一次意外，我的人生可以重新來過？: 第六十八章

第六十八章 

「頭先你聽唔聽到呀彥講既個一番說話呀，再加埋個隻歌，我係個個女仔一定冧死。」同班某位同學說。 

「點解呀彥同學會對一個女仔如痴如醉嫁！又唔見佢對我咁喎。」另外一名女同學扁著嘴說。 

「咪發夢啦！佢係我嫁。」 

芷悠在旁邊聽著大家都在說剛剛的歌唱比賽，想到呀彥對自己好，想到別人都說呀彥多麼好，自己就更加混亂。 



「哎好煩呀！」芷悠心裡說。 

我看到此，走過去想令依人一笑。 

「點呀，做咩苦瓜乾咁既樣呀？仲係好擔….」 

「你好煩呀。」我還未把整句說話說畢，芷悠便已說。 

「Oh sorry….」我轉身便回到自己的位置上。 



我在自己的位置上望過去芷悠那邊，看到她正憂心的在想什麼般。 

我想為她解困解煩惱，可是看來她並不需要我。 

「呢段時間，芷悠有事煩惱緊，如果你真係愛佢既，就快D想下方法點樣令佢開心。」 

我望向後面，原來是雄爺在跟我說。 

「點解…你會同我講番野？」我不解。 



「我同你講番野唔代表我真係原諒你，只不過你做緊既野令我另眼相看，念在以前的情誼份上，我先選擇幫你。」 

「但我咩都無做過佢就咁對我。」

「做多點出來話比佢知你有幾愛佢囉，你知唔知Jerry6唔係一個好人？」雄爺說。 

「我唔知道呀…佢做過D乜野？」我問。 

「條仆街出面有女仔，應該仲唔止一個。」雄爺狠狠地回答。 

「下…你講真嫁？」我頓時怒火中燒。 

「芷悠已經開始知道真相，如果你愛佢既，就打破Jerry既面具，比個真面目芷悠睇啦！」 

「點解你會幫我呀雄爺，我以前咁衰….」 



「過去既野就唔好再提啦，我點會嬲得你耐呀陳文彥。」雄爺望著我說。「兄弟唔可以嬲一世，再講，你個個星期都去幫賭神同Tracy抹相同傾計，有時我仲見到你流哂眼淚。」 

「我知道你已經受夠教訓，我唔想你係呢一個時間，無人幫你。」 

「鬼叫我地講過要做一生一世好兄弟咩。」雄爺搭著我膊頭說。 

「多謝你…雄爺….」我淚流滿臉，已經說不出什麼了。 

「咪咁既樣啦好嗎？我覺得好肉麻呀。不過咁，作為你既好兄弟，我賣多一個人情比你。」 

「下…. 咩人情呀？」我問。 

「Jerry身邊有一個女仔，正被Jerry發動攻勢狂追，而我亦都叫佢搵個時間接受佢，等我地追佢黃腳雞。」 



「下！咁難你都做到？」 

「Jerry呢個人，有少少姿色既女仔佢都會上嫁啦，不過佢唔查清楚就漁翁撒網，遲早出事。放學之後跟我番屋企啦，我介紹我呀妹你識。」 

「又去你屋企？唔會又去有海旁吹風啦嘛？」我笑著說。 

「唔會啦，真係認真嫁啦今次。」雄爺認真地說。「我要呢個仆街遲早為自己做既事付出代價。」