生化危機下，你會點樣保護你女神？: 第五十七章

「佢地講你就信？再講，就算真係咁，點解我就要放棄自己？麥俊傑你之前唔係咁架，你到底發生咗啲咩事呀？」Cynthia聲帶沙啞的問道。
 
「你乖啦，一陣間係會有少少痛，不過好快就冇事架啦！」我硬是扯出Cynthia的右手手臂，強硬的把黑色的血打進。
 
「呀！」Cynthia雙目瞪大得快要跳離眼眶似的，心口更是不安地起伏著。
 
「冇事架。你睇吓，你依家咪又係咁！仲有一支，打埋就得架啦！」我隨手便把手頭上的針筒拋至一邊，換來第二支注滿了血紅的針筒。
 
「你同我死開呀！」誰不知Cynthia突然發難，一手把針筒掃走。只見那針筒飛書櫃並破裂，裡頭的血都濺至四周，染紅了幾本圖書。
 




「嗰支係等你可以變返人類架！」我奔騰至那書櫃旁，但一切都已經太遲了……
 
「點解……點解你要咁做……如果你係對我好既話，點解唔聽我講……」Cynthia垂頭喪氣的抱怨著，她已經變了一隻徹頭徹尾的喪屍。
 
「就算你變成點都好，我都唔會離開你架！我愛你。」
 
「我叫你死開呀！」
 
Cynthia望著自己的喪屍身軀，面上一副錯愕的表情，彷彿還未接受到現實一樣。
 




「我一直同你一齊，都只不過係因為你可以保護到我，等我可以唔洗變成喪屍……但係依家，你仲有咩存在意義呀？我仲需要你保護咩？」Cynthia雙眼通紅，滿滿也是仇恨。
 
「我只係想為你好啫，點解我講極你都唔明呀？」見她不懂我心意，我也急得直跺著腳。
 
「你係我邊個呀？你做咩要對我好呀？你估我同你訓咗一晚，我就係你架啦？哼，既然你都冇存在價值，唔該你同我死遠啲。」不可能的……在我心中的Cynthia絕不是如此可怕的人！
 
「一定係因為啲血搞到你心情咁差，我明架！我……我之前都係咁！你等我一陣先，我好快返嚟！」我死命的搖頭，否認事實。
 
「夠啦，你呢世都唔會做到我男朋友呀！上床扑野啫，我個個星期都同唔同男人訓架啦！」但Cynthia卻一手把我扯回現實之中。
 




「夠啦……」我抱住頭崩潰哀求道，雙腳也乏力的無法支撐身體而趴在地上。
 
「你睇吓你自己依家似咩啦，似隻狗呀！你呢既人，點會有女呀？你訓醒未呀？」
 
「你同我收聲呀！」我再也忍受不住Cynthia口中的一詞一語：「你……響到抖陣先，我出一出去，等我。」
 
你問我是否因不敢面對現實而逃跑？
 
才……才不是！老子可是有更重要的事要辦！
 
一旦其他人醒過來後，我和Cynthia可是有生命危險！就說只要現在逃亡的話便可逃出生天，但是還是那句話……
 
以防萬一！
 
「呀峰？點解你仲未訓既？」剛步出兒童圖書館，便看見呀峰正坐在門口看著兩日前的報紙。




 
「點都要有人守夜架。」但是，眼鏡男很容易便走了進來……看來呀峰的存在也只不過是擺設。
 
但的確，在他身旁的機關槍卻是一大工具，首要條件就是要搶奪那把機關槍，之後則是……
 
殺咗佢。
 
「你攰唔攰呀，反正我都訓唔著，不如我頂你個位啦。」我假裝體貼的拿了把椅子便一屁股的坐下來。
 
「唔洗啦，我睇住報紙就得架……」呀峰的話都未說完，就被自己的呵欠聲覆蓋住。
 
「你睇吓你啦，你俾把槍我旁身，之後返上去抖陣先啦。」我正想一手奪去機關槍，但呀峰稍有遲疑並把槍移開。
 
「你識得用咩？」
 




「唔識呀。」
 
從呀峰的眼神中不難看出他對我的困惑，我趕緊在腦海中搬出一個合理的藉口：「咁……唔識用都可以學啫，響呢個時世，學多樣野都冇壞呀！」
 
「聽朝先教你啦，呢把野好嘈架，嘈醒你個女朋友仔就唔好啦。」呀峰陰沈的微笑，順手的把報紙撇在地上。
 
嘈……？