是命運，令廚師和香料遇上: 悲劇，可以是喜劇的開端

「老闆丫，你唔好拎返個銀包就走啦，媽咪話佢今日收早，問你要唔要黎我地屋企食餐飯丫。」小遊問九哥。

九哥遠遠地望著美芳，美芳也遠遠地看著九哥。

「老闆丫，你黎教下媽咪煮野食啦，佢煮野食好難食架，你當黎救下我啦～！」小遊端著腳尖，抓著九哥的胳臂，輕聲說道。

九哥不禁失笑，然後九哥就對著美芳打了個OK的手勢。

美芳也回了他一個笑容，和一隻大姆指。





「好啦，你同媽咪講，九叔叔今晚七點就上去你屋企啦～！」九哥對小遊說。

「好野～今晚有餐好既食啦～！」小遊興奮地舉起雙手，蹦蹦跳跳地走回美芳身旁。

是夜

「好啦，再煎就黑晒架啦塊豬排，快Ｄ上碟啦。」　「喂條魚未得架，蒸多陣先啦！」九哥的聲音此起彼落。

「好啦女，開飯啦！」美芳對小遊說。





「嘩，媽咪，今晚Ｄ菜色好正常呀。」小遊說。

「係丫，多得九叔叔囉。」美芳也如實直說。

「老闆，你返工又要煮野食，放工又要煮野食，真係辛苦晒你囉。」小遊拍拍九哥的臂頭說。

「唔辛苦，你幫我食晒去就得啦。」九哥回應道。

「媽咪，你多Ｄ跟老闆學煮飯啦。」小遊說。





「唏，今日咁岩九叔叔得閒渣，下次又會打回原形架啦！」美芳應道。

飯後

「好啦，食飽玩飽就去訓啦，聽日仲要返學架。」九哥對小遊說。

「知啦老闆，我去訓啦，你同媽咪傾多陣計啦。」小遊笑笑地說道。

「呢個女...真係人細鬼大。」九哥對美芳說。

「唉，佢咁細個就成日咩都要靠自己，又係報紙檔度睇咁多書，難怪既。」美芳笑說。

「係呢，今日果班爛仔，無嚇親你嘛？」九哥問道。

「哼，我呢Ｄ出黎打滾左咁耐既人，咁小事點會嚇親我丫。反而你咁好打就真係令我有點兒出乎意料啦。」美芳說。





「哦.....三腳貓功夫姐。不過....可能為左保護你，所以打得比平時特別勁啦...哈哈哈。」九哥試探性地說道。

美芳低頭，輕聲應道：「.....我....其實你想...其實你咁講係咩意思呀?」

見盡江湖的九哥此時也不禁臉色一紅，說道：「我既意思....係想問你....可唔可以...ER......」



「艷陽下與妹相親，望揩白首永不分，美景醉人，心相允，綠柳花間相對訂緣份.......」突然，九哥的電話響起來。



「喂，吓？火燭？點會咁架？我而家即刻返黎！」九哥驚道。





「茶記火燭，我而家即刻返去睇睇咩事先！」九哥邊走邊說。

留下了一臉汒然的美芳，和躲在房門後偷聽的小遊。

「媽咪，你都去睇下咩事啦，我會乖乖地自己係屋企訓覺，訓之前較定鬧鐘聽日起身返學架啦。」小遊對美芳說。

「嗯，小遊，記得聽日要默書呀。」美芳從沙發上站起來，穿起外套就準備走。

「知啦媽咪，你都記得要追到老闆返黎丫！」小遊對美芳舉起V字手勢。

「啐，你個女，呀媽知啦！」美芳說道，出門去了。