生化危機下，你會點樣保護你女神？: 第十章

陳sir拿著盛裝著我的血液的試管搖了搖：「先唔好講你呢種所謂既超能力有冇咩負作用。你試諗吓，如果你變成喪屍既時候，遇到一班生還者，佢地會點對你？相同地，如果你係正常人既時候，俾你遇到一班喪屍，你又會點？」

「我……我大可以即刻變返做佢地既同類架！」看來，我還未認清現實。

「如果你響是但一方面前突然變身既話，我驚你會死得更慘。」陳sir住下了手腳，厲眼的望著我：「你依家係同時俾黑白兩道追殺，你係咪仲覺得你好安全，冇生命危險？」

說到這裡，我才默然的認清現時的狀況……

我好危險，係好撚危險！





「咁……點算好呀？」在這時，我根本無法思考，只好拋出這幼智得很的問題。

「你問我，我可以問邊個？我都係第一次遇到啲咁既情況，所以我地現時都只可以係見步行步。」陳sir不知加了什麼化學液體在試管裡，再次搖兩搖後放進一部我連名字也說不出的機器裡。

「你呢到會唔會咁啱有筆記簿可以俾到我？」我突然問了這亳無關連的問題。

「呢到係學校，點會連一本筆記簿都冇呢？」陳sir從黑版下的老師桌掏出一本單行簿和一支黑色圓珠筆並遞給我。

我接過簿子和筆後，立馬在簿子上寫上我的名字。我要把我的經歷全寫進這本簿子裡，我想……就算我死了，總有後人會知道有我這個人，知道我的故事吧！





「陳sir……」我活像個學生般舉起手發問：「我一變咗喪屍之後，可唔可以幫我記錄低我做過啲咩呀？」

「嗯……」只見陳sir低頭沉思了一會後點頭示意，也許他剛剛就在想在我變喪屍時，到底有沒有時間好讓他能寫下幾個字吧。

我說了聲「唔該」後，便埋首揮筆，再沒說話。而陳sir也在黑版上寫著我們現時的情況，希望從中能得知一點線索。而他更不時看看那部機器和窗外有沒有什麼特發事情。

就是這樣，這間實驗室便進入了一個鴉雀無聲的環境。寧靜的氣氛總是讓人頭腦清醒，也令我可以完整的把我的故事寫下來。如果可以的話……我當然希望是由我自己把這故事說給別人，而不是讓別人找到我的故事而跟別人分享。

「唔得，我地依家所知道既野實在太少啦，不過我諗應該就係咁上下啦……」陳sir冷笑了數聲並放下了粉筆，眼睛沒離開過黑版半秒。正在檢查的他不時點點頭，彷似已弄清頭緒。





我也探了頭望著陳sir所寫的事，發現也不過是一些已知的現實。

生化危機：源頭不明(病毒，突變，外星人)
喪屍：咬人類，吃同伴，怕陽光，行動速度與常人無疑
遇害範圍：不明(個別地區，全港，全世界)

「係呢，你部電話仲響唔響身邊？」陳sir忽然問道，我立馬拍拍自己的褲袋，幸好剛剛逃跑的時候沒掉了。

我再次打開討論區看了看，發現上面也有不少人開始明瞭眼前的情況，更有不少人希望找到更多生還者一同行動，當中不乏一些MK子女在招兄弟姐妹和情侶。

「其實佢地咁樣做都啱……我地都好應該學吓佢地咁……」陳sir瞄了瞄我的手機後，突發其想說。

「你都想招家姐同細妹？估唔到你係啲咁既人……」我不禁把目光停留在陳sir身上，我想我必須為他重新評價一番。

「你講咩呀？我係話我地都應該搵吓同伴一齊行動，人多都好辦事啦！」陳sir也皺著眉的和我的視線對上。





「冇……我冇講咩呀……」

看來需要重新評價的，是我自己。