一次意外，我的人生可以重新來過？: 第六十四章

第六十四章 

「今日係我地學校Sing con的大日子，同學們你地準備好未呀！」大會司儀係台上問。 

「準備好啦！」台下同學大叫。 

「哇，先同大家講D數字先，你地知唔知今年參加人數大增呀，比起以前多左好多！最重要既係大家積極躍躍參加，學校方面知道左大家咁積極參加，增加左一個獎叫”明日之星” 大獎，全部由你地選出。大家可以寫一早放左在座位上的單張入面，有一張投票表格，你地聽完哂所有參加者表演之後就可以有十分鐘投票時間，選出你地最鐘意的參加者！」 

「最重要既係，你地選出的明日之星得獎人可以有兩千蚊學費資助大獎，係由校長同兩位副校長特別送比你地既！大家掌聲多謝校長副校長！」 



「Wow!!!!! 校長好野!!!!!」全場學生已經陷入了瘋狂狀態。 

「而全場總冠軍呢會得到同Boy’z CD唱片一張！上面會有張紫痕，襪紫蠔，陳煒停的親筆簽名嫁！」 

「Wow!!!!!!!!」全校學生繼續大叫。 

「邊個叫陳煒停？」雄爺問。 

「我點知。」李浩文回答。 



「好啦事不宜遲，請咁多位靜心等待，兩分鐘後，今屆比賽正式開始！」司儀說畢後便回到後台去。 

隨後大家都在這個歌唱比賽中，沒有聽到如痴如醉，只有越來越瘋狂。 

「頭先個個人除哂衫唱”自由” ，比人拉左落台，我笑到痴哂線。」信謙說。 

「係咁嫁啦，最後一年，仲唔玩盡佢咩？」李浩文說。 

「你估個個都係你咩，最後一年。」小薰白了一下眼。「中五畢業仲有中六七嫁白痴。」 



「係啦係啦，應承過你會努力讀書，我會考好個會考嫁啦。」李浩文摸了摸小薰的頭說。

場境一轉，後台。 

「就到你啦，你要加油呀，我相信你首歌的意思一定可以傳到Jerry的心裡。」 

「嗯！多謝你呀，呀彥。」芷悠說。 

我望著眼前的芷悠，摸了摸那可愛的齊陰，心裡一痛，眼亦開始出現淚光。 

「跟住出場既係5A既陳芷悠同學，佢要唱既係劉德華的歌，Stella你知唔知呢首歌代表咩呀？」男司儀說。 

「知道呀，呢首歌講緊既係好甜蜜好甜蜜的愛情呀！」 

「無錯，我地就睇下芷悠同學可以唱得幾Sweet啦！」 



只見芷悠深深一吸，然後把所有氣都呼出來，走出後台，去到台中間。 

「呢首歌，係送比一個同我同甘共苦的男仔，佢同我一齊左三年啦，呢三年間，佢同我一齊成長過，支持著我，希望我同佢唔止得呢三年，而係三十年，三百年，或者三世過後都係埋一齊。」 

「Wow!!!!! 好Sweet呀!!!!」台下的人已經開始暴動了。 

音樂響起，芷悠在準備自己心情的同時，她看到了自己最愛的人。 

Jerry。 

他緩緩的站起來，拿出一早預備好的Banner，舉起，拉開。 

「陳芷悠我愛你」六個大字一出，全場尖叫，把所有音樂聲都遮蓋著。



我怕沒有這運氣  一生一世有我便會有你
因此太著意去逗你歡喜  好給你回味

我也願意信命理  看註定誰先走  是誰未到期
無恙的你  病發的我  唯有累你

只見芷悠輕輕把手舉起，左右揮動著，帶著全場人的手在揮動著。

無疑太愛你  怎捨得失去力量照顧你
隨時行開了  連再會亦無期
然而我信愛  叫你我來日往生都緊記
無論世外人間天與地  在某一天又再一起

全場人手都在跟著揮動，只有我，孤身的在芷悠背後，黓黓的撐著自己的傷痛，忍著淚。我和芷悠的往事如洪水般湧出，那些情境有多甜蜜有多難忘，如今我就有多難受有多痛。



但我還是忍著。

我願意去繼續充當著二等兵的角色。

如我若有事你會很寂寞  你獨個行樂怎可快樂
你沒我的運氣能先走  畢竟能早登天國
但我若有事你要孤獨做人就重頭再學
學習到天邊海角  一人拼摶  你這主角  沒有配角

芷悠唱畢後，鞠了一個躬便回到後台。全場都在鼓掌，連老師也一起尖叫著。

「呀彥！頭先好驚呀真係…」芷悠走過來把我擁著。

「無事無事…. 你唱得好好了…. 真的好好了…. 佢會知道你的心聲嫁！乖。」我摸著她的頭說。



「無事無事…. 我撐得好好了…. 真的好好了…. 佢終有一人會知道你的心聲嫁！乖。」我跟自己滴著血的心說。