一次意外，我的人生可以重新來過？: 第二十二章 【芷悠篇】

第二十二章 【芷悠篇】 

繼呀海以【呀海篇】出現來自白後，今次到我陳芷悠啦，嘻嘻。 

我係一個好勝的女仔，好勝到有時候會為左追求目標，追求想要的結果已不擇手段。我覺得自己比起好多人都優勝，無論樣貌，身形，智慧，成積，我無一樣野比唔上人。 

以前小學的時候，我已經係班上面的風頭躉。每次我有需要的時候，所有人都會樂意幫助我。無他的，當有一個好似我咁的女仔，面尖尖，大大的眼睛，一臉可憐的站在你面前，你都唔可能會托我手肘啦，對不對？ 

上到中學，我這份優越感依然存在著，但係我開學日入到課室，發現有一個男同學比我一種好唔同的感覺。他好似同周邊的人不同等級，其他同學都在追逐著，玩緊無聊的爆旋陀螺，但他只是一動也不動的坐在自己的位置上，好似思考緊咁，我比佢這個樣子吸引，於是我就坐左在他的旁邊，一坐就已經是一年了。 



由一開始我同他的關系只係普通同學，到了後來他陪我溫書，出去玩的時候他都總會在我身邊，就連暑假我聽其他人講陳文彥一直都留在家和球場無同過其他女仔出街，我就知道我和他的關系已經開始有點微妙。 

雖然我知道自己對他都有感覺，但我一直都好唔甘心，好唔甘心點解一直以來我都是最強的人，成積好，表現優秀，但在呀彥面前我就只能夠一直做一個小女人的角色，比佢恰，有問題時要請教他，由他保護我，我問過我自己點解唔可以堅強點，下次無論咩事都唔再依賴呀彥，但我一次又一次的只可以呀彥後面。 

感覺好奇怪，被他保護和欺負我有一絲感覺到幸福，但對呀彥的強大，我心真係唔舒服。

有天放學後，我自己一個人在收拾自己的書包。 

「喂，你最近成日都同全級最勁個個人一齊喎。」呀婷問「你地係咪有路呀？」 



呀婷是我班一個出名的八婆，每件事經她口也會變得極高娛樂性，就連李浩文和呀彥去開房，她也傳過出去。 

「關你咩事？」我真係唔想理佢。 

「咁又係，如果已經有路的話，呀彥又點會今日都唔係你身邊呀。」 
「你講乜野呀！」我聽到呀婷的聲音已經本能地發火了。 

「講緊你囉，又唔知自己咩貨色，痴住呀彥唔知為乜。慌你唔係因為他肯教你，你知會同他一起經常出雙入對咩。」呀婷頓了頓。「所以有人講過話呀彥同你係埋左一齊，我都唔信囉，真係得啖笑！」 

我握緊拳頭，好怕自己手一滑就一拳打中呀婷。 



「我同呀彥只係好朋友，唔係你口中講到既咁，okay?」 

「如果有feel的一齊左啦一早，係人地睇唔上你所以咪一直都朋友關系囉。」呀婷講完後攤一攤手。 

「你講咩呀？咩睇唔上我呀？如果我同呀彥真係一齊咁點先！」我不憤氣下講出了這句說話。 

「到時啦喎，我叫你一聲家姐再比埋錢你都仲得，賭夠你五百蚊呀！」 

看見呀婷趾高氣揚的樣子，真的把我氣瘋了。 

「一言為定，你睇住黎！」我一口答應了呀婷的賭博。 

「我放長雙眼睇呀，陳芷悠，你唔係一直好巴閉嫁喀咩，咩都第一，咩都最叻嫁嘛！贏比我睇呀！」 



「我一定做得到，比兩個月我，如果呀彥做唔到我男朋友既，我叫你做家姐。」我狠狠地講出了這句話。 

呀婷笑住離開課室，我心入面好不安，但卻被收到的挑戰蓋住了我的內咎同不安。 

呀彥，你唔會怪我嫁可。