馬檻揸 Fit 人(s) 之未發佈的延續篇 (完): 第八章

猩猩仔又再吞左一啖口水, 「惠….惠心, 我尋晚發夢又再見到妳, 我問妳, 如果我到左澳洲之後, 唔知到時我仲可唔可以響夢中度見到妳?」
 
Jenny 問住猩猩仔, 「咁….我點答你呀?」 「妳話會, 妳話一定會再響夢中度同我一齊嘅!」 Jenny 笑住點左一吓頭。
 
飯後, 猩猩仔同 Jenny 正行去私家車方向, 突然, Jenny 一隻柔軟嘅玉手已經輕拖住猩猩仔隻手, 「啊…..」 猩猩仔已經驚到啊左一聲同唔知比啲咩野反應至好。
 
Jenny 好溫柔咁同猩猩仔講, 「我地不如行一陣先吖!」
 
沿住西沙公路, 猩猩仔同 Jenny 響呢晚咁靚嘅月色底下, 兩人正親暱地咁手拖住手黎漫步住, Jenny再問猩猩仔, 「係呢, 其實我響你夢中, 仲有無同你做過其他啲咩事咁架?」
 


呢句說話, 搞到猩猩仔即時就谷精上腦, 雖然個心就已經答左做愛呢兩個字, 但現實中嘅佢就點都唔敢講呢兩個字出黎, 「做…做咩….? 咪都係啲….傾…傾吓偈, 行吓街…之類嘅事囉!」
 
一把姣到爆嘅聲線響起, 「咁….我有無…同你….上過床….呀?」
 
超級好大反應, 「嘩….有…無…無…有, 唔知呀, 我都唔記得左有無同妳咁做過….」
 
但猩猩仔都仲未講完, 個咀唇就已經比 Jenny 用口封住左, 月色底下, Jenny 正咪埋對眼, 正抬頭錫住正硬哂軑嘅猩猩仔, 但好快, 一隻狂野啲猩猩就已經用力將 Jenny 攬番住起黎錫緊。
 
鍚完一輪之後, Jenny 就響猩猩仔耳邊度講, 「車我番屋企吖!」
 


一句令猩猩仔極度失望嘅說話, 果然, 歡樂嘅時光就過得令舍特別快, 又係時候要講拜拜。
 
二人番左上車之後, 猩猩仔正不發一言咁就送緊 Jenny 番屋企, 諗起頭先嘅親密情境, 猩猩仔恨不得一陣可以再同 Jenny 錫多一次先至離開。
 
已經番到 Jenny 嘅屋企住處, Jenny 無出到聲就開門行左落車, 猩猩仔伸左個頭出去嗌住 Jenny, 「林小姐…呀唔係, 惠心, 我…我….」
 
Jenny 行到司機位旁車門出便, 「你架車泊番入啲先啦, 咁停就會阻住人地啲車出入架!」
 
猩猩仔聽到之後即時兩手軑就泊好左部車, 見 Jenny 正好似等緊猩猩仔咁, 猩猩仔跟住亦開住車門行左落車之後, 唉, 比我咀多兩啖先至走啦。
 


Jenny 行到去大門度, 見佢用鎖匙開左門後, 猩猩仔仲係唔知 Jenny 究竟想點, 但好快, Jenny 就同猩猩仔講, 「入黎先啦!」
 
嘩, 不得之了啦, 猩猩仔已經緊張到差啲就仆街咁跟住 Jenny 尾入到屋內, 門關上後, 兩個人又再對望住, 「惠…….」
 
Jenny 殊住猩猩仔, 但見 Jenny 好似開始有啲舉動咁, 唔係呀化, 除衫?