禁跳動得更快。手肘傳來芷悠柔軟的觸感令我格外感到害羞。 

「喂傻仔仔，你拿住個甜筒做咩唔食呀？」芷悠扁著嘴說。「係咪因為同我食呀.....」 

「點會唔想同你食呀！」我馬上折開包裝，大口大口的吃著。 

「你睇下你呀污糟貓。」芷悠拿著紙巾幫我抹著嘴邊的雪糕。「慢慢食啦傻瓜！」 



突然有一個人為了拍照所以退後著，卻不小心的撞到了芷悠的手，把她的雪糕撞倒在地上。 

「啊...我個雪糕呀...」芷悠扁著嘴說。 

「對唔住呀！對唔住...小姐你無事嗎？」那人問道。 

看到芷悠扁著嘴看著地上雪糕的樣子，我跟那人說了句沒事便走到芷悠面前輕輕的摸著她的齊陰。 

「無事呀無事呀傻瓜，我地買過一個啦好無？」 

「唔同嫁！都唔係個杯啦！」芷悠一臉快要哭的樣子。 

「唔緊要啦，我地一起食多杯啦！你唔好唔開心啦！」 



「個杯係你請我既第一杯雪糕黎嫁，咁就無左啦！」 

「乖乖乖！最多我應承你，第二三四五六杯甚至之後都係我買比你食好唔好？」 

「真既？」芷悠抬起頭幸福地笑著。 

「真嫁！」我摸了摸她的頭。「仲唔行？比人買哂嫁啦！」 

「啊！」芷悠拖著我的手。「行啦傻佬！」 

望著拖著我手的芷悠，就算只是因為一杯雪糕的原因，也叫我樂透了半邊天。 

我辛苦的待著她身邊，終於到了就快走在一起的曖昧關系。 

回想起她剛為我抹嘴角的場面，那樣細心，那個表情都把我的心給溶掉。 



如果我每天都能夠這樣牽著你的手，那該多好？ 

幸福，我相信，已經在我身邊了。