生化危機下，你會點樣保護你女神？: 第三十四章

「喂你話到時應該帶啲咩去？」我的朋友坐在班房裡的老師桌上，眼睛只顧望著報紙上的報導。
 
「你講七一遊行？」基本上，我們在整個對話當中都沒有任何眼神交流，因為我們都在聚精會神的看著各份報章。
 
「唔通講你呀媽個喪禮咩！」對，雖說我們對國際大小事都事事上心，但內心和一般中學生無差，都是喜歡互相噎人……
 
還是那種極為低級的惡趣味。
 
「咪又係同上年差唔多，去地鐵站到派吓傳單咁囉。」另一位友人推開了門，隨手把書包一擲，接著再從我身旁奪去我的報紙。
 




「呢幾份我未睇架！」我嚷道。
 
「妖，你一次過睇晒咁多入咩，你睇完你手上面嗰份先啦！」友人理直氣壯的翹起二郎腿，沒再多講半句。
 
就這樣，我們課室再次回到了原來的沉默。
 
靜得有點過份。
 
「點解咁耐都未有人上嚟既？」朋友看罷報紙後望了望課室上的時鐘：「八點半啦喎！」
 




「係咪條八婆校長又唔知講乜野呀？」我的眼睛看得有點累，也放下了報紙並擦擦雙眼：「唔係喎，出面一啲聲都冇既？」
 
「出去睇吓囉。」友人大步流星的走出門口，沒多久便衝回班房。
 
「仆街。」
 
很快，低沉的吼叫聲便傳入了我們的耳中。
 
「唔好再留響到，快啲走！」我拾起書包，著他們趕快離開並回到多人熱鬧的地方。
 




「點走呀，出面全部都係嗰啲野……」友人也不能確定他看到的是什麼，但可以肯定的是，並非好傢伙。
 
喪屍聽到聲音後，很快便找到出聲音的來源，也正是我們。牠死死的盯在門外，彷似是等待著我們忍不住手打開門。
 
「就算出到去都冇用，佢地原先開緊早會，所以樓下都應該變晒做喪屍！」一想到操場下有數百隻喪屍期待著我們作為他們口中的美食時，心裡又是一震。
 
「但係我地都冇可能呢世留響到架……」我喃喃自語的盤算著。
 
「不如報警啦。」朋友在這時候居然說出這最低劣的辦法。
 
「警察就收皮啦，靠佢地不如靠自己！」友人把我的心聲全給說盡。
 
有了！
 
「你係咪住獨立屋架？」我想現時最安全的地方，非獨立屋莫屬。既有一定糧食，又能提供一個安全的地方。




 
「係呀，但係我地點出到去……」友人對我這一問顯得有點不解。
 
「要離開呢到就輕鬆啦，我係諗緊之後去邊到啫。」我向他們招招手：「跟住我啦，我次次遊行示威都要走佬，有經驗架啦！」
 
我打開玻璃窗並用力的把書包拋至遠處，果然喪屍馬上跟蹤著聲音來源奔至。接下來我和友人們立馬跑到走廊外，眼見操場出面有幾塊運動課時用到的軟墊，心裡又是一笑。
 
我一直都想咁做好耐架啦！
 
我閉上了眼，從五樓直接跳去地下，幸好軟墊還是新束束得很，因此我也沒有受半點傷。
 
「爽！」我大喊道，只見操場滿滿的喪屍都只眼巴巴的看著我而未有上前，我便得知他們害怕陽光。
 
「跳落嚟啦，好好玩架！」我對著還在上面呆望著我的友人們大喝。
 




「我想返屋企搵返我呀媽先！」朋友跳下來第一句話便是這樣。
 
「太危險啦……我地響到寫低自己個名同埋我地之後會去既地方啦。佢地冇事既話就會嚟學校搵我地，咁佢地見到我地寫既野就會去搵返我地架啦。」我隨手拾起地上的石塊並開始書寫著。
 
「之後就去咗佢地屋企打咗成日機，直至我見到手機上面寫住呢到係避難所之後就決定嚟呢到睇吓囉。」憤青回憶起昨日的事，還是津津樂道。
 
「咁你啲朋友呢？」 女漢子好奇的問道。
 
「佢地話懶得過嚟，所以咪得我自己一個出嚟囉。不過講開又講，聽日我要返返去叫埋佢地過嚟，你地唔介意呀嘛？」
 
多幾個生還者，的確能多了個照應，但是……
 
資源亦會被攤分。