從你的世界經過2: Ch.3
「蕭婥藍！」Mandy 在對面馬路大叫，然後心急地走過來我面前
「叫咗你幾多次唔好喺條街嗌人全名…」我感到十分尷尬
「我哋依家去邊？」她無視我
「我要搵一個叫羅樂遙嘅女仔…」
「全香港有7百萬人啊…點搵啊…」她打斷了我
「都未講完…成日窒住晒……佢讀理大…去理大搵佢」
其實自己對自己都無咩期望，學 Mandy 話齋全港咁多人，點搵。唯有盲中中咁搵。
全日都講同一句「識唔識邊個係羅樂遙」但係得個吉。
「喂！5點幾啦…返歸啦」Mandy 坐在長椅上埋怨
「搵多陣啦！你攰嘅就自己返去先啦！」
「等你講呢句好耐啦！小心啲啊！」Mandy 二話不說便走了。
「衰人」我望了望後面
突然有個女士在我面前，一不留神我撞倒她
「唔好意思啊」我十分焦急，立刻替她拾回她的物件
隨即，我拿了她的學生証，我呆了
「你係羅樂遙？」我又驚訝又興奮
「係…啊…我…我哋識架？」她問
「我唔知啊…你睇下…」我遞上了我和她的合照給她看
「咦？你係咪同我讀埋同一間中學㗎？」她十分驚訝「不如去canteen 傾啊」她提議
我心裏感到十分興奮，一見到佢，就好有似曾相識嘅感覺。希望羅樂遙呢個女仔可以解答到我
「我有好多嘢想問你…」我捉實她的手「究竟我係咩人…」
「吓？」她呆了「問啲咁嘅嘢？咪住先…你叫咩名啊？」
「我…叫蕭婥藍，Yo-yo…」我答
「蕭婥藍，Natalie？！」她大叫
「Natalie ?」我感到疑惑