生化危機下，你會點樣保護你女神？: 第五十五章

計劃？到底牠們口中的計劃是什麼？
 
我拾取眼鏡男放在地上的針筒，心中也正盤算著一記問題。
 
我應唔應該落手？
 
牠們的話，又是否事實無誤？剛剛眼鏡男還對我有所隱瞞，的確不應盡信牠的話。
 
咁……我仲落唔落手？
 




這問題，直至了現在，也即是入夜過後，仍在思考當中。
 
健美喪屍步出運動館後便指揮剩餘喪屍們離開，眼鏡男和憤青也分別跟我揮手道別。我們等人便開始計算倒下的喪屍，總共是一百零二隻。
 
之後，我們未有理會和處理外面的喪屍屍骸，只顧回到圖書館裡休息。
 
一躺，便已經來到了晚間。
 
「麥俊傑。」
 




Cynthia放了一片塗了花生醬的方包在我眼前，而我也不好推掉她的好意，只好接過但未有咬上一口。
 
「你做咩今日入咗去對面既體育館既？」Cynthia隨便的坐在我身旁，吃著夾住午餐肉的三明治。
 
「你想唔想變成喪屍？」我心裡依舊停留在健美先生的問題之中。
 
「有邊個會想做喪屍架？」Cynthia笑得現了一顆小酒窩，顯得份外的清純……
 
如果你變成喪屍之後，仲會唔會好似依家咁靚？
 




「但係，只要我地都變晒做喪屍之後，我地就唔洗好似依家咁苟且偷生，可以光明正大咁生活落去。」我說得一點也沒錯，喪屍正以飛快的速度發展著，為何我們還要吃手上的方包？
 
「為咗過好啲生活，你連原有既身份都可以唔要？」
 
……
 
「但係……」我沒有把話繼續說下去，反倒吞食手中的方包。因為我深知這句話，很有可能會破壞我們一直以來生存的動力。
 
但係…我地最後都一定會變成喪屍……根本只係時間既問題……
 
「點解你啲血會係狗血呢？」Cynthia吃罷後拭嘴問道。
 
「我點知喎……可能當時真係有隻狗咬埋一份呢。」我沒有對此深究，只好輕輕帶過。
 
「但係我嗰時企響上面望住你，我都睇唔到有狗既……」Cynthia彷彿對我的血甚有興趣似的。




 
「如果我冇估錯既話，今次呢場生化危機係由病毒傳染，而病毒既源頭應該就係一隻狗。」Brian站在兒童圖書館的門口，指間夾著一支點燃的煙，時不時地送到唇邊輕吮。
 
「點解會係狗？」我本能反應地掩住口鼻，好讓吸不到二手煙。
 
「我只係估估吓，冇任何實質證據證明。」Brian見我甚是介意他嘴邊的煙，也只好擺出「可以」的手勢並遠離。
 
「咁係因為……狼係狗既祖先！」Cynthia運用她的聯想法，說得難聽一點就會糊思亂想。
 
「狼……狼……狼人！」
 
「咁所以呢？狼人又關喪屍咩事呢？」在我眼前的，活像一個只有五歲的小女孩。
 
「唔知呀！夜啦，早抖啦！」Cynthia老羞成怒的轉身躺下來，未幾便真的發出了打呼聲。
 




「其實佢某程度上都講得幾啱。」眼鏡男不知從何探過頭來，我立馬站在Cynthia面前保護她。
 
「其實咬你地，對我地喪屍真係一啲好處都冇，我地又唔係靠你地維生既，所以我地係可以選擇咬唔咬你地。」眼鏡男拋低手中的萬能鑰匙。
 
「你話佢講得啱係咩意思？」雖然如此，但我依舊保持原有的警覺性，生怕他突然發難。
 
「我一直都諗緊點解喪屍既血係同狗既血咁似，原本係病毒突變先搞成咁。」眼鏡男就地而坐，也示意我不必站著。
 
「你可唔可以講清楚啲？」我真的不喜歡眼鏡男把話說得不清不楚的。
 
「瘋狗症。」