一次意外，我的人生可以重新來過？: 第八十七章 【Gloria篇．下】

第八十七章 【Gloria篇．下】 

Jerry事件被揭發後，芷悠姐姐終於知道了這個男人的真相。 

令人意外的是她沒有在我面前大聲叫喊，反而一臉冷靜的告訴我她懂得如何處理這件事。 

她的反應令我明白她是一個如此成熟的女孩，從其言行舉止，樣貌，身材我就知道為何一個花心的男孩也可以為她放下所有，專心一意的充當其兵長。 

我恨就算我為了呀彥做了什麼，他眼中也只有芷悠。 



「就快歌唱比賽啦，你準備左咩歌參加呀？」 

有一天我看到呀彥在我家中玩電玩後，為著芷悠因為練習比賽事宜忽略他所以一臉悶悶不樂的樣子。 

「呀？唔知呀….」呀彥很是驚嚇。 

「你仲未決定用邊隻歌呀？就快比賽啦喎大哥！」 

「唉好煩惱呀最近，我真係無心機去選擇用咩歌比賽。」 



「點解呀？係咪因為芷悠姐姐呀？」 

我只把芷悠兩個字說出，呀彥就像觸了電一樣，眼睛不安的轉動著。 

「唔係呀，唔關佢事。」 

「講大話！」我不開心他對著我隱瞞自己的感情。 

「唉，Gloria，你唔明嫁啦。」 



「你講比我知點解啦，我係一個好好既傾聽者黎嫁。」我微笑著說，希望他能解開枷鎖。

「唉，Jerry件事完左之後，我以為我繼續努力留係佢身邊佢會見到我，知道我一直對佢有幾好，佢終有一日會見到同愛上我。」呀彥說。 

就像我對你的一樣嗎？我心裡想著。 

「但佢就算完左之後，都無留意過我一眼。我有時係佢身邊，仲慘過一個普通朋友，我好難過，好難受，你明唔明我情願咩都無，都唔想見到佢咁對我。」呀彥連珠發炮地說。「我希望得到既唔係咁！我真係好累，已經開始諗緊我做緊既野正唔正確。」 

那我呢？我一直留在你身邊，傾聽著你所有，連你的愛情我也會知道，我也要了解，我心裡也一樣難受。 

正如芷悠根本不知道你難受一樣。 

正如你根本不知這我我心裡多麼希望你留意我一樣。 

「我好想放棄呀！我好辛苦呀！」呀彥說。 



「陳文彥，小小事你就話放棄，你憑咩話你愛人呀？」我大聲地說。「如果你係愛佢既，你會努力證明比佢睇你係佢身邊因為你愛佢，你重視佢。我相信佢終有一日會見到你，會愛上你嫁！」 

其實這說話，我不只是在跟你說，而是也在跟我自己說。 

「如果你現在放棄，你一將來定會後悔當日無堅持嫁！」我把他的手握著。 

「你一定要相信你自己，要相信愛情呀！」 

「嗯…. 但我可以點做？」小彥問。 

「歌唱比賽就係你最好既舞台啦！對住全世界人話比佢知你心裡既想法！」我興奮地說。 

「好！我應承你我會振作嫁！我要同全世界講我陳文彥有幾愛陳芷悠！」 



「咁就岩啦！我陪你練歌啦！你會用咩歌呀？」我笑著問。 

那天之後的事，我已經忘記了。因為我只記得用盡全力去把自己既悲傷和難受抑制著，對著你露出你對我說你最愛看的笑臉。 

一切也是因為我愛你。