是命運，令廚師和香料遇上: 第二章　是幸福吧？

「太！好！啦！」美芳和仇九都大聲歡呼。

「我地自由啦！！！！」仇九和美芳都一手拿著羊排，一邊興奮地說道。

今天，他們終於把最後一期債務還清，他們終於不用背負任何東西，自由自在地生活了。

二人都忍不住買了一大堆平時想要食，但又不敢買來食的東西回家大快朵頤。

消費，原來可以那麼爽！





二人大吃大喝，都沒有留意到小遊靜靜地推門入屋。

「媽，老闆，我返黎啦。」小遊低頭，走進房間內。

仇九和美芳都發覺到有點不對路，都放下手上食物，到房間處看望一下小遊。

只見小遊連校服也沒有換下來，就跑到床上，一聲不響的。

「小遊～做咩無晒心機架。你知嘛，今日我同九哥終於還清晒所有錢啦！我地開緊PARTY丫，你快D黎一齊食野啦！」美芳說。





只見小遊轉過身，用手輕抹一下雙眼，然後用和平常一樣活潑的聲音說道：「嘩，咁就真係要起身食啦，費事Ｄ好野都比你兩個為食鬼食晒我既！」

仇九沒有錯失小遊這小小的動作，但他心知小遊強裝無事無非為免美芳擔憂，故也不說穿。

夜幕低垂，美芳也早已醉到在房中。

「哈，你媽咪咁多年都唔識飲酒，飲小小就訓到隻豬咁啦。」仇九說。

「嗯，係囉。」小遊說。





「好啦，小遊，咁你可以話比老闆知，點解你咁唔開心未呀？」仇九問道。

「................」小遊沉默。

「你放心，我一定唔會爆比你媽咪聽既。你咪當講個故仔比老闆聽下囉～」仇九說。

「老闆呀....你仲記唔記得尋晚我叫你教我整果個LUNCH BOX呀？」小遊說。

「記得，到最後我地大家都認同係非常好食架。我同你媽咪都估到你實係整黎比你個男朋友仔架啦～」仇九道：「佢唔欣賞？」

「係.....係丫！佢今日食完，話好難食，仲成個飯盒掉落地下添呀！」小遊泣然道。

「嗯....我明啦，你一番心血被人當垃圾，當然傷心啦。」仇九邊說，邊走進廚房。

「咪係囉....咪係囉。」小遊停不了眼淚說。





幾分鐘後，仇九端出了一碟炒焦了的荷包蛋出來。

「你試試。」仇九說。

「嘩，好難食呀！老闆搞咩呀你？」小遊問道。

「呢隻味道既荷包蛋，就係你媽媽第一次為我煮既午餐啦。」仇九說：「當年你媽煮野幾難食，你最清楚架啦。但我當時覺得，呢隻荷包蛋係我食過，最好食既食物。」

「吓？你傻架老闆？」小遊也停住了眼淚，不解地問道。

「我食到既，唔係隻荷包蛋既味道，而係你媽咪既心意。」仇九道。

「你....你既意思係咩呀老闆？」小遊問道。





「小遊，拿，我頭先岩岩就幫你煮左個新既LUNCH BOX，包好味。你聽日再試下拎比你個男友試下啦～我去訓啦，Ｄ野就交比你執囉，THANK YOU～」仇九說完，轉頭就進房去了。

翌日，仇九放假，安安樂樂的在家中等待小遊放學。

「點呀女？你個男友食完個餐盒之後，仲有無講咩呀？」仇九問道

「唔知喎，我同佢分左手啦，個午餐盒我自己食左啦，無得頂！勁好味！」小遊舉起大姆指說道，神色沒有半點悲傷。

「哦？做咩無啦啦分手呀？」仇九問道。

「咁....我尋晚諗完又諗，覺得你講得好岩。佢連我既心意都可以當垃圾，呢D咁既賤男友仲要黎做咩喎。我今日呀，食個飯盒果時，就正正食到你尋日同我講果樣野－－－－心意」小遊笑說。

仇九也笑起來，說道：「拿，唔係我要你分手架，係你自己要同人地分手架渣，唔好遲幾日黎賴我發我脾氣呀！」

「傻啦，多謝你呀老闆，我開心晒啦。」小遊衝過去抱住仇九說道。





誰說他們不是真正的兩父女？

試問有那個父親，能夠如此花心思地開解女兒呢？

血緣，本就不是感情的一種。