馬檻揸 Fit 人(s) 之未發佈的延續篇 (完): 第三章

不過又真係實在太過尿急, 頂唔住, Jenny 已經半踎半跪襟住度門咁講, 「喂大佬, 拍拍硬檔, 唔得, 要瀨, 麻煩你….出一出去先…..」
 
個男仔定男人聽到咁, 即時收棍休褲同拉鏈, 跟住就再對唔住前唔好意思後咁就走番出女廁之外, 望住呢個四圍都濕哂嘅屎塔範圍, Jenny 皺左一吓眉頭之後, 但尿急就點都要痾架。
 
走廊外, 一個牛龜馬大, 四肢發達嘅麻甩佬定仔, 正挨住幅牆遠眺住個女廁門口。
 
係佢, 簡直就同我咁多年黎夢境中嘅佢一模一樣, 但點解? 今日我居然會響呢度同佢小便相逢, 唔通, 唔通呢啲就真係我同佢嘅緣份?
 

 


已經廿到有掹, 但最遺憾同難於啟齒嘅就仲係處男, 夢中, 我每晚都同佢響床上激戰住, 但事實上當然就係由我雙手輪流地代勞啦, 但而家, 一個真實嘅佢就已經響我面前出現住。
 
好靚, 估唔到真人比起夢境之中嘅佢仲更加靚, 係嘞, 佢而家應該係除左條底褲坐左響入便, 唉, 真係好葡萄個廁所板, 我令願我就係個廁所板, 等佢一急嘅時候就要除褲坐落我度, 我……
 
垃圾婆正呆望住個男人, 「挑那聲, 攬住幅牆響度發花癲!」
 
個男人見垃圾婆一行開, 跟住就響佢背後, 「嗱, 關妳銀事呀!」
 
廁所木門打開左, 期待中嘅女神經已響廁所度痾完尿行番出黎, 心跳正在加速, 手滕兼夾腳震。
 


Jenny 已經行到個男人面前, 兩個人正在四目交投住, 男嘅心內更期待跟住就可以同女神情話綿綿之際。
 
「仆你個街, 你有無搞錯呀, 痾到個女廁入面四圍都濕哂…..」 Jenny 正怒啤住個男人響度鬧住。
 
但突然, 響單位內嘅林生正行左出黎, 林生見到 Jenny 係咁鬧住面前嘅男人, 跟住林生就氣沖沖咁行到上前。
 
「日生你個衰仔, 我叫過你幾多次做人千祈唔好行差踏錯呀, 但點解你硬係唔肯聽我講架?」 講完, 林生跟住就左一巴右一巴咁聲埋去個男人塊面度, 跟住就再對佢拳打腳踢左幾吓之後。
 
「陳小姐, 唔好意思, 衰仔, 即刻同我去後樓梯攞啲野抺番乾淨個女廁去, 正一係衰仔黎架!」
 


Jenny 睇到呆哂咁, 見林生個仔正緩緩咁行去後樓梯方向, Jenny 就同林生講, 「林生, 件事都唔係咁嚴重啫, 而且你個仔又咁大, 始終……」