夢醒時份: 第一章

「你係邊個？唔好走住，我係咪識得你？」

嘟嘟嘟~~~ 嘟嘟嘟嘟嘟~~~

「起身啦！ 鬧鐘都響左咁耐，你都仲唔起身！」

迷糊間被突然傳來嘅聲音叫醒，原來頭先發左一個夢。

起身梳洗過後，都仲有少少混混沌沌，已經唔太記得尋晚究竟發左個咩夢。





難得終於到左星期日，出去運動下嘆下新鮮嘅空氣。

係呢一刻嘅我，係完全估唔到會因為一個夢而令自己有幾咁沮喪。

*****************************************************************

「媽，我出去啦！你預我四，五點先返黎啦。」

「小心呀！唔好整傷自己返黎又要我幫你搽。。。」





咔擦！個油字都未講完，鐵閘已經關上。

「小伙子 長大了 在世事難料的森林 尋覓理想事。。。」

聽著MP3，哼著熟悉嘅歌曲，仰望一下頭上嘅一片天空。

係香港生存嘅我地有幾何有時間會望上頭上嘅天空，更何況要談上理想事。

咇咇咇！！！「睇路呀！過馬路都掛住望天，撞死你連耶穌都打救唔到你呀。」





估唔到一出街就俾人用耶穌問候，司機大哥點會用個救字咁文雅，好彩子華教識左我自己過濾返個音，聽落無咁傷。

「~~~逃過大人的攻勢 逃過類同的複製 逃過順從的洗禮」

邊行著邊聽著歌，入到地鐵站見到一式一樣嘅自己。帶著耳機，玩著電話，呢種就係時代潮流嘅洗禮。

唔好講理想，香港人又有幾多個可以跳出潮流嘅綑綁同人有我有嘅思想？

若果你敢跳出而家生活嘅框框，你就會被標籤成不切實際，任性放縱以及標旗立異。

「何以 當你不普遍 人家 先覺得此人煩或厭 傲慢與偏見 人性中 生出了弱點」

行出地鐵站，走到球場嘅一邊，放低肩膀上嘅重負。

終於可以拋開一切生活上所有嘅煩惱，盡情係球場上發洩。因為呢一刻，我只想





「讓我有個美滿旅程  讓我記著有多高興 讓我有勇氣去喊停 沒有結局也可即興 難堪的不想 只想痛快事情」

<續>