一次意外，我的人生可以重新來過？: 第七十六章

第七十六章
 
五小時前，雄爺家裡。
 
「呀哥你地又係度打機呀？欣間媽咪番黎罵死你呀又整到個屋企咁亂！」Gloria叉著腰嘟著小嘴嚷著。
 
「打一陣之嘛，你咪阻住我地啦，總之媽媽番黎之前我會整番好哂佢地啦好嗎？」
 
「小彥又係，掛住打機食零食，同埋我想問你好耐，點解你食極都唔肥？」
 


「佢食極都唔肥？你唔知乍，佢中一個陣肥到成個波咁嫁！」雄爺笑著說。
 
「喂！雄爺！」我抗議著。
 
「下？真係嫁？小彥你點樣做到嫁？」Gloria一臉驚奇的問。
 
「咪控食同做多點運動，跑下步咁囉。」
 
「你可唔可以陪我點跑步？」Gloria問。
 


「可以。」我笑著點點頭。「不過你可唔可以著番件上身先呢，你成日只著住個胸圍走先真係唔知望邊好。」
 
「車！怕咩喎，我身上你有邊一度無望過喎。」
 
「喂雄爺，你個妹呀！」我抗議著。
 
「你兩個既野唔關我事我唔理。」雄爺站了起來步向其房間。「無眼睇你兩個。」
 
「今晚你陪我跑步啦小彥。跑你跑開既路就可以了。」Gloria走過來蹲在我面前。
 


「都得既，今晚9點你屋企下面等啦。」我站了起來。「我都番屋企準備下，今晚見啦。」然後我便走了。
 
晚上9時。
 
「你洗唔洗著得禁裸露呀？一個運動胸罩加一條短褲就算！」我無奈地說。
 
「咁我慣左係咁嫁嘛！不都都無人理我既！」
 
「比人睇蝕哂點得呀！」
 
「我都無男朋友，比人睇下又有咩所謂？自己舒服咪得囉！」Gloria嘟著嘴說。
 
「唉，我怕左你。」我慢慢地把上身脫掉。「我跑到一半都會除衫嫁啦，你家陣著住佢唔準除呀！」
 
「下….. 哦……」Gloria遲疑了一下才接過衣服並穿上身上。「如果你以後都可以咁關心我，咁樣管住我就好啦唉。」


 
「你細細聲係度講乜野呀？」我不解地問。
 
「哎…. 無野。」Gloria整理一下自己的衣服。「我地可以開始未？」
 
「嗯！行啦！」
 
一路上我和Gloria並肩跑著，儘管我的速度她一定跟不上，她還是堅持著默默地跟在我身邊，而我也減慢了自己的速度，兩人一步一步的慢跑著。兩人在夜色下並肩奔著，就如一糕小情侶一起衝過一個又一個難關一樣。
 
一想到此Gloria便臉紅了。
 
想到今天小彥緊張她而脫下衣服給她，她心如鹿撞，已經瞞不了自己喜歡呀彥的事實。
 
但她知道呀彥心裡只有芷悠，所以她就讓自己在呀彥面前突出，讓她記得每一個呀彥獨特的表情，行為，去證明自己曾經如此地和呀彥近過便足夠了。
 


在她身旁的呀彥，如今這一刻是她的，一起流汗一起說笑著，她感到很幸福。
 
儘管這是短暫。
 
來到德田邨後橋，呀彥若有所思的望向大廈，Gloria就知道這裡是芷悠姐姐的家。
 
心裡一陣痛，但她還是堅持著，努力待在小彥身邊。

突然聽到一把聲音傳來。
 
「你自己睇啦仲講大話！做左仲唔認！」
 
「你聽唔聽到把聲…. 好似係芷悠？」我問。
 
「有點似。」Gloria突然指著一個方向。「小彥你睇下個邊！係芷悠姐姐呀！仲有個男人！佢地好似嘈緊交。」


 
「Gloria你打電話比你呀哥叫佢馬上過來德田邨。」我忍著心中的努火說。
 
「下…咁….」
 
「快！」當我看到Jerry抓緊芷悠後，芷悠一臉痛苦的樣子，我便一聲令下，然後朝那裡跑去。
 
「哦…」望著我離去的Gloria一行眼淚流出來。「點解我永遠唔會見到你呢個緊張樣係因為我而出現。」
 
「點解你完全無好好睇清楚眼前既我？」Gloria拿出電話，忍著了淚水，打給雄爺。「呀哥！出左事呀！你快點過黎德田邨！」