一次意外，我的人生可以重新來過？: 第七十三章

第七十三章 

「芷悠姐姐！等左好耐呀？」Gloria邊揮邊對著前面等著她的芷悠大叫。 

「唔…唔係呀，我都係岩岩到之嘛。」芷悠笑著說。 

「我地去食個下午茶先啦！」Gloria說畢後便拉著芷悠的手走著。 

Cafe內。 



「呀詩你係咪有野要比我？」芷悠一臉憂心的樣子。 

「我地食完野先再講啦！」Gloria繼續一邊嘟著嘴吸啜著珍珠奶茶的珍珠，一邊看著滿是食物的Menu。 

「嗯….」 

「芷悠姐姐，你係咪好怕知道所有你其實心裡有數的真相。」Gloria認真地問。 

「下…. 其實我都唔知道自己咩心情。」 



「一個同自己一齊左咁耐既初戀男友同多個女仔出軌喎，雖然無證據係眼前，但多個朋友都話比自己聽佢就係一個咁既男人。」Gloria用舌頭靈活地把在嘴角的白色泡沫舔走。「但自己既心目中，雖然自己唔多知佢既行蹤，但佢一直以來既表現都令自己打從心裡去相信佢，家陣你既心情，我好明白。」 

「你明白？」芷悠一臉無奈的問。 

「嗯。我以前個男朋友就係咁。」Gloria頓了頓。「而且，正確點黎講，我都係你情敵。」 

「下？你？」芷悠張大眼睛一臉驚訝的望著Gloria。「連你都….」 

「係呀，我係Jerry既女朋友。」Gloria笑了笑。「但只限於名義上。」 



「本來我同佢係唔識既，有一日我係機舖打機，點知佢走過黎問我拿電話，本身都諗住只係做個朋友無咩所謂，但後來佢就開始追求我啦。」

「識我無耐就追我，連我係咩人都唔知，唔慌係好人啦。但點知有一日佢死都要送我番屋企，我無奈咪比佢跟住，之後呀哥係遠處見到Jerry跟我番屋企啦。」 

「後尾呀哥問左我有關Jerry既情況之後，就講左你同呀彥既事比我知，我覺得Jerry好過份，所以我決定幫呀哥手，係你面前拆穿佢既真面目。」 

「所以你就因為呢個原因同Jerry係咪一齊？」芷悠問。 

「係呀。」Gloria再喝了一口奶茶，這時食物也到了。 

「個Jerry同我一齊左唔夠三日就同我講佢屋企無人要我上去，最搞笑既係，呢三日我都無見過佢，佢一黎就同我講叫我去佢屋企。司馬昭之心，路人皆見啦。」 

「咁其實佢都可能玩玩下啫，都未算出係背叛我嫁。」芷悠還是在欺騙自己。 

「唉，芷悠姐姐，我都講到咁白你都仲要呃自己。」Gloria嘆了一口氣。「佢肉體上同我無出到軌，但精神上一早已經出左啦。」 



「咁佢可能玩玩下之嘛….」 

「算啦芷悠姐姐，我知道你個心一定好糾結好難受，但我覺得我有責任去令你醒番，睇清整件事既真相。」Gloria說畢後，拿出她的手提電話。 

「我有一個朋友既朋友是做援交既，自從我知道左件事之後，就開始搵方法去令你明白Jerry呢個人有幾過份。」Gloria把手機蓋著，交到芷悠面前。 

「佢係同你三週年個日，去左我個個援交朋友屋企，手機入面就有小量我朋友影到佢地做緊既時候既相。」 

芷悠深呼吸了一下，把手機打開，看到的是Jerry真對著床前的女仔埋頭苦幹著，而那女孩是給打了馬賽克。 

「由於我朋友唔想霸臉，所以我打左格仔，希望你明白，整件事唔係我朋友既事，而係你男友的確四周圍搞女仔。唔止我一個講過，連我呀哥，小薰姐姐都講過。你明啦。」 

芷悠流著淚，把手機蓋上，然後退給Gloria。



「多謝你呀詩，我知道我應該點做。多謝你比我睇清楚呢個人，多謝你。」 

「如果你有需要既就打比我，我點都會幫你嫁。」Gloria說。 

「唔洗啦，多謝你。我既野我想自己解決。」芷悠笑著說。 

另一方面。 

「死啦，芷悠知道左我搵呀Roy打佢地，唔知會點呢。」Jerry著急地說。 

「唔怕，我去買番朿玫瑰同頸鍊比佢應該氹得番佢既。」說畢後便打出電話。 

「喂，恆爺？我上次搵過你幫我搞驚喜嫁，可唔….」 

「過主啦，我唔會再做你生意嫁啦。」那邊馬上掛斷電話了。 



「唔幫我咪唔幫囉，比錢你賺都唔賺正一食屎狗！我自己去買！」Jerry氣憤地說。