一次意外，我的人生可以重新來過？: 第二十六章

第二十六章

「你係邊個？」當這句說話出自芷悠的口中，我的心馬上就寒了一半。 

「我係呀彥呀，陳 文 彥，你認得我嗎？」我深呼吸了一口氣，緩緩講出這句極艱難的說話。 

「Niki，佢係咪你男友呀？你又轉左新畫啦？」躺在床上的芷悠笑著問。 

「小悠，佢係呀彥喎，你唔認得佢呀真係？」Niki問。 



「唔認得呀，死啦我真係識佢嫁？」 

我心已經完全接受不到這個事實。 

我害到芷悠被車撞，幸好沒有奪走其性命，但卻奪走了我和她之間的一切，包括回憶。 

電視睇得多，電影都睇得多，但估唔到咁罐頭師奶台劇的情況，確切的出現在我面前。 

而今次這套師奶劇的主角，居然就是我。 



芷悠媽先叮囑芷悠不要談太久，然後就拉我到外面倒水給芷悠喝。 

「呀彥嗎？你係芷悠的同學？」 

「我係呀。」我還是不敢直視伯母。 

「你同我個女除左同學關系，仲有無其他？」芷悠媽轉過身來面向我。「最近我見到我的女兒經常和一個男孩傳訊息，有次我在半夜聽到呀彥呀彥的人名，仲有聽到咩唔會輸個五百蚊比你，其實係咪都關你事？」 

「Auntie，芷悠身邊又叫呀彥既，應該是得我一個。但輸贏五百蚊這個我真係一點頭緒都無，Sorry。」 



「聽警察講個一日芷悠受傷前應該係同你一齊嫁係咪？點解佢會受傷而你無？」 

「個日的士岩岩撞上黎個一下，芷悠就企左在行人路邊，而我在行人路入面，所以…」我唔敢話比伯母知係因為我的問題令到芷悠退後左一步。 

「不過睇黎，芷悠應該失左對你的記憶，我諗我地先搵醫生Check下會好點。」芷悠媽提議先找醫生幫芷悠檢查一下。

我望向芷悠，她正和同學們打成了一片，而對我的記憶卻一點印象也沒有，我心裡好難堪，卻又知道做成今日的所有事都是因為我而出現。我恨不得把自己狠狠的打一頓。 

醫生幫芷悠做了詳細檢查，又是例行的說這是正常腦震蕩的後遺症，只要跟病人多點講一下我跟芷悠以前發生的事，或者可以刺激她的記憶，令到她記起我。但這又是無營養的回答，能否記起視乎病人的意志。 

「唔該哂醫生。」醫生走了。 

「伯母我地都走先啦，芷悠我地下次再黎過。」女班長和同學們都要離開了。 

「呀彥你呢，你仲唔行？」浩文問我。 



「唔行呀，我想睇多陳芷悠先。」 

「走先啦，佢都唔認得你。」 

「比我留多陣啦好嗎？你知我性格。」 

「有咩打比我。 

「Okay。」回答完浩文我便轉身走去芷悠的病床邊。

望住眼前的人，是多麼的熟悉，但我在她心中的印象，卻又係多麼陌生。 

「咦？同學，你未走既？」芷悠咬了一口梨子問我。 



「係呀，我家人未回家，無門口入，所以留在這裡多一會。」我講了一個大話。 

「同學，你叫咩名？」 

聽到這句問題，我腦中馬上浮現出一個很熟悉的畫象。 

中一開學那天，我靜靜的坐了在自己的位置上，你卻走過來了。 

「同學，你叫咩名？」在我旁邊一個女仔問我。 
我定神一望，居然是我中學時代的女神，芷悠。 

我們就這樣相識，就這樣的一起過了很長的日子，你記得我們之間的回憶嗎？你會記得我嗎？ 

我地一起溫書，一起上課，一起跑步，在堂上唱歌，你打我我又打番你。 



在冬天時你凍你會借我的手取暖。球賽受傷時你會擔心我。會比我恰會比我笑，重要的是，無論我點恰你你也從未試過認真發我脾氣。 

芷悠，你記得我嗎？記得這年多來一直在你身邊的男人嗎？你還會記得嗎？ 

眼淚，就在聽到這句說話和腦中的回憶影響下，流出來了。