一次意外，我的人生可以重新來過？: 第五十四章

第五十四章
 
回到家裡，我一直躲在房裡足不出戶，把自己鎖在自己的負能量世界裡。
 
如果我沒有玩弄感情，翠絲不會死，那賭神也不會伴翠絲而去。
 
係我…係我... 係我的毀了他們的人生。
 
我算得是什麼！怎可能如此傷害我的好兄弟。怎能夠…..
 


眼中的淚水早已就洪水一樣流出，但眼淚卻不能把我的罪洗去，我是一個殺害自己好兄弟，殺害一個如些愛我的人的社會敗類。
 
我望向訊息夾，那一封依然未讀的認息，我恨下了心腸，把他刪除了。
 
對不起，賭神，我連面對自己的錯的勇氣也沒有。
 
我一口氣把10多罐啤酒一飲而盡，滿天是斗，朦朧間我好像看到有人來了我房間。
 
「你係邊個？邊個比你入我房！同我出番去。」
 


「做兄弟呢D野有今生無來世嫁，你要飲既要醉既，我呢個兄弟一定會陪你。」那人頓了頓後，接著說。「但酒醉過後，請你一定要站起來，唔好諗住落黎陪我，唔好諗住死可以解決問題。」
 
這把聲音，這把聲線，這人的說話方式，很熟悉。
 
直到那人再說出一句說話，我就知道他是誰了。
 
「不要不開心，不要難過，作為你的兄弟，我從來沒有怪過你，相反我知道你現在一定好難受，對嗎？」
 
「杜晨禧！！！！！對唔住呀！！！！」我全線崩潰了。
 


「傻既，你無對我唔住呀。」賭神頓了一頓。「但如果你真係走去死而唔挽救，你就真係對我唔住啦。」
 
「我好後悔呀！我好難受呀！如果我可以再來，我一定唔會咁嫁！對唔住呀！我好辛苦呀！」我已經再沒有理會什麼，因為我已經控制不了自己，心和口前的枷鎖，就在賭神來到的一剎那，已經被解封了。
 
「我知道呀，我知道你好難受，唔好咁難過啦。」
 
「我已經有多一次機會去改變我既人生，你知唔知呀賭神。」我把啤酒再次喝盡，用來向垃圾筒一拋。「我都可以將得來不易的第二次機會搞到咁，仲要搞到咁既結果，全部都係因為我自私，我既一己私慾呀！如果我唔係風流，我唔會搞否翠絲，唔會搞死埋你呀！」
 
「我知道呀，我咩都知道呀。但係你唔好太自責，我的死唔係因為你，而係我自己都生無可戀，九泉之下我在下面可以見番我的家人，見番翠絲，解開左我多年來無親情無愛情的心結。」賭神拉開了一特啤酒給我，然後再拉開多一罐與我碰杯。「不要再自責啦，望見你今日咁既樣，就知道你已經受到教訓，倒不如努力點去改善，重新做人啦好嗎？」
 
「賭神，不如我落黎陪你好嗎？」我問。
 
「你都傻既，話落就落嫁啦？我下面未有位比你訓呀，你撐多陣先啦！」賭神笑著說。「仲有呀，你唔改好自己就落黎，我地唔會再認你嫁！你落黎之前要處理好自己，搞番掂同大家的關系，仲有面對你最唔想面對的自己同感情。」
 
「面對我最唔想面對的自己同感情？」我喃喃地說。


 
「芷修呀。」賭神吐出了這三個字，我頓時天旋地轉，心隱隱作痛。
 
「你睇下我一講芷悠你就臉都青埋，你係時候要處理好呢件事啦。」
 
「但係賭神，我家陣好亂仲係好難受呀，我唔知應該點做。」
 
「你試下放鬆下自己，唔好再諗過去啦，我都話左無怪你啦，做咩仲難受。」賭神一拳打在我胸上。「如果你繼續為左呢件事而自暴自棄，我作為你的兄弟，我會更加難過更加難受，因為你的事即是我的事。仲有，你係咪要再次作賤自己第二次的人生？你已經比我幸福好多嫁啦，醒下啦陳文彥。」
 
「Jerry唔會比到幸福芷悠嫁，你係時候要努力喚醒芷悠當日被偷走的愛情同記憶啦。」賭神站了起來。
「喂你去邊呀？」我正想站起來，但腳步一浮，跌左床上。
 
「我係時候走啦。」賭神把啤酒一飲而盡。「飲過呢罐啤酒，所有唔開心，所有過節我都全部放低哂啦，你飲完之後都要站起來好好做人呀！知唔知呀陳文彥。」
 
「今世我地做唔到好耐好朋友，我唔係你身邊撐左好耐，所以我應承你，下一世我地會再做好友，但今次你唔準再食左我女神啦。」賭神說。


 
「多謝你呀！社晨禧！」我泣不成聲地說。「你要記住我今世有幾仆街，下世再搵我報仇呀！」
 
只見漸變透明的賭神轉身望著我。
 
「下一世，我都話左唔會報仇。」
 
「我地會再續朋友情，做一對好兄弟好朋友，去彌補番我地今世咁短時間的緣份，」
 
「嗯！我應承你！賭神，我的好兄弟！」
 
「好好保重啦！陳文彥。」賭神揮著手，漸漸消失了。