一次意外，我的人生可以重新來過？: 第十四章
第十四章
「呀彥，我這題唔明呀。」
鏡頭一轉，我同芷悠就坐在中學生溫書經常的流連地－M記。我地無買魚柳bell chan，無加大，只是兩個人各自叫左一個漢堡包加多杯水，每人盛惠三蚊。
(題外話，巴打們還記得麥當奴234是甚麼嗎
) 「首先你要知道點樣拆走個兩個捨號，要拆開先至計到嫁。」
「即係點呀我唔識呀。」
「記唔記得我話過要拆開個捨號的話要點做？」
「唔記得呀你有教過咩？」
「呢，兩個捨號就係兩家人，要點樣先可以將兩家人變一家人呀？」
「要結婚！要乘埋佢地！」
「無錯啦，咁之後你識做啦。」
面前這個女仔，有一種說不出的味道。
雖然我是一個不懂得教導他人的人，因為我天生沒有耐性，怕麻煩，認為我自己做到的事別人也應該會做到，所以我從來都不會教導他人。
但面對著芷悠，我不知道為什麼就是這麼著緊她。
上一輩子就算我倆沒有成為朋友，沒有吵架，沒有了解過。
但我依然會因為她的失落而失落。
因為她相戀而替她高興但自已繼續失落。
因為看到她facebook status失戀而難過。
就連她結婚那日，我也好想出席她的婚禮，只可惜我收不到她的請帖。
她的一動，一靜，一笑也叫我為之動容，可能上天真的知道我上輩的控訴，今世比多次一樣但可改變的人生我，叫我可以重新認識這個本已熟悉的女孩。
「喂呀彥！你做咩發呆呀？」
「無呀。我諗緊野之嘛。」
「諗咸濕野？哦！仲要望住我諗！死變態！」芷悠作勢打我。
「係呀係呀，仲諗緊同你結埋婚添呀！」我沒好氣的回應。
「蠢蛋呀彥邊個話同你結婚呀！唔知醜！」
我望著芷悠，她也望著我，時間就像因為倆停下來一樣。
老麥內人們的喧鬧聲，店員們的叫賣聲，好像也越來越遠。
背景也愈來愈模糊，眼裡只有芷悠一個。如果我今世能夠娶到如此美人歸，夫復何求？
上一輩子，我行錯了，走錯了，導致我倆無緣也無份。
今世，有幸她就在我旁邊，我還應該等嗎？我還應該在等機會流走嗎？
「呀彥你做咩望住我望到入哂神呀？」芷悠又臉紅了。
我應該跟她表達愛意嗎？
問題我和她只是中一學生而已！
「無呀，望住你我覺得有一種好熟悉的感覺。」
「壞蛋呀彥又諗鹹濕野！」芷悠又使出粉拳。
「你知我無嫁……」
「衰人呀彥！」
「其實我望住你，我都唔知點解覺得好熟悉，有一種好似我一早已經認識你的感覺。」芷的悠輕輕抓了抓自己的手背。「還記得第一天開學日，明明我甚麼人也沒見過，但就是你….」
芷悠伏在桌上，慢慢地講出了她的回憶。
「個一日，我記得我好驚，但唔知點解離遠見到你在自己位置上發呆個樣，我覺得你好熟悉，好可靠。雖然我唔明點發呆個樣都會有可靠的感覺，但就是這個原因，我硬著頭皮過黎同你坐。」
「唔知你記唔記得，你問過我點解你唔坐番埋自己個位。我個陣幾驚你唔鐘意我，但又要扮哂野同你扮無事。哈哈，諗起都覺得搞笑。」
「其實我又何嘗唔係想你坐在我隔離呀，只不過毒撚的大忌就是有自信，所以我當日先咁講之嘛。」我回答。
「下你記得呀仲？哈哈。」芷悠輕輕用筆敲了我頭一下。
我笑了笑，沒有回應。
應該係話，我唔知點回應好。
「其實，你覺得我地似唔似人地口中所講既，友達以上，戀人未滿？」芷悠沒頭沒腦講出這句說話。
「壞蛋呀彥又諗鹹濕野！」芷悠又使出粉拳。
「你知我無嫁……」
「衰人呀彥！」
「其實我望住你，我都唔知點解覺得好熟悉，有一種好似我一早已經認識你的感覺。」芷的悠輕輕抓了抓自己的手背。「還記得第一天開學日，明明我甚麼人也沒見過，但就是你….」
芷悠伏在桌上，慢慢地講出了她的回憶。
「個一日，我記得我好驚，但唔知點解離遠見到你在自己位置上發呆個樣，我覺得你好熟悉，好可靠。雖然我唔明點發呆個樣都會有可靠的感覺，但就是這個原因，我硬著頭皮過黎同你坐。」
「唔知你記唔記得，你問過我點解你唔坐番埋自己個位。我個陣幾驚你唔鐘意我，但又要扮哂野同你扮無事。哈哈，諗起都覺得搞笑。」
「其實我又何嘗唔係想你坐在我隔離呀，只不過毒撚的大忌就是有自信，所以我當日先咁講之嘛。」我回答。
「下你記得呀仲？哈哈。」芷悠輕輕用筆敲了我頭一下。
我笑了笑，沒有回應。
應該係話，我唔知點回應好。
「其實，你覺得我地似唔似人地口中所講既，友達以上，戀人未滿？」芷悠沒頭沒腦講出這句說話。