生化危機下，你會點樣保護你女神？: 第二十四章

喊殺聲，慘叫聲，種種聲音不絕於耳。

而我也沒閒着，拿着麥當勞的椅子狠狠地往喪屍哐下去。

「唔得啦，佢地打極都仲有，我地再係咁落去唔係辦法！」那短髮的女漢子一刀把身旁的喪屍的頭顱給斬了下來。

「咁你有咩大計?」剛剛扯住我衫袖的男子，原來早在我身後並活生生的硬把面前的喪屍扯下了頭蓋。

「最危險既地方就係最安全……山長水遠嚟到呢到，冇理由唔信返佢一次既！」我把Cynthia拖得緊緊的並支吾著，視線依舊停留在那泳池入口。





「但係我地啱啱唔係已經入過去咩？入面乜都冇呀！」Cynthia都急得直躲著腳，都快被嚇得要哭了。

唔係，仲有一個地方未睇清楚！

「入去泳池入面，討論區講得出呢個地方就一定有佢既原因，我就唔信香港咁大佢係都唔講，剩係講九龍公園既游泳池！」我一馬當先的步進了泳池範圍，回首示意其餘生還者也一同進來。

果然，喪屍們全都只在門外逗留，沒有一隻踏入這裡。

「呢到……真係避難所？」這問題，相信也出現於各位的腦海中。





「雖然唔知點解會咁，但係佢地都冇跟到入嚟，話唔得政府真係起咗個避難所呢！」女漢子隨手把刀擲了出去，誰不知站在最前的喪屍竟一手接住。

「政府收皮啦，叫佢搞好啲個樓市咁少既事都搞唔掂，仲諗住佢地可以起了個避難所出嚟？」這番話，很明顯是出至一位俗世憤青的口。但想深一層，他所說的話並不是沒有他的道理。

這避難所暫時來看，除了防禦喪屍之外，壓根兒可以說是一點屁用都沒有。但政府要建設出一個如此般的避難所，也只有一個原因……

政府一早就知會有一場生化危機。

說得明白一點，如果你是政府，你會興建一個地震避難所還是生化危機避難所？





生化危機避難所嗎？幸好你真的不是我們的政府。

「好啦，我地終於入咗嚟啦，咁之後呢？大搖大擺咁行返出去？」身體健碩的扯袖男拍打著身後的牆壁，但除了發出嘈音以外便再無作用。

「你行得返出去先再算啦。」我冷諷道，門外的喪屍無一不是虎視眈眈的盯著我們這些美味的甜品。

「車到山前必有路，先唔好自亂陣腳先，我地冷靜啲睇呢到有啲咩啦。」一位還穿著校服，樣子還算是標緻的女學生突然走到人群中間並指揮。

「嗯，我地就四周圍睇吓啦！」我沒把我先前的發現告訴給他們，因為我生怕我在調查途中看走了眼或是什麼的，還是讓他們再看一遍吧。

在這生還者小組中，加上我和Cynthia，合共有七個人，分別是我和Cynthia、女漢子、扯袖男、學生妹、憤青和一位至今尚未發言的眼鏡男。