一次意外，我的人生可以重新來過？: 第七十八章

第七十八章 

「今日係我地歌唱比賽的決賽！十位同學已經係後台準備演出，同學們你地Ready好未！」司儀說。 

「準備好啦！！！！」台下同學們都在大叫著。 

「今屆既參賽者真係各有特色，示愛既有，自彈自唱既又有，跳舞既又有，唔知幾時先有人會同我示愛呢！」 

「你發下夢啦慢慢。」司儀Stella笑著說。 



「咁我地首先請出我地第一位入到決賽既參賽者，佢要表演既係…..」 

後台下面的操場。 

「唉，入面好多人，我地又無咁快會開始，落黎透啖氣好過。」芷悠說。 

「你唔洗調節一下自己既心情咩？」我問。 

「唔洗呀，我OK呀。係呢你飲緊咩呀？」芷悠望著我手中的保溫瓶問。 



「哦？柚子蜜，雄爺個妹比我既。」我放下保溫瓶。「你要唔要飲啖？」 

「比我飲？你唔怕人地話你隨便比人地D心意其他人咩哈哈。」芷悠笑著說。 

「唔怕啦。你飲啦。」我把保溫瓶放在芷悠面前。芷悠笑了一笑，一飲而盡。 

「好味！」芷悠說。「嗯…….!喉嚨好潤，轉頭比賽一定掂。」 

「好味就好啦，哈哈！」我甜笑上黎。 



「做咩笑到個樣咁呀你。」芷悠沒好氣地說。 

「你理得我，我去個toliet先，你等陣。」說畢後我便轉身離開。 

芷悠微笑揮揮手，然後就坐在長椅上發呆。突然她感覺到有人拍她的肩。

「呀彥你唔係去toliet嫁咩點解….」芷悠轉身一望。「點解會係你？你黎做咩？」 

「芷悠，對唔住，我知我做既野好唔岩，好過份，但你可唔可以原諒我一次咁多。」Jerry苦苦哀求著。 

「Jerry，我同你已經完左嫁啦。」芷悠別過頭來，不想再望向這個人。 

「我地不嬲唔係嘈交都好快無事嫁咩，點解你今次要咁狠心？」Jerry不解地問。 

「我同你今次唔係嘈交咁簡單！你真係好過份呀今次。」芷悠平靜地說。「仲有你唔好再掂我，我覺得你好污濁。」 



「你唔係話今日都會為左我唱歌嫁咩。」Jerry可憐地說。「唱完之後，我希望你記得歌詞入面的意思，記得我地以前點樣甜密過，之後重新開始呀好唔好？」 

「歌詞？好呀，我就決定順你一次意，我地欣間好好留意我要唱既歌既歌詞，希望最後有一個好既答案。」 

「真係既？你真係為我唱？好呀我欣間一定會好好留意，我愛你呀芷悠！」Jerry興奮地擁著芷悠，可惜被推開了。 

「我地聽完隻歌先再講好唔好？乖。」 

「知道，我走啦。bye。」 

「佢走過黎做咩？」我慢慢地走向芷悠，不解地問。 

「佢話想同我復合喎。」芷悠笑著說。 



「個個男人咁對你，你唔係應承佢呀嘛？」我心一痛，害怕芷悠會說是。 

「一切一切，等我唱完隻歌之後，就會有結果嫁啦。」芷悠笑著說。 

我不解你望著眼前的芷悠，發覺她好陌生，根本就不是我一直以來那個沒有秘密，所有事都和我分享的她。 

而且我望著她，不知道為什麼我發覺我的等待根本不會有結果，應該是說我看不到屬於我倆的未來。我冷笑一下，然後拍拍芷悠的肩，示意要回到後台準備了。