是命運，令廚師和香料遇上: 第三章 幸福的頂端２

「九哥，呢碟野好食就好食，但好似好普通，無咩綽頭咁喎。」美芳說。

「老闆，碟野個樣好特別，但內裡咪又係牛河～金玉其外喎。」小遊說。

「得，我再諗諗，仲有時間既，仲有時間既。」仇九道。

仇九為了下星期舉辦的「全港金牌茶記廚房佬大賽」試菜，唯一直都試不出個所以來，心中一直沈滯不己。

仇九什麼樣的菜式都會做，但他的目標，是要創出一碟前無古人的菜式，只屬於他，仇九的菜式。






「歡迎大家黎到「全港金牌茶記廚房佬大賽」！！！！今日，我地就要係云云廚房佬當中，選出一個最強既金牌！大家準備好未！」主持人問道。

「開波你就開波啦，咪咁多廢話！」有數名參賽者說道。

「.....不愧係廚房佬，好！事不宜遲，立即開始第一回合－－－－刀功！」

一眾參賽者都拿出自己的私家菜刀來。

仇九的菜刀，卻比其他參賽者的短了一大節。





「嘩，呀生，因咩解究你把刀咁崎型既？」仇九旁邊的參賽者說。

仇九笑笑，沒有回話。

會問這條問題的，必是新手。

廚子的刀，必須鋒利。頓了就要磨，頓了就要磨。

磨著磨著，刀身自然會變短變窄。





這刀，是拍拖一個月紀念日時，美芳送的。

用著用著，也有十年了。

感情愈厚，刀鋒愈薄。


「好，各位，你地既題目係要將每位眼前既羅蔔全部切絲，最快既二十位將會進身下一回合，開始！」

比賽一開始，大家都趕緊把羅蔔一條一條地從竹簍內拿出來。

唯獨仇九，他一次過就把所有羅蔔放到自己跟前，不徐，也不疾。

沈馬，呼氣，放鬆手腕。





突然，仇九眼神暴發光芒！手，也像磨打機一樣動了起來！

好...好恐佈的速度。大量的羅蔔絲在一息間飛散在針板上。

情況如同紙張遇到碎紙機。

只見仇九右手刀影不斷，左手則不停地把羅蔔推向刀影陣內。

羅蔔絲要多少有多少。

仇九完成。

其他對手，最少也有一半的羅蔔未處理好。





用「壓到勝」這三字，毫不為過。