從你的世界經過2: Ch.13
「女！我約咗人打牌啊…你自己照顧自己啦！」啊媽說完，便走了。剩得我一個孤伶伶在家。
我就開咗收音機解悶
「歡迎收聽<愛•旅行>，我係你哋嘅主持人 Sammi！今集我哋繼續有吳啊神做我哋嘉賓」
「係…早晨…大家好」
我就攤咗係梳化聽
「聽講你完成咗南非之旅之後，會去歐洲周遊列國喎…」女主持問
「係啊……呢次歐洲之旅其實都 plan 咗好耐」
「點解呢？」
「因為我一直等緊一個人一齊去歐洲。」
「哦……咁可唔可以話畀我哋聽你嘅行程係點？」
聽到呢度，我醒起盒入面有本簿有齊晒歐洲嘅地方，於是拎出嚟睇下
「好呀……我會去London, Paris, Moscow, Berlin,最後係 Barcelona」
喺個刻，我呆咗…點解個嘉賓所講嘅地方，喺本簿到全部都有晒……我再切細去聽，先發現把聲好熟。喺呢個時侯，我好亂，自己又唔專心聽個嘉賓個名係咩……
「點解會揀呢幾個地方？」女主持問
「因為……係我同佢嘅約定」
「約定？」
「唔知佢係咪聽緊呢個節目……但係我想講嘅係，就算你喺天涯海角，我都會陪你一齊…」
我已經唔知畀咩表情，越嚟越覺得有啲唔對路，個嘉賓好似同緊我講咁……
「哇…如果我係呢個女仔就好啦……好！我哋休息一陣，一陣間再同吳啊神講關於去旅行嘅奇異事」
吳啊神……啊神……係佢……真係佢。
我就一支箭咁飛咗落樓，即刻去電台。我唔知點解我咁緊張，亦都唔知點解我會好想搵到佢。
我不斷問自己點解……就係途中，我竟然得出一個意想不到嘅答案……因為，我仲愛佢。