一次意外，我的人生可以重新來過？: 第二十九章

第二十九章 

球隊練完波後，我坐在球場旁邊空地，大口大口的喝著水瓶裡的水。 

點知自姚唔小心就把水吸進氣管裡，我吸了一輪後，一手就把空水樽大力拋到對面排球場。雄爺剛好走過，見到我這個動作，望了我一眼便走過來。 

「做咩呀你？今日踢到咁差既？」雄爺問。 

「無呀，狀態唔太好之嘛。」我敷衍回答。 



「有心事？」雄爺走過來我旁邊坐下。 

「無呀。」 

「有時候就算明知講出黎解決唔到，但有人願意同你分擔，你都可以先講出黎睇下別人有無方法幫到你嫁，you are not alone.」 

「唉，雄爺，你知道我同芷悠的事啦。」 

「失左憶呀嘛，記得所有野就係唔記得你。其實我覺得你好慘，明明大家都見到你兩個完全是一對，但偏偏就搞埋D咁既野。你放心啦，佢遲早有一日會記得你嫁，我呢就有個朋友的親戚，佢……」雄爺滔滔不絕的說。 



「雄爺，我只是同你一人講，以下既野你要同我保密。」我正色地說。 

「好。」 

其後我就把練波前偷聽呀婷的對話一五一十的跟雄爺說。雄爺聽到後，緩緩呼出一口氣，拍了我一下膊頭，同我講出以下對話。 

「有時真相未必是真相，更何況你現在聽到的只是一個公認八婆的講法，或者叫做片面之詞，係咪有必要因為一個人的講法，而去破壞哂你同芷悠一直以1陸的信任？破壞容易建立難，你要想清楚自己同芷悠一直以來的信任，無論有無包含愛，就因為一個無關系的人而破壞哂？值得嗎？」 

「我明你講咩雄爺，但我家陣個心好難接受，好覆雜。」 



「其實你覆雜係因為自己是當事人，仲有，你怕受傷。因為你家陣考慮緊將來，所以你怕有朝一日故事繼續發生落去，你會失傷。其實你有無考慮過，在醫院已經受左傷的芷悠的感受？與其你繼續為左件咁既事唔開心，不如爭取同珍惜每一個機會啦好嗎？呀彥。」雄爺語重心長的說。 

講完，雄爺就站了起來離開了球場。

又再只有我一人，微風輕輕的吹過，我全身震了一下，腦中回憶番雄爺講的說話，想起雄爺的年齡和我的年齡，不禁苦心了一下。雖然我是當事人，但我已經經歷第二次人生，加上我的思想理應更成熟，但為何還在轉牛角尖，而且一個中學生能點醒我？ 

但我心裡真的好唔開心，因為我好怕。 

好怕自己會如雄爺所講受到傷害。 

但我都未受到傷，我做乜野要怕？做乜野要因為未發生的事已擔心？ 

芷悠明明就在醫院等著我，點解我唔花多點時間去陪伴住佢渡過這難關？ 

一想到這裡，我就知道係時候整走前面個堆遮住自己裡線既迷惘了。我站了起來，放下自己的憂愁，慢步走出校園，腦中想出了一個可以念芷悠記得自己的方法。