憤怒•新罪的誕生[七罪][魔法] (逢星期一、三、五更新): 第二章:我的人生出現BUG？
一趕到返學校，咩都唔洗諗，第一時間就緊係對住Miss扮死狗啦。
「Sorry啊Miss，今日肚痛啊，出泥之前又屎忽大爆炸，咁我緊係要順應天命架啦，所以我咪又去多次廁所囉，呢啲純粹係天意，冇錯，一定係天意。靚女Miss啊，天意嘅野冇計架喎，唔洗罰啦，如果唔係會遭天譴架！！」
「天譴下話，天譴你都吹得出，睇你下次仲可以吹到啲咩出泥……遲到嘅學生好清楚要點做架啦，唔洗我教啊嘛，你都唔係第一次架啦，好心你唔想抄書就做好啲，唔好遲到咪得囉。記得放學之前抄完佢再攞落泥比我啊。咁多位同學由呢一刻開始自修，反正都係得返十五分鐘，咪當比時間我地嘅同學抄下書囉~」
聽到Miss判落嘅聖旨，我當堂頹到爆，唉鬼叫我柒啊，頂硬上，應該都好快抄完姐……
「喂，啊柒，又抄書啊，哈哈，請半日都可以遲到，啊柒呢個名真係非你莫屬啊，哈哈哈，笑撚到我呢，咳咳哈。」
「唉，啊好再笑佢啦，我驚再笑佢，聽日A1頭條係用佢做新聞啊，哈。」
呢兩個就係我係學校嘅老死，成個柒頭咁樣嘅個個就係叫智仙，為人一個字，煩，乜都可以講一餐
上至人生中的大道理
下至邊個Miss最好J
只要你唔怕煩，搵佢做朋友一流‧
而個個高高大大，運動又叻藝術又勁嘅中五級男神就係傳說中嘅啊卓啦，冇錯，係傳說中嘅男神，點解我會咁叫佢?因為唔單止學生妹會為佢瘋狂，就連學校Miss都對佢有意思，聽講佢仲直頭食埋添，所以係我地男學生裏面，都會叫佢傳說中嘅啊卓。
「屌你兩個啦，首先我個名係叫七！刃，唔係叫柒刃，第二就係我！係！唔！會！自！殺！嘅！，唉今日都唔知咩事，諸事不順。」
「Anyway啦，柒哥，你菁英泥架呵？點…點解上一場LOL同個新手打都用左成個鐘嘅，唔通你…廢左？！」
智仙望住手機版garena，o曬嘴咁問。
「係啊，講起呢樣野，真係講比你聽都唔信啊，一個牌都冇嘅新手，竟然同我打到不分上下，有幾次仲差啲比佢殺添，我認真都要用成個鐘先打得嬴，都唔知佢係咩人嚟……」
「一定係你廢左啦，柒哥，估唔到一個人一日可以柒咁多樣野，你都係呢間學校第一人囉，柒~哥。好心你柒小陣啦，點解你可以咁……」
「得啦得啦，夠啦，你好鬼煩啊，啊柒對方係咪假新炸？」
「都係啊卓哥講野實際啲，智仙你學下卓哥啦，不過都係唔好叫我啊柒。老實講好大機會係假新，佢啲技術同概念都唔似新手，甚至可能仲勁過我。」
我諗一諗，好認真咁講。
「唔係呱？勁過你？咁睇泥佢應該係假新想嚟挑戰你。」
「唔單止咁樣，而且仲……」
「喂，你地又講緊LOL啊，咪講啦，好悶啊~七刃陪下我啦~~」
(唉頂，本來想講把老牛聲嘅野都比人阻Q住曬，真心煩！)
係我身邊阻Q住曬嘅女仔就係我地班嘅女神----芷柔。
大大嘅眼睛好似識得勾走你嘅靈魂咁；雪白嘅42吋長腿囚禁住你隻眼，令你目不轉晴；34C嘅身材吸引唔小嘅男生，好多人都想感受一下佢嘅壓逼感，真正屬於女神級系列。
「喂，你地三兄弟又係到傾計啊，柒~同學你好得閑咩？唔洗抄書咩？係咪想加下抄嘅次數啊？仲唔快啲抄！！」
「放學先傾啦，個死老野係到阻住曬，傾都冇引啦。」
叉仔一路舉住中指一路細聲咒罵。
做學生其中一樣最期待嘅事莫過於就係放學，只可惜今日嘅放學唔關我事。
.
.
.
.
.
.
.
.
「Goodbye and thank you Miss！」
「咁多位同學再見，就泥考試，你地快啲返屋企溫書啦，知唔知道啊？不過呢，柒~同學啊，你記住要抄埋先好走喎，係咁啦，88。」
Miss個樣奸笑住咁講，頭也不回咁走，真係令人嘔心同憤怒，我嘅內心好不自覺咁諗。
「屌唔撚係啊，仲有成章味抄喎！屌佢個仆街，搵日真係去屌鳩佢個老屎忽先。」
(當然係講笑啦，唔通真係去屌個老人家嘅老屎忽咩)
唯有叫班老死走先啦，無謂要陪我啦，唉… 過左唔知幾耐，終於抄完課文，手攰到好似唔屬於自己咁，好自然咁望一望鐘。
「哇！唔係啊嘛，差唔多成六點啦，大獲啦，仲約左智仙同啊卓打LOL架……」
突然之間，今朝早個把老牛聲又出現，今次唔同嘅係地方，係一個空無一人嘅課室，而且今次佢唔再係同一句說話，而係……
「怒，在這個世界裏生活，你……開心嗎？」
「？」
「哈…哈……哈哈，幻覺嚟嘅啫嚇我唔到嘅，哈…哈。」
我咩都冇諗到，唔理三七二十一，雞咁腳就跑返屋企。直至返到去先發現到自己嘅雙手一直都係到震，我無多諗亦都唔夠膽多諗，只可以希望呢一切都係我自己太攰，搞到自己幻聽。
「咪啦，廢事自己亂諗野，搵佢地打機先。」
「叮，叮…」
一打開部電腦，就即刻有封email send過泥比我，我不以為然咁打開佢泥睇。
但冇發現到呢封野……
係冇署名嘅。
「你生活得開心嗎？想冒險一下嗎？」
「吓？咩事……」 生活係呢個世界，就緊係…開……開心啦…
「你想試一試隨時隨地跟隨你自己的想法去過你的人生嗎?」
哈，呢樣野，係香港到…有機會咩？香港就係一個弱肉強食嘅地方。由細到大，屋企人都叫我生性同讀書，但關於我自己嘅夢想，佢地都只係會話不切實際，強逼我去過住唔屬於自己嘅人生，其他人就只會阿諛奉承或者雪中送屎，學校嘅Miss咪就係樣板囉，咁樣嘅生活，值得我去留戀咩？呢個世界就係咁現實架啦……如果有機會嘅話，我真心希望可以改變一下我嘅人生同埋我嘅世界……
「如果係想嘅話，不如等我帶你去我嘅世界，去重生過一次屬於你自己嘅人生啦！」
突然之間有把聲係部電腦到發出泥，就係個一瞬間，我將生平所學識嘅粗口，無論係廣東話，定係普通話，甚至出動埋英、美、法、德、俄、日、奧、義八國聯軍，都無辦法去表達當時個種震驚嘅情緒。
正當我仲想用其他比粗口更粗口嘅詞匯去XY佢嘅時候，我就比部電腦吸左入去
無錯，係啊
係吸~左入去啊，你問我點解會知？
.
.
.
.
.
.
.
.
.
緊係知啦屌！我望住自己嘅身體一下子比部電腦吸實左，仲要卡住左係個mon到，唉都算啦，入唔到咪諗計囉，又唔一定得一種方法嘅……你唔洗扯啊話，痛架大佬……
電腦聽到我痛苦嘅呻吟聲都冇停到，仲大力啲添，唉仆街買錯mon啦……
拿…啊媽，今次你個仔我好乖啊，唔係係到打飛機啊~~啊~痛 一講完就終於吸到我入去啦……
之不過出到去之後嘅情況，都唔係想像中咁好…仲話咩新世界喎，挑~
望住呢個村落………
我這人生™的出現BUG啦………